Civil.ge-ს შესახებ
Eng | ქარ | Рус
ბოლო განახლება: 15:21 - 19 თებ.'18
RSS
Mobile
Twitter
Facebook
ბურჯანაძე: ‘ჩვენი გადამწყვეტი ბრძოლა წარმატებული იქნება’
სივილ ჯორჯია, თბილისი / 20 მაი.'11 / 16:07

სახალხო კრება, რომელიც პარლამენტის ყოფილი თავმჯდომარის ნინო ბურჯანაძის ძლიერი მხარდაჭერით სარგებლობს, 21 მაისს პრეზიდენტ სააკაშვილის წინააღმდეგ "გადამწყვეტ ბრძოლას“ დაიწყებს, რომელიც „წარმატებით დამთავრდება“, განაცხადა ბურჯანაძემ ხუთშაბათს, ქუჩის საპროტესტო აქციების დაწყებამდე ორი დღით ადრე.

თვის დასაწყისში სახალხო კრებამ გამოაცხადა, რომ მოძრაობის აქტივისტები 21 მაისს თბილისის სამ სხვადასხვა ადგილას, კერძოდ ფილარმონიის წინ, ავლაბრის მოედანზე და ვარდების მოედანზე დაიწყებენ შეკრებას და შემდეგ თავისუფლების მოედნისკენ დაიძრებიან, სადაც იმავე დღეს, 15:00 საათზე საპროტესტო აქცია გაიმართება. პარალელური საპროტესტო აქცია ბათუმშიც გაიმართება.

"21 მაისს დაიწყება გადამწყვეტი ბრძოლა ამ რეჟიმის შესაცვლელად და მე აბსოლუტურად დარწმუნებული ვარ... რომ ეს ბრძოლა წარმატებით დამთავრდება,“ – განუცხადა დემოკრატიული მოძრაობა – ერთიანი საქართველოს ლიდერმა ნინო ბურჯანაძემ ტელეკომპანია "მაესტროს“ 19 მაისს.

"ჩვენ არ ვაპირებთ გაუთავებელ ლაპარაკს [დაგეგმილ აქციაზე],“ – განაცხადა მან, "იქ იქნება ძალიან კონკრეტული რამდენიმე მიმართვა, მათ შორის მიმართვა საერთაშორისო თანამეგობრობას, მიმართვა ძალოვან სტრუქტურებში მომუშავე ადამიანებისადმი, პოლიციელებისადმი, ჯარისკაცებისადმი... მე აბსოლუტურად ვარ დარწმუნებული იმაში, რომ ძალოვან სტრუქტურებში მომუშავე ადამიანების აბსოლუტური უმრავლესობა უკანონო ბრძანებას არ შეასრულებს და საკუთარ ხალხს არ დაუპირისპირდება“.

ბურჯანაძემ განაცხადა, რომ 21 მაისს "იმდენი ხალხი შეიკრიბება“, რომ ვერც ერთი სპეცრაზმელი ვერ შეძლებს "დაუპირისპირდეს“ მათ. მან ასევე აღნიშნა, რომ სახალხო კრების აქტივისტები ხელისუფლების მხრიდან დევნას განიცდიან, განსაკუთრებით კი რეგიონებში. სახალხო კრებამ განაცხადა, რომ პრობლემები ექმნება აქტივისტების თბილისში ტრანსპორტირების კუთხით, რადგანაც მიკროავტობუსების მძღოლებზე ზეწოლა მიმდინარეობს, რომ 21 მაისს თბილისის მიმართულებით არ გამოემგზავრონ.

სახალხო კრება შარშან ჩამოყალიბდა და იგი რამდენიმე ოპოზიციურ ჯგუფს და ინდივიდუალურ პირს აერთიანებს. მართალია, თავდაპირველად რამდენიმე ოპოზიციურმა პარტიამ გამოთქვა მოძრაობაში გაწევრიანების სურვილი, მაგრამ რეალურად, ნინო ბურჯანაძის დემოკრატიული მოძრაობა – ერთიანი საქართველოსთვის ერთადერთი პოლიტიკური პარტიაა, რომელიც მოძრაობას უჭერს მხარს. მოძრაობის კიდევ ერთი მხარდამჭერია იმერეთის ყოფილი გუბერნატორის თემურ შაშიაშვილის მიერ ჩამოყალიბებული მცირერიცხოვანი პარტია.

უახლესი ამბები
19 თებ.'18 13:30
არასამთავრობო და მედიაორგანიზაციები მუხთარლის საქმეზე პარლამენტის საგამოძიებო კომისიის შექმნას მოითხოვენ
ერთობლივ განცხადებას ხელს 35 ორგანიზაცია აწერს.
17 თებ.'18 14:10
მარგველაშვილი ლიტვის დამოუკიდებლობის აღდგენისადმი მიძღვნილ ღონისძიებებს დაესწრო
ლიტვის დამოუკიდებლობის აღდეგენის 100 წლისთავის აღსანიშნავად ვილნიუსში ევროპელი ლიდერები ჩავიდნენ.
16 თებ.'18 16:05
მთავრობა მცირე მეწარმეებისთვის ახალი საგადასახადო ინიციატივით გამოდის
ინიციატივის მიხედვით, მცირე მეწარმეებისთვის საგადასახადო განაკვეთი 5-ჯერ შემცირდება.
16 თებ.'18 13:50
ვიცე-პრემიერი ქუმსიშვილი ბაქოში სამხრეთის გაზის დერეფნის მრჩეველთა საბჭოს მინისტერიალს დაესწრო
ვიზიტის ფარგლებში, ქუმსიშვილი აზერბაიჯანის პრეზიდენტს ილჰამ ალიევს შეხვდა.
15 თებ.'18 14:27
სამართალდამცავების მიერ ჩადენილ დანაშაულს დამოუკიდებელი ორგანო გამოიძიებს
ახალი უწყება 2019 წლიდან, პერსონალურ მონაცემთა დაცვის ინსპექტორის აპარატის ბაზაზე შეიქმნება.
14 თებ.'18 17:24
საქართველო აშშ–ის დაზვერვის ყოველწლიურ ანგარიშში
აშშ–ის ეროვნულმა დაზვერვამ ყოველწლიური ანგარიში გამოაქვეყნა, რომელიც მსოფლიო მასშტაბით საფრთხეებს აფასებს.
14 თებ.'18 16:28
თავდაცვის რეფორმის თაობაზე საკომიტეტო მოსმენა გაიმართა
ლევან იზორიამ წვრთნებზე, ტოტალურ თავდაცვაზე და საბიუჯეტო პრიორიტეტბზე ისაუბრა.
14 თებ.'18 16:13
პარლამენტმა განაახლა მსჯელობა „მაუწყებლობის შესახებ“ კანონში შეტანილ ცვლილებებზე
მმართველ გუნდში კვლავაც ნარჩუნდება აზრთა სხვადასხვაობა იმ ახალ რეგულაციებზე, რომელიც საზოგადოებრივი მაუწყებლის უფლებამოსილებებს აფართოებს.
13 თებ.'18 17:34
ჯანელიძე ისლამური სახელმწიფოს წინააღმდეგ გლობალური კოალიციის მინისტერიალში მონაწილეობს
საგარეო საქმეთა მინისტრი ქუვეითის პრემიერ-მინისტრს, შეიხ ჯაბერ ალ მუბარაქ ალ ჰამედ ალ საბაჰს შეხვდა.
13 თებ.'18 14:52
თბილისის სააპელაციო სასამართლომ დეკანოზ გიორგი მამალაძის მიმართ გამამტყუნებელი განაჩენი ძალაში დატოვა
საქალაქო სასამრთლომ გიორგი მამალაძეს 9 წლით თავისუფლების აღკვეთა გასული წლის სექტემბერში მიუსაჯა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
93