Civil.ge-ს შესახებ
Eng | ქარ | Рус
ბოლო განახლება: 15:21 - 19 თებ.'18
RSS
Mobile
Twitter
Facebook
ოქრუაშვილი: 'მოგვიწევს რთული ბრძოლა'
სივილ ჯორჯია, თბილისი / 22 მაი.'11 / 21:26

თავდაცვის ყოფილმა მინისტრმა და ქართული პარტიის თანადამფუძნებელმა ირაკლი ოქრუაშვილმა განაცხადა, რომ 25 მაისს, როცა ის საქართველოში დაბრუნებას აპირებს, "მოგვიწევს რთული ბრძოლა“, რომლის დროსაც "დანაკარგები" ხალხის აქტივობაზე იქნება დამოკიდებული.

„არავის არ აქვს იმის ილუზია, რომ ჩვენ შევიკრიბებით 25–ში, შევუძახებთ ერთს და ამის შედეგად წავლენ ისინი [ხელისუფლება]. ჩვენ მოგვიწევს რთული ბრძოლა და ჩვენ ამ ბრძოლისთვის მზად ვართ,“– განაცხადა მან ტელეკომპანია „მაესტროს“ სატელეფონო ჩართვისას.

“25–ში, როგორც მინიმუმ ჩვენ შევძლებთ იმას, რომ სააკაშვილის ხელისუფლება დავასრულოთ დიდი დანაკარგების გარეშე,“– განაცხადა მან, "თუ იქნება დიდი აქტივობა საზოგადოების მხრიდან, თუ იქნება დიდი მხარდაჭერა ხალხის მხრიდან, დანაკარგები იქნება მინიმალური“.

მან ასევე განაცხადა, რომ ხელისუფლების პასუხისმგებლობაა, თუ პროცესები რამდენად გასცდება კონსტიტუციურ ჩარჩოებს და კიდევ ერთხელ მოუწოდა ჯარს, რომ დადგეს ხალხის მხარეს.

“მათი არჩევანი გადაწყვეტს საქართველოს ბედს და საქართველოს მომავალს,“– აღნიშნა მან. 

“ვანო მერაბიშვილს თქვენი ეთერით ვეუბნევი: ძალიან დიდი შანსი აქვს გაუძლოს ცდუნებას, პირველ რიგში. და მეორე, ძალიან დიდი გამოცდა ექნება ჩასაბარებელი 25–ში მას. მითი მისი უძლეველობისა ერთ დღეში შეიძლება დაიმსხვრეს და მე ამას გავაკეთებ ნამდვილად, მე ამას გპირდებით,“– განაცხადა ოქრუაშვილმა შსს–ის იმ განცხადების საპასუხოდ, რომ მას საქართველოში შემოსვლისას დააპატიმრებენ.

მან ასევე განაცხადა, რომ საქართველოში დაბრუნებით "საკმაოდ სარისკო ნაბიჯს“ დგამს, "იმისთვის რომ გადავარჩინოთ ჩვენი ქვეყანა" და ხაზი გაუსვა: "მე არ მაქვს პრეტენზია ლიდერობაზე, არ მაქვს პრეტენზია პირველობაზე, არ მაქვს პრეტენზია იმაზე, რომ ჩვენ ვართ ამ  პროცესის მმართველები“.

ქართული პარტიის კიდევ ერთმა ლიდერმა ეროსი კიწმარიშვილმა განაცხადა, რომ „25 მაისს ქართული პარტია გაუკეთებს ორგანიზებას ხალხის განწყობებს და დავამთავრებთ ამ რეჟიმს... ყველა ძალასთან ერთად, ვისაც ამის სურვილი აქვს“.

სახალხო კრებისა და დემოკრატიული მოძრაობა–ერთიანი საქართველოს ლიდერმა ნინო ბურჯანაძემ კითხვაზე უერთდება თუ არა სახალხო კრება 25 მაისს ქართული პარტიის მიერ გამოცხადებულ აქციას, უპასუხა: "ჩვენ არაფერს არ ვუერთდებით. თუ ჩვენ ვიმოქმედებთ კოორდინირებულად და თუ 25–მდე მივა ეს პროცესი, მერე ვნახოთ. რა გვინდა პრეზიდენტის ადმინისტრაციაში, პრეზიდენტი არ არის. დარბის წინ და უკან. აქცია ჯერ–ჯერობით აქ [საზოგადოებრივ მაუწყებელთან] დარჩება“.

ქართულმა პარტიამ სახალხო კრების აქციასთან შეერთების შესახებ გადაწყვეტილება დღეს მიიღო მას შემდეგ, რაც პოლიციასა და აქციის მონაწილეებს შორის შეტაკება მოხდა. ქართულმა პარტიამ, იმავდროულად, გამოაცხადა, რომ 25 მაისს აქცია ავლაბარში, პრეზიდენტის ადმინისტრაციის სიახლოვეს დაგეგმა. 

მოქმედებათა კოორდინირების მიზნით სახალხო კრებისა და ქართული პარტიის ლიდერების მოლაპარაკებების შემდეგ, რომელიც დღეს გაიმართა, მხოლოდ ის გადაწყვეტილება გამოცხადდა, რომ საპროტესტო აქცია საზოგადოებრივი მაუწყებლის წინ გაგრძელდებოდა.

 

ამავე თემაზე
უახლესი ამბები
19 თებ.'18 13:30
არასამთავრობო და მედიაორგანიზაციები მუხთარლის საქმეზე პარლამენტის საგამოძიებო კომისიის შექმნას მოითხოვენ
ერთობლივ განცხადებას ხელს 35 ორგანიზაცია აწერს.
17 თებ.'18 14:10
მარგველაშვილი ლიტვის დამოუკიდებლობის აღდგენისადმი მიძღვნილ ღონისძიებებს დაესწრო
ლიტვის დამოუკიდებლობის აღდეგენის 100 წლისთავის აღსანიშნავად ვილნიუსში ევროპელი ლიდერები ჩავიდნენ.
16 თებ.'18 16:05
მთავრობა მცირე მეწარმეებისთვის ახალი საგადასახადო ინიციატივით გამოდის
ინიციატივის მიხედვით, მცირე მეწარმეებისთვის საგადასახადო განაკვეთი 5-ჯერ შემცირდება.
16 თებ.'18 13:50
ვიცე-პრემიერი ქუმსიშვილი ბაქოში სამხრეთის გაზის დერეფნის მრჩეველთა საბჭოს მინისტერიალს დაესწრო
ვიზიტის ფარგლებში, ქუმსიშვილი აზერბაიჯანის პრეზიდენტს ილჰამ ალიევს შეხვდა.
15 თებ.'18 14:27
სამართალდამცავების მიერ ჩადენილ დანაშაულს დამოუკიდებელი ორგანო გამოიძიებს
ახალი უწყება 2019 წლიდან, პერსონალურ მონაცემთა დაცვის ინსპექტორის აპარატის ბაზაზე შეიქმნება.
14 თებ.'18 17:24
საქართველო აშშ–ის დაზვერვის ყოველწლიურ ანგარიშში
აშშ–ის ეროვნულმა დაზვერვამ ყოველწლიური ანგარიში გამოაქვეყნა, რომელიც მსოფლიო მასშტაბით საფრთხეებს აფასებს.
14 თებ.'18 16:28
თავდაცვის რეფორმის თაობაზე საკომიტეტო მოსმენა გაიმართა
ლევან იზორიამ წვრთნებზე, ტოტალურ თავდაცვაზე და საბიუჯეტო პრიორიტეტბზე ისაუბრა.
14 თებ.'18 16:13
პარლამენტმა განაახლა მსჯელობა „მაუწყებლობის შესახებ“ კანონში შეტანილ ცვლილებებზე
მმართველ გუნდში კვლავაც ნარჩუნდება აზრთა სხვადასხვაობა იმ ახალ რეგულაციებზე, რომელიც საზოგადოებრივი მაუწყებლის უფლებამოსილებებს აფართოებს.
13 თებ.'18 17:34
ჯანელიძე ისლამური სახელმწიფოს წინააღმდეგ გლობალური კოალიციის მინისტერიალში მონაწილეობს
საგარეო საქმეთა მინისტრი ქუვეითის პრემიერ-მინისტრს, შეიხ ჯაბერ ალ მუბარაქ ალ ჰამედ ალ საბაჰს შეხვდა.
13 თებ.'18 14:52
თბილისის სააპელაციო სასამართლომ დეკანოზ გიორგი მამალაძის მიმართ გამამტყუნებელი განაჩენი ძალაში დატოვა
საქალაქო სასამრთლომ გიორგი მამალაძეს 9 წლით თავისუფლების აღკვეთა გასული წლის სექტემბერში მიუსაჯა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
91