Civil.ge-ს შესახებ
Eng | ქარ | Рус
ბოლო განახლება: 19:26 - 14 დეკ.'17
RSS
Mobile
Twitter
Facebook
საქსტატი: წლიური ინფლაცია ივნისში 10%-მდე შემცირდა
სივილ ჯორჯია, თბილისი / 4 ივლ.'11 / 15:51

”საქსტატის” მიერ ორშაბათს გამოქვეყნებული მონაცემების თანახმად, წლიური ინფლაცია ივნისში, მაისში არსებული 14.3%-დან 10%-მდე შემცირდა, რისი მიზეზიც ივნისში, წინა თვესთან შედარებით, სურსათის ზოგ კატეგორიაზე ფასების კლება გახდა.

ივნისში, მაისთან შედარებით, სურსათზე ფასები 8.9%-ით შემცირდა; თუმცა წინა წლის ივნისთან შედარებით სურსათზე ინფლაცია 22.2%-ია (მაისში ეს მაჩვენებელი 30.7% იყო).

”საქსტატის” თანახმად, ივნისში, წინა თვესთან შედარებით, ფასები ”მნიშვნელოვნად შემცირდა” ხილზე (28.6%); ბოსტნეულზე (26.2%); შაქარსა და ტკბილეულობაზე (5.7%).

„საქსტატის“ მიერ გამოქვეყნებულ მონაცემებში არ არის უფრო დეტალური ინფორმაცია ივნისში, წინა თვესთან შედარებით, ფასების ცვლასთან დაკავშირებით სურსათის სხვა კატეგორიებზე, მათ შორის ხორცზე, რომლის ფასიც ივნისში მნიშვნელოვნად გაიზარდა.

რაც შეეხება წლიურ ინფლაციას, ”საქსტატის” თანახმად, ივნისში ხორცზე ფასი, შარშანდელ ანალოგიურ თვესთან შედარებით 26.4%-ით გაიზარდა; ხილზე – 34.3%–ით;  ზეთზე და ცხიმზე – 29.2%–ით; რძის, ყველის და კვერცხის ჯგუფზე – 26.2%–ით;  პურსა და პურპროდუქტებზე – 23%–ით.

"საქსტატის“ ინფორმაციით, ივნისში საწვავის ფასები, წინა წლის ანალოგიურ მაჩვენებელთან შედარებით, 21%–ით გაიზარდა; ხოლო საკომუნიკაციო მომსახურებების სფეროში წინა წლის ანალოგიურ მაჩვენებლთან შედარებით 13.1%–იანი კლება დაფიქსირდა.

საქართველოს ეროვნულმა ბანკმა უკვე მეოთხე თვეა მონეტარული პოლიტიკის განაკვეთი 22 ივნისის გადაწყვეტილებით უცვლელად, 8%–ზე დატოვა. ბანკმა განაცხადა, რომ წლის ბოლოსთვის ინფლაცია 8%–მდე შემცირდება.

ეროვნულმა ბანკმა ასევე აღნიშნა, რომ საბაზო ინფლაციის მაჩვენებლები (ინფლაცია სურსათისა და ენერგომატარებლების გამოკლებით) "კვლავ დაბალია“. "შედეგად მოთხოვნის მხრიდან ინფლაციის რისკები მცირეა“, – განაცხადა ეროვნულმა ბანკმა.

უახლესი ამბები
14 დეკ.'17 19:26
ჟენევის საერთაშორისო დისკუსიების 42-ე რაუნდი
მხარეთა შორის უთანხმოებები 12-13 დეკემბრის რაუნდის დროსაც გაგრძელდა.
14 დეკ.'17 15:16
სამხედრო ძალების რაოდენობა მომავალი წლისთვის კვლავ 37 ათასით განისაზღვრა
საქართველოს შეიარაღებული ძალების ზღვრული მაქსიმუმი 37 ათასს 2008 წლის ივლისის შემდეგ შეადგენს.
14 დეკ.'17 13:41
პარლამენტმა ახალ კონსტიტუციაში ინიცირებული ცვლილებები პირველი მოსმენით მიიღო
კანონპროექტის საბოლოო მოსმენით მიღება საგაზაფხულო სესიაზე იგეგმება.
14 დეკ.'17 10:45
2018 წლის ბიუჯეტი დამტკიცებულია
ოპოზიციამ მხარი არ დაუჭირა მომავალი წლის ბიუჯეტს, რომელიც 4.5%-იან ეკონომიკურ ზრდაზეა გათვლილი.
13 დეკ.'17 18:37
რუსეთი სოხუმთან მოქალაქეობის შესახებ შეთანხმებებს მოაწერს ხელს
მოსკოვი ორ შეთანხმებას ამზადებს ორმაგი მოქალაქეობის და მოქალაქეობის მიღების გამარტივებული პროცედურის შესახებ.
13 დეკ.'17 16:06
ეროვნულმა ბანკმა მონეტარული პოლიტიკის განაკვეთი 7.25%-მდე გაზარდა
მონეტარული პოლიტიკის კომიტეტის მომდევნო სხდომა 2018 წლის 31 იანვარს გაიმართება.
13 დეკ.'17 12:18
საქართველოს საგარეო ვაჭრობა 2017 წლის იანვარ-ნოემბერში
უარყოფითმა სავაჭრო ბალანსმა 4.68 მილიარდი აშშ დოლარი შეადგინა.
12 დეკ.'17 18:51
დეპუტატები ქალთა სავალდებულო კვოტირების ინიციატივას მხარს უჭერენ
დეპუტატ ეკა ბესელიას თქმით, საკანონმდებლო ინიციატივის მიღება 2018 წლის ადრეულ გაზაფხულზე იგეგმება. 
12 დეკ.'17 16:29
ჟენევასა და ბერლინში საქართველოს დიპლომატიურ მისიებს ახალი ელჩები უხელმძღვანელებენ
ვიქტორ დოლიძე და ელგუჯა ხოკრიშვილი უფლებამოსილების განხორციელებას 2018 წლის იანვრიდან შეუდგებიან.
12 დეკ.'17 02:01
კიევის სასამართლომ სააკაშვილი გაათავისუფლა
სასამართლომ არ დააკმაყოფილა პროკურატურის შუამდგომლობა სააკაშვილისთვის ორთვიანი შინაპატიმრობის შეფარდების თაობაზე.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
92