Civil.ge-ს შესახებ
Eng | ქარ | Рус
ბოლო განახლება: 18:50 - 15 დეკ.'17
RSS
Mobile
Twitter
Facebook
მერია დემონსტრაციის ადგილის შეცვლისკენ მოუწოდებს
სივილ ჯორჯია, თბილისი / 25 მაი.'11 / 20:44

დედაქალაქის მერია მოუწოდებს პარლამენტის წინ შეკრებილ დემონსტრანტებს დამოუკიდებლობის დღესთან დაკავშირებით, 26 მაისს დაგეგმილი საზეიმო ღონისძიებების გამო ალტერნატიულ ადგილას გადაინაცვლონ.

აქციის ორგანიზატორთა განაცხადის მიხედვით, მიტინგების ჩატარების თარიღია 21 მაისიდან 25 მაისის ჩათვლით პერიოდი, აცხადებს მერია.

“ხვალ არის დამოუკიდებლობის დღე და ტრადიციულად ეს დღე აღინიშნება სხვადასხვა სახის ღონისძიებებით. შესაბამისად დემონსტრაცია ვერ ჩატარდება თავისუფლების მოედანზე და ვერც რუსთაველის გამზირზე და ასევე ვარდების მოედანზეც,“– ნათქვამია თბილისის მერიის განცხადებაში.

“აქედან გამომდინარე დემონსტრაციის მონაწილეებმა შესაძლოა გადაინაცვლონ თბილისის ნებისმიერ ადგილას მაგალითად ვაკის პარკში, დედაენის ბაღში ან ვერის ბაღში,“– აცხადებს დედაქალაქის მერია.

აქციის ორგანიზატორმა და "დემოკრატიული მოძრაობის“ ლიდერმა ნინო ბურჯანაძემ განაცხადა, რომ სახალხო კრების აქტივისტები ღამის გათენებას აპირებენ პარლამენტის წინ. მან ხელისუფლებას 26 მაისს დაგეგმილი სამხედრო აღლუმის ჩატარების გეგმების შეცვლისკენ მოუწოდა.

შეკრებებისა და მანიფესტაციების შესახებ კანონის თანახმად, აქციის შესახებ  ხელისუფლების წინასწარი გაფრთხილების აუცილებლობა არსებობს მაშინ, თუ ის ხალხისა და ტრანსპორტის სამოძრაო ადგილას იმართება; ადგილობრივი მმართველობის ორგანო არ მიიღებს გაფრთხილებას, თუ შეკრება ან მანიფესტაცია ჩატარების ფორმის, დროისა და ადგილის მიხედვით ემთხვევა სხვა ამგვარ ღონისძიებას, რომლის შესახებ გაფრთხილება უფრო ადრე იქნა წარდგენილი, „ანდა სხვა მასობრივ აქციას“.

კანონის თანახმად, წინასწარი გაფრთხილების მიუხედავად, აკრძალულია ტრანსპორტის სავალი ნაწილის ხელოვნურად გადაკეტვა, თუ ამას არ მოითხოვს შეკრებაში ან მანიფესტაციაში მონაწილეთა რაოდენობა. აგრეთვე აკრძალულია ტრანსპორტის სავალი ნაწილის გადაკეტვა ავტომანქანებით, სხვადასხვა კონსტრუქციებით ან/და საგნებით. ამ წესების დარღვევის შემთხვევაში ადგილობრივი თვითმმართველობის ორგანოს უფლებამოსილი წარმომადგენელი შეკრების ან მანიფესტაციის მონაწილეებს მიმართავს მოთხოვნით, გაათავისუფლონ სავალი ნაწილი, რასაც აქციის მონაწილეები ვალდებული არიან, რომ დაემორჩილონ.

“მოთხოვნათა დარღვევის შემთხვევაში შეკრება ან მანიფესტაცია უნდა შეწყდეს დაუყოვნებლივ, ადგილობრივი თვითმმართველობის ორგანოს უფლებამოსილი წარმომადგენლის მოთხოვნისთანავე,“– ნათქვამია კანონში. 

კანონის თანახმად, ასევე დაუშვებელია შეკრების ან მანიფესტაციის ორგანიზაციისას და ჩატარებისას მოწოდება საქართველოს კონსტიტუციური წყობილების დამხობის ან ძალადობით შეცვლისაკენ, ქვეყნის დამოუკიდებლობის ხელყოფისა და ტერიტორიული მთლიანობის დარღვევისაკენ, ან ისეთი მოწოდება, რომელიც წარმოადგენს ომისა და ძალადობის პროპაგანდას. 

„ხელისუფლება უფლებამოსილია შეწყვიტოს შეკრება ან მანიფესტაციები რომელიც, კანონის მოთხოვნათა დარღვევით იმართება,"– ნათქვამია კანონში.

 

ამავე თემაზე
უახლესი ამბები
15 დეკ.'17 18:50
ახალ კონსტიტუციაში საჯარო ინფორმაციის ხელმისაწვდომობის პირობები დაზუსტდება
შესაბამისი შესწორება პარლამენტმა საკონსტიტუციო ცვლილებების მეორე მოსმენით განხილვისას დაამტკიცა.
15 დეკ.'17 18:06
ლარი აშშ დოლართან და ევროსთან მიმართებაში გამყარდა
ლარის გაცვლითი კურსი აშშ დოლართან მიმართებაში 2.5597, ხოლო ევროსთან მიმართებაში 3.0256-ია.    
15 დეკ.'17 12:34
ამერიკელი სენატორი საქართველოსთვის ჯაველინის სისტემის მიყიდვას ეწინააღმდეგება
სენატორმა რენდ პოლმა რეზოლუცია წარადგინა, სადაც შემოთავაზებული მიყიდვის აკრძალვას ითხოვს.
14 დეკ.'17 19:26
ჟენევის საერთაშორისო დისკუსიების 42-ე რაუნდი
მხარეთა შორის უთანხმოებები 12-13 დეკემბრის რაუნდის დროსაც გაგრძელდა.
14 დეკ.'17 15:16
სამხედრო ძალების რაოდენობა მომავალი წლისთვის კვლავ 37 ათასით განისაზღვრა
საქართველოს შეიარაღებული ძალების ზღვრული მაქსიმუმი 37 ათასს 2008 წლის ივლისის შემდეგ შეადგენს.
14 დეკ.'17 13:41
პარლამენტმა ახალ კონსტიტუციაში ინიცირებული ცვლილებები პირველი მოსმენით მიიღო
კანონპროექტის საბოლოო მოსმენით მიღება საგაზაფხულო სესიაზე იგეგმება.
14 დეკ.'17 10:45
2018 წლის ბიუჯეტი დამტკიცებულია
ოპოზიციამ მხარი არ დაუჭირა მომავალი წლის ბიუჯეტს, რომელიც 4.5%-იან ეკონომიკურ ზრდაზეა გათვლილი.
13 დეკ.'17 18:37
რუსეთი სოხუმთან მოქალაქეობის შესახებ შეთანხმებებს მოაწერს ხელს
მოსკოვი ორ შეთანხმებას ამზადებს ორმაგი მოქალაქეობის და მოქალაქეობის მიღების გამარტივებული პროცედურის შესახებ.
13 დეკ.'17 16:06
ეროვნულმა ბანკმა მონეტარული პოლიტიკის განაკვეთი 7.25%-მდე გაზარდა
მონეტარული პოლიტიკის კომიტეტის მომდევნო სხდომა 2018 წლის 31 იანვარს გაიმართება.
13 დეკ.'17 12:18
საქართველოს საგარეო ვაჭრობა 2017 წლის იანვარ-ნოემბერში
უარყოფითმა სავაჭრო ბალანსმა 4.68 მილიარდი აშშ დოლარი შეადგინა.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
46