Civil.ge-ს შესახებ
Eng | ქარ | Рус
ბოლო განახლება: 18:37 - 13 დეკ.'17
RSS
Mobile
Twitter
Facebook
კვლევის თანახმად, ახალი ამბებისადმი მაყურებლის ინტერესი კვლავ მაღალია
სივილ ჯორჯია, თბილისი / 22 ივნ.'11 / 19:04

ქართული მედიის შესახებ ახალი ყოვლისმომცველი კვლევის თანახმად, ახალი ამბებისადმი მოსახლეობის ინტერესი კვლავ მაღალია და რესპონდენტთა 83% ყოველდღიურად ადევნებს თვალს ახალ ამბებს ნაციონალურ ტელეარხებზე.

კავკასიის კვლევითი რესურსების ცენტრის (CRRC) მიერ მედიის საკითხებზე მომზადებული კვლევა საზოგადოებრივი აზრის გამოკითხვას ეფუძნება, რომლის ფარგლებშიც საქართველოში 2011 წლის მარტის ბოლოს და აპრილის დასაწყისში 2 000–ზე მეტი რესპონდენტი გამოიკითხა. (კვლევის ზოგიერთი ასპექტების მოკლე პრეზენტაცია pdf ფორმატშია ხელმისაწვდომი; მისი სრული ვერსიის ნახვა კი ამ ბმულზეა შესაძლებელი).

კვლევა CRRC–ის მიერ 2009 წლის ოქტომბერში ჩატარებული კვლევის მსგავსია და ისევე როგორც წლინახევრის წინ, ამჟამინდელმა კვლევამაც აჩვენა, რომ რესპონდენტთა უმეტესობა ახალი ამბების ყურებას ყოველდღე, დაახლოებით, 1–2 საათს უთმობს.

კვლევის თანახმად, გასართობი სატელევიზიო პროგრამების, კერძოდ კი კომედიური შოუების პოპულარობა გაზრდილია.

„თუმცა გასართობი შოუების მიმართ ინტერესის ზრდა არ მომხდარა ახალი ამბების და მიმდინარე მოვლენების მიმართ ინტერესის კლების ხარჯზე, რაც კვლავ მაღალი რჩება,“ – განუცხადა CRRC–საქართველოს დირექტორმა კობა თურმანიძემ Civil.ge-ს.

წინა კვლევის მსგავსად, წლევანდელ კვლევაშიც მაყურებელთა მოთხოვნა საგამოძიებო რეპორტაჟებზე კვლავაც მაღალია.

საგრძნობი ცვლილებები, რომლებიც 2009 წლის ოქტომბრის კვლევასთან შედარებით დაფიქსირდა, ძირითადად ინტერნეტის მოხმარებას უკავშირდება. კერძოდ, იმ რესპონდენტთა რაოდენობამ, რომლებიც აცხადებენ, რომ თავისუფალ დროს ინტერნეტის გამოყენებას ამჯობინებს, ორზე მეტჯერ იმატა და 20% შეადგინა.

კვლევის თანახმად, 13%–დან 23%–მდე გაიზარდა იმ რესპონდენტთა რაოდენობა, რომლებიც ინტერნეტს ყოველდღიურად მოიხმარენ. რესპონდენტთა 70% აცხადებს, რომ ყველაზე ხშირად სოციალურ ქსელებს მოიხმარენ.

რესპონდენტთა 88%–ისთვის ტელევიზია ინფორმაციის მიღების მთავარ წყაროდ რჩება.

მართალია იმ რესპონდენტთა რაოდენობა, ვისთვისაც ინტერნეტი ინფორმაციის მთავარ წყაროდ რჩება, კვლავ დაბალია და 5%–ს შეადგენს (3% იყო 2009 წელს), მაგრამ ეს მაჩვენებელი გაცილებით უსწრებს გაზეთებს და ჟურნალებს; ბეჭდვური მედია ინფორმაციის მთავარ წყაროდ რესპონდენტთა მხოლოდ 2%–ისთვის რჩება, რაც 2009 წლის კვლევის შედეგების ანალოგიური მონაცემია.

იმ რესპონდენტთა რაოდენობა, ვისთვისაც ინტერნეტი მიმდინარე მოვლენების შესახებ ინფორმაციის მიღების მეორე წყაროს წარმოადგენს, ორზე მეტჯერ  გაიზარდა და 2009 წლის 6%–ის ნაცვლად, წელს 14% შეადგინა. თუმცა, ეს მონაცემი მცირედით ჩამორჩება გაზეთებს და ჟურნალებს, რომლებიც რესპონდენტთა 18%–ისთვის ინფორმაციის მეორე წყაროს წარმოადგენს. 2009 წელს ეს მაჩვენებელი 26% იყო. 

ტელეკომპანიები „რუსთავი 2“ და „იმედი“ ყველაზე ყურებადი ტელევიზიებია საქართველოში. რესპონდენტთა 88% და 85%, შესაბამისად, სწორედ ამ ორ მაუწყებელზე ადევნებენ თვალს ახალ ამბებს. საქართველოს საზოგადოებრივი მაუწყებელი მათ მნიშვნელოვნად ჩამორჩება 32%–იანი მონაცემით.

სამივე ეს ტელეკომპანია ქვეყნის მასშტაბით მაუწყებლობს.

რესპონდენტთა 6% და 9% უყურებს ახალ ამბებს შესაბამისად „მაესტროსა“ და „კავკასიაზე“, რომლებიც, ძირითადად, თბილისში მაუწყებლობენ.

რესპონდენტთა 43%–ს მიაჩნია, რომ ტელეკომპანია „იმედი“ ხელისუფლების ინტერესებს ემსახურება. „რუსთავი 2“–თან დაკავშირებით, 53%–მა, ხოლო საზოგადოებრივ მაუწყებელთან მიმართებაში 48%–მა გასცა ასეთივე პასუხი.

„კავკასიის“ და „მაესტროს“ შემთხვევაში, რესპონდენტთა 38%–მა და 29%–მა, შესაბამისად, განაცხადა, რომ ორივე ტელეკომპანია ოპოზიციის ინტერესებს ემსახურება. ამავე დროს, 46% აცხადებს, რომ არ იცის, თუ ვის ინტერესებს ემსახურება „კავკასია“, ხოლო 56%–მა პასუხი ვერ გასცა იგივე კითხვას „მაესტროსთან“ დაკავშირებით.

რესპონდენტთა 43% აცხადებს, რომ „რუსთავი 2“–ის მიერ გადაცემულ ახალ ამბებს ენდობა; 2009 წელს ეს მაჩვენებელი 37%–ს შეადგენდა. 42%–მა იგივე განაცხადა „იმედთან“ დაკავშირებით – ეს მაჩვენებელი 2009 წლის კვლევაშიც ანალოგიურია. 25%–მა (ნაცვლად წინა კვლევაში არსებული 17%–ისა) განაცხადა, რომ ისინი საზოგადოებრივი მაუწყებლის ახალ ამბებს ენდობიან.

ამავე დროს, რესპონდენტთა 42%–ს მიაჩნია, რომ ქართულ მედიაში სიტყვის თავისუფლება არ არსებობს; 2009 წელს ეს მაჩვენებელი 46%–ს შეადგენდა; რესპონდენტთა 34% საწინააღმდეგოს ფიქრობს – 2009 წელს მათი ოდენობა 36%–ს შეადგენდა.

უახლესი ამბები
13 დეკ.'17 18:37
რუსეთი სოხუმთან მოქალაქეობის შესახებ შეთანხმებებს მოაწერს ხელს
მოსკოვი ორ შეთანხმებას ამზადებს ორმაგი მოქალაქეობის და მოქალაქეობის მიღების გამარტივებული პროცედურის შესახებ.
13 დეკ.'17 16:06
ეროვნულმა ბანკმა მონეტარული პოლიტიკის განაკვეთი 7.25%-მდე გაზარდა
მონეტარული პოლიტიკის კომიტეტის მომდევნო სხდომა 2018 წლის 31 იანვარს გაიმართება.
13 დეკ.'17 12:18
საქართველოს საგარეო ვაჭრობა 2017 წლის იანვარ-ნოემბერში
უარყოფითმა სავაჭრო ბალანსმა 4.68 მილიარდი აშშ დოლარი შეადგინა.
12 დეკ.'17 18:51
დეპუტატები ქალთა სავალდებულო კვოტირების ინიციატივას მხარს უჭერენ
დეპუტატ ეკა ბესელიას თქმით, საკანონმდებლო ინიციატივის მიღება 2018 წლის ადრეულ გაზაფხულზე იგეგმება. 
12 დეკ.'17 16:29
ჟენევასა და ბერლინში საქართველოს დიპლომატიურ მისიებს ახალი ელჩები უხელმძღვანელებენ
ვიქტორ დოლიძე და ელგუჯა ხოკრიშვილი უფლებამოსილების განხორციელებას 2018 წლის იანვრიდან შეუდგებიან.
12 დეკ.'17 02:01
კიევის სასამართლომ სააკაშვილი გაათავისუფლა
სასამართლომ არ დააკმაყოფილა პროკურატურის შუამდგომლობა სააკაშვილისთვის ორთვიანი შინაპატიმრობის შეფარდების თაობაზე.
11 დეკ.'17 17:42
კობახიძე: პრეზიდენტის არჩევა 300-წევრიანი საარჩევნო კოლეგიის მიერ ‘ძალაში რჩება’
მისი თქმით, სისტემას ხარვეზები გააჩნია, თუმცა მმართველმა პარტიამ გადაწყვიტა, რომ „პოლიტიკური კომპრომისის“ სახით ის ძალაში დატოვოს. 
11 დეკ.'17 17:27
ნარკოპოლიტიკის ლიბერალიზაციის მოთხოვნით თბილისში აქცია გაიმართა
აქციის მონაწილეებმა ნარკოპოლიტიკის საკითხზე პარლამენტში ინიცირებული საკანონმდებლო ცვლილებათა პაკეტის მიღება მოითხოვეს.
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
103