Civil.ge-ს შესახებ
Eng | ქარ | Рус
ბოლო განახლება: 18:51 - 12 დეკ.'17
RSS
Mobile
Twitter
Facebook
ჟურნალისტების ეთიკის ქარტიის საბჭო ფოტოგრაფების საქმეზე
სივილ ჯორჯია, თბილისი / 11 ივლ.'11 / 11:45

ჟურნალისტების ეთიკის ქარტიის საბჭო დღეს შინაგან საქმეთა სამინისტროს წინ აქციის გამართვას გეგმავს ფოტოგრაფების საქმეზე გრიფი "საიდუმლო"–ს მოხსნის მოთხოვნით.

"ქარტიის საბჭო ფოტორეპორტიორების საქმესთან დაკავშირებით შს მინისტრთან [ვანო მერაბიშვილთან] შეხვედრას და საქმეზე საიდუმლო გრიფის დაუყოვნებლივ მოხსნას მოითხოვს“, – განაცხადა საბჭომ და მედიაორგანიზაციებისა და სამოქალაქო საზოგადოების წარმომადგენლებს აქციაში მონაწილეობისკენ მოუწოდა.

ჟურნალისტური ეთიკის ქარტიის საბჭოს წევრმა, საგამოძიებო ჟურნალისტმა ნინო ზურიაშვილმა განაცხადა, რომ შსს–მიერ 9 ივლისს ფოტოგრაფების საქმის რამდენიმე დეტალის გამოქვეყნებამ კიდევ უფრო გააღვივა ეჭვები მათ წინააღმდეგ წაყენებული ბრალდებების სანდოობის მიმართ. მან განუცხადა ტელეკომპანია „მაესტროს“, რომ საქმეს გრიფი "საიდუმლო" უნდა მოეხსნას, ვინაიდან საზოგადოების ინტერესი მის მიმართ ძალიან დიდია.

ჯაშუშობის ბრალდებით დაკავებულ ფოტოგრაფთა საქმეს გრიფი „საიდუმლო“ ადევს; სასამართლო პროცესი, რომელიც სექტემბერში დაიწყება, დახურულ კარს მიღმა გაიმართება. ერთ–ერთი დაკავებული ფოტოგრაფის ადვოკატმა განაცხადა, რომ საქმე ნამდვილად შეიცავს სახელმწიფო საიდუმლო მასალას.

შინაგან საქმეთა სამინისტრომ განაცხადა 9 ივლისს, რომ ერთ–ერთ დაკავებულ ფოტოკორესპონდენტს, ზურაბ ქურციკიძეს, რომელიც European Pressphoto Agency-ის (EPA) ფოტოკორეპორტიორია, რუსეთის სამხედრო დაზვერვასთან ჰქონდა კავშირი, ხოლო დანარჩენი ორი, პრეზიდენტ სააკაშვილის პირადი ფოტოგრაფის ჩათვლით, მას კონფიდენციალურ ინფორმაციას აწვდიდა, მათ შორის პრეზიდენტის ადმინისტრაციული შენობის ნაწილის სქემატური ნახაზის ფოტოსურათებს და ინფორმაციას პრეზიდენტის გადაადგილების მარშუტის შესახებ.

სამინისტრომ ასევე გამოაქვეყნა სააკაშვილის პირადი ფოტოგრაფის, ირაკლი გედენიძის ჩვენების ვიდეოჩანაწერი, სადაც ის აცხადებს, რომ ქურციკიძემ იგი „დააშანტაჟა“, რის შედეგადაც იგი დათანხმდა, რომ მისთვის არა მხოლოდ პროტოკოლით გათვალისწინებული ღონისძიებების ამსახველი ფოტოები მიეწოდებინა, არამედ გარკვეული კონფიდენციალური ინფორმაციაც, რომელსაც ის, სავარაუდოდ, გედენიძისგან ითხოვდა. ამ უკანასკნელს, ქურციკიძის და გიორგი აბდალაძის მსგავსად, წინასწარი პატიმრობა შეეფარდათ. გედენიძის მეუღლე, ნათია გედენიძე, რომელიც ასევე დააპატიმრეს, 9 ივლისს დილით გაათავისუფლეს. იმავე დღეს მოგვიანებით სასამართლომ განაცხადა, რომ იგი 10 000 ლარის გირაოს სანაცვლოდ იქნა განთავისუფლებული, რადგანაც მან "დანაშაული აღიარა“ და ასევე მხედველობაში იქნა მიღებული, რომ მას ორი შვილი ჰყავს. 

შსს–მ ასევე გამოაქვეყნა გედენიძესა და ქურციკიძეს შორის ფარულად ჩაწერილი სატელეფონო საუბარი, სადაც ეს უკანასკნელი სთხოვს გედენიძეს საბანკო ანგარიშის რეკვიზიტები ელექტრონული ფოსტით გაუგზავნოს თანხის გადარიცხვის მიზნით.

EPA–ს მთავარმა რედაქტორმა ჯენგიზ სერემმა 9 ივლისს განუცხადა Associated Press–ს, რომ ქურციკიძეს თავისი სამუშაოს ფარგლებში ევალებოდა, რომ "ჰქონოდა პრეზიდენტის ვიზიტის პროგრამები და მსგავსი რაღაცეები“.

სერენმა ასევე განაცხადა, რომ ქურციკიძე იმიტომ სთხოვდა თავის კოლეგა ფოტოგრაფებს საბანკო დეტალებს, რომ სააგენტოს შემდეგ მათთვის თანხა გადაერიცხა იმ ფოტოებისთვის, რომლებიც მათ EPA–სთვის გადაიღეს. სერენის თქმით, EPA–ს ბუღალტრები აპირებენ მოძებნონ ყველა ის დოკუმენტაცია, რომელიც ქურციკიძისთვის და მისი საშუალებით სხვა ფოტოგრაფისთვის გადარიცხულ თანხებს ეხება, რათა შემდეგ ეს დოკუმენტები საქართველოს ხელისუფლებას წარუდგინონ.

Agence France-Presse (AFP)–სთვის მიცემულ ცალკე ინტერვიუში სერენმა განაცხადა, რომ მას მიაჩნია, რომ ხელისუფლებამ ფოტოგრაფების ანაზღაურების შესახებ უდანაშაულო საუბრების არასწორი ინტერპრეტაცია მოახდინა.

„მათ ჩათვალეს, რომ ეს შეიძლება ჯაშუშური რგოლი იყოს, მაგრამ ეს შორს, შორს არის ამისგან“, – განაცხადა მან და დასძინა, რომ ეს ბრალდებები "ძალიან ადვილად დასამტკიცებელი სიყალბეა“ და რომ მომდევნო კვირას ის სააგენტოს მტკიცებულებას საქართველოს ხელისუფლებას გაუგზავნის.

მედიის უფლებების დამცველმა ჯგუფმა "რეპორტიორები საზღვრებს გარეშე“ განაცხადა, რომ "უკიდურესი გამჭირვალობაა საჭირო იმ ეჭვების გასაქარწყლებლად, რომ დაპატიმრება პოლიტიკურადაა მოტივირებული“.

"რა თქმა უნდა, ხელისუფლების მოვალეობაა დაიცვას ეროვნული ინტერესები, მაგრამ საქართველოში ჯაშუშობის მიმართ არსებულმა შიშმა არ უნდა გააღვივოს მედიის დაშინების კლიმატი და უსაფრთხოების იმპერატივმა დემოკრატიული პრინციპები არ უნდა გადაწონოს,” –  ნათქვამია "რეპორტიორები საზღვრებს გარეშე“–ს განცხადებაში. 

პრეზიდენტის პრესსპიკერმა მანანა მანჯგალაძემ განაცხადა 7 ივლისს, რომ "საქმე შეეხება ინფორმაციის სერიოზულ გაჟონვას ჩვენი ინსტიტუციებიდან. აქ ლაპარაკი არ არის ჟურნალისტიკაზე ან მედიასაქმიანობაზე“. 

"ის ხალხი, რომელიც დააკავეს, სრულებით არ იყვნენ ცნობილი საკუთარი პოლიტიკური შეხედულებებით და აღმაშფოთებელია ის ფაქტი, რომ მათი დაკავება გაიგივებული იყოს მედიის თავისუფლებასთან“, – განაცხადა მანჯგალაძემ 7 ივლისს.   

 

ამავე თემაზე
უახლესი ამბები
12 დეკ.'17 18:51
დეპუტატები ქალთა სავალდებულო კვოტირების ინიციატივას მხარს უჭერენ
დეპუტატ ეკა ბესელიას თქმით, საკანონმდებლო ინიციატივის მიღება 2018 წლის ადრეულ გაზაფხულზე იგეგმება. 
12 დეკ.'17 16:29
ჟენევასა და ბერლინში საქართველოს დიპლომატიურ მისიებს ახალი ელჩები უხელმძღვანელებენ
ვიქტორ დოლიძე და ელგუჯა ხოკრიშვილი უფლებამოსილების განხორციელებას 2018 წლის იანვრიდან შეუდგებიან.
12 დეკ.'17 02:01
კიევის სასამართლომ სააკაშვილი გაათავისუფლა
სასამართლომ არ დააკმაყოფილა პროკურატურის შუამდგომლობა სააკაშვილისთვის ორთვიანი შინაპატიმრობის შეფარდების თაობაზე.
11 დეკ.'17 17:42
კობახიძე: პრეზიდენტის არჩევა 300-წევრიანი საარჩევნო კოლეგიის მიერ ‘ძალაში რჩება’
მისი თქმით, სისტემას ხარვეზები გააჩნია, თუმცა მმართველმა პარტიამ გადაწყვიტა, რომ „პოლიტიკური კომპრომისის“ სახით ის ძალაში დატოვოს. 
11 დეკ.'17 17:27
ნარკოპოლიტიკის ლიბერალიზაციის მოთხოვნით თბილისში აქცია გაიმართა
აქციის მონაწილეებმა ნარკოპოლიტიკის საკითხზე პარლამენტში ინიცირებული საკანონმდებლო ცვლილებათა პაკეტის მიღება მოითხოვეს.
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
84