Civil.ge-ს შესახებ
Eng | ქარ | Рус
ბოლო განახლება: 18:51 - 12 დეკ.'17
RSS
Mobile
Twitter
Facebook
პარლამენტში ჩერქეზთა ‘გენოციდის’ აღიარების მხარდამჭერი სამეცნიერო დასკვნა მოისმინეს
სივილ ჯორჯია, თბილისი / 13 მაი.'11 / 17:17

  • წიკლაური: დღის წესრიგში ჩეჩნების გენოციდის აღიარების საკითხიც დგას.

პარლამენტი ცარისტული რუსეთის მიერ მე–19 საუკუნეში ჩრდილო კავკასიელი ჩერქეზი ხალხის დევნის „გენოციდად“ აღიარების შესახებ "პოლიტიკური გადაწყვეტილების“ მიღების ეტაპზე გადავიდა, მას შემდეგ, რაც 13 მაისს დიასპორისა და კავკასიის საკითხთა საპარლამენტო კომიტეტმა ამ საკითხზე შემაჯამებელი სამეცნიერო დასკვნა მოისმინა.

"მე–19 საუკუნეში რუსეთ–კავკასიის ომის დროს რუსეთის იმპერიის პოლიტიკური და სამხედრო ხელმძღვანელობის მიერ საგანგებოდ იქნა წინასწარ დაგეგმილი, ხოლო შემდგომ განხორციელებული ჩერქეზული ტერიტორიების ეთნიკური ნიშნით წმენდა, ჩერქეზებისაგან დაცარიელებულ ადგილებში კი სპეციალურად ჩასახლებულ იქნენ კაზაკები და რუსები, როდესაც მრავალჯერადი სადამსჯელო, სამხედრო ექსპედიციების შედეგად ფიზიკურად იქნა განადგურებული ან სამშობლოდან განდევნილი მილიონ ნახევრამდე ჩერქეზული მოსახლეობის 90%–ზე მეტი. ირკვევა, რომ რუსეთის მიერ წარმოებული დამპყრობლური ომების პერიოდში ჩერქეზი ხალხის გენოფონდის საერთო დანაკარგმა, მოკლულის სახის შეადგინა ამ ხალხის მთლიანი მოსახლეობის 20%–ზე ბევრად მეტი. ამიტომაც ამ ქმედებებს ჩვენი მხრიდან ეძლევა აშკარად გამოკვეთილი გენოციდის კვალიფიკაცია, ვინაიდან კვალიფიკაციის და განმარტების ყველა სახეობით, როდესაც იღუპება მოსახლეობის 20%–ზე მეტი, ის გახლავთ აშკარად გამოხატული გენოციდი,“– ნათქვამია სამეცნიერო დოკუმენტის დასკვნით ნაწილში.

დოკუმენტი თბილისის სახელმწიფო უნივერსიტეტის პროფესორმა, კავკასიოლოგმა მერაბ ჩუხუამ ერთი წლის განმავლობაში მოამზადა და დეპუტატებს დღეს წარუდგინა. მასში თავმოყრილია რიგი ისტორიული წყაროები და დასავლელი, რუსი და ქართველი მეცნიერ–მკვლევარების პოზიციები, რომელთა აბსოლუტური უმრავლესობაც ამ ისტორიულ მოვლენას გენოციდს უთანაბრებს.

პროფესორ ჩუხუას განცხადებით, თუკი საქართველო აღიარებს გენოციდს, "ქვეყნისთვის ეს იქნება დიდი პრესტიჟის საქმე“ და "შანსი აღადგინოს სამართლიანობა“.

იმავდროულად, საკომიტეტო მოსმენაზე მოწვეულმა ჩერქეზული წარმოშობის წარმომადგენლებმა პარლამენტს გენოციდის აღიარებისაკენ მოუწოდეს.

დიასპორისა და კავკასიის საკითხთა საპარლამენტო კომიტეტის თავმჯდომარემ ნუგზარ წიკლაურმა განაცხადა, რომ სხვადასხვა დიასპორების მიმართვებისა და სამეცნიერო დასკვნის საფუძველზე, კომიტეტის შემდგომი ნაბიჯი იქნება ამ საკითხზე "პოლიტიკური გადაწყვეტილების“ მიღება. მისი თქმით, დადებითი გადაწყვეტილების შემთხვევაში, საკითხს უკვე პლენარული სხდომაზე გაიტანენ, შესაძლოა, მიმდინარე საგაზაფხულო სესიის ფარგლებში. მან ასევე განაცხადა, რომ ამ საკითხის დადებითად გადაწყვეტას დეპუტატთა მნიშვნელოვანი რაოდენობა უჭერს მხარს.

წიკლაურის თქმით, მიუხედავად იმისა, რომ ოლიმპიური ქარტია კრძალავს თამაშების იმ ადგილას ჩატარებას, სადაც „ხალხის გენოციდი განხორციელდა“, არ არსებობს „პირდაპირი კავშირი“ გენოციდის აღიარებასა და 2014 წელს სოჭში დაგეგმილ ზამთრის ოლიმპიადას შორის.

"თუნდაც ისეთი მნიშვნელოვანი მოვლენა, როგორიც არის ოლიმპიადა, არ შეძლება ჩვენ ავიღოთ მიზეზად და საფუძვლად იმისა, რომ აქ [პარლამენტში] განხილვები ტარდება იმის გამო, რომ რაღაც კავშირში არის სოჭის ოლიმპიადასთან,“– განუცხადა მან Civil.ge–ს.

იმ შემთხვევაში, თუ საქართველოს პარლამენტი ჩერქეზთა გენოციდს აღიარებს, საქართველო პირველი ქვეყანა იქნება მსოფლიოში, რომელიც ამგვარ გადაწყვეტილებას მიიღებს.

ჩეჩნეთის საკითხი

ნუგზარ წიკლაურის განცხადებით, ჩერქეზთა საკითხის განხილვის პარალელურად, მისი საპარლამენტო კომიტეტი ასევე აქტიურად მუშაობს "ჩეჩნების გენოციდის“ აღიარების თემატიკაზე "ჩეჩენი ხალხის წარმომადგენელი ორგანიზაციების“ მიმართვების საფუძველზე.

მისი თქმით, ამ ორი საკითხის ერთდროულად განხილვა არ იგეგმება მათ შორის არსებული რიგი განსხვავებების გამო, თუმცა "ჩეჩნეთის საკითხი დგას დღის წესრიგში“.

“მე ვერ გეტყვით რამდენად ფორსირებული იქნება ეს საკითხი, თუმცა ჩვენი დღის წესრიგიდან ეს არავითარ შემთხვევაში არ ჩამოვა,“– განუცხადა მან Civil.ge-ს.

“არ გამოვრიცხავ, რომ სწრაფი აქტუალიზაცია მოხდეს ახლა ამ [ჩეჩნეთის] საკითხისაც,“– დასძინა მან.

ამავე თემაზე
უახლესი ამბები
12 დეკ.'17 18:51
დეპუტატები ქალთა სავალდებულო კვოტირების ინიციატივას მხარს უჭერენ
დეპუტატ ეკა ბესელიას თქმით, საკანონმდებლო ინიციატივის მიღება 2018 წლის ადრეულ გაზაფხულზე იგეგმება. 
12 დეკ.'17 16:29
ჟენევასა და ბერლინში საქართველოს დიპლომატიურ მისიებს ახალი ელჩები უხელმძღვანელებენ
ვიქტორ დოლიძე და ელგუჯა ხოკრიშვილი უფლებამოსილების განხორციელებას 2018 წლის იანვრიდან შეუდგებიან.
12 დეკ.'17 02:01
კიევის სასამართლომ სააკაშვილი გაათავისუფლა
სასამართლომ არ დააკმაყოფილა პროკურატურის შუამდგომლობა სააკაშვილისთვის ორთვიანი შინაპატიმრობის შეფარდების თაობაზე.
11 დეკ.'17 17:42
კობახიძე: პრეზიდენტის არჩევა 300-წევრიანი საარჩევნო კოლეგიის მიერ ‘ძალაში რჩება’
მისი თქმით, სისტემას ხარვეზები გააჩნია, თუმცა მმართველმა პარტიამ გადაწყვიტა, რომ „პოლიტიკური კომპრომისის“ სახით ის ძალაში დატოვოს. 
11 დეკ.'17 17:27
ნარკოპოლიტიკის ლიბერალიზაციის მოთხოვნით თბილისში აქცია გაიმართა
აქციის მონაწილეებმა ნარკოპოლიტიკის საკითხზე პარლამენტში ინიცირებული საკანონმდებლო ცვლილებათა პაკეტის მიღება მოითხოვეს.
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
94