Civil.ge-ს შესახებ
Eng | ქარ | Рус
ბოლო განახლება: 16:04 - 20 აპრ.'18
RSS
Mobile
Twitter
Facebook
ოპოზიციონერი პოლიტიკოსი მმართველ პარტიასთან საარჩევნო კონსულტაციების შესახებ
სივილ ჯორჯია, თბილისი / 7 მაი.'11 / 15:53

მმართველი პარტიის და "ოპოზიციური რვიანის" წარმომადგენლებს შორის მიმდინარე კვირას გამართული შეხვედრის მიზანი საარჩევნო სისტემის რეფორმაზე მოლაპარაკებების პერსპექტივის განსაზღვრა იყო, განაცხადა შეხვედრის ერთ–ერთმა მონაწილემ ახალი მემარჯვენეებიდან, მამუკა კაციტაძემ.

მისი თქმით, იგი 4 მაისს მმართველი პარტიის წარმომადგენელს, დეპუტატ პავლე კუბლაშვილს შეხვდა ამ უკანასკნელის ინიციატივით.

კაციტაძემ ასევე განაცხადა, რომ ეს იყო "ტექნიკური ხასიათის“ შეხვედრა, რათა განეხილათ „როდის და როგორ“ შეიძლება განახლდეს მოლაპარაკებები და „რა დღის წესრიგით შეიძლება დაიწყოს ეს ყველაფერი,“ ასევე ამჟამად შეწყვეტილი მოლაპარაკებების გამჭირვალობის უზრუნველყოფა. 

„შინაარსთან დაკავშირებით, რასაც ჰქვია მაგალითად [საარჩევნო] სისტემა, მაგალითად სიები, მაგალითად ადმინისტრაცია, საერთოდ არ გვქონია ჩვენ საუბარი ამ შეხვედრაზე“, – განაცხადა მან ტელეკომპანია „მაესტროს“ გადაცემაში „პირდაპირი საუბარი“ 6 მაისს.

"ყველაზე მნიშვნელოვანია მოლაპარაკებების განახლება – ან ძველ ფორმატში, ან ახალში,“ – განაცხადა მან. 

ოპოზიციური რვიანი და კიდევ რამდენიმე სხვა პარტია საარჩევნო სისტემის რეფორმაზე მოლაპარაკებებს მმართველ პარტიასთან  2010 წლის ნოემბრიდან საარჩევნო კოდექსზე მომუშავე ჯგუფის ფარგლებში აწარმოებდა, საარჩევნო სისტემების საერთაშორისო ფონდის (IFES) მხარდაჭერით. ამ ფორმატის ბოლო შეხვედრა 9 მარტს გაიმართა. მას შემდეგ სამუშაო ჯგუფის ფარგლებში მოლაპარაკებები შეწყდა. ოპოზიციური რვიანი მმართველ პარტიას ადანაშაულებდა საარჩევნო რეფორმაზე მიუღებელი წინადადებების შემოთავაზებაში, ხოლო ეს უკანასკნელი ოპოზიციურ რვიანს „ულტიმატუმების“ წაყენებაში და მოლაპარაკებების ფორმატის ჩაშლაში.

მას შემდეგ მმართველმა პარტიამ განაცხადა, რომ ის საარჩევნო კოდექსზე მომუშავე ჯგუფში ჩართულ "ინდივიდუალურ პარტიებთან“ გამართავდა ცალ–ცალკე კონსულტაციებს. ოპოზიციურმა რვიანმა უპასუხა, რომ ის თანახმაა ინდივიდუალურ რეჟიმში კონსულტაციების გაგრძელებაზე, თუმცა იმ პირობის დაცვით, რომ "ოპოზიციური რვიანი" მოლაპარაკებების პროცესში კვლავ ერთიანი პოზიციით გამოვიდოდა. 

"უახლოეს დღეებში ხელისუფლება ჩამოიყალიბებს თავის პოზიციას ჩვენს შეთავაზებებზე; შესაბამისად, მათაც [მმართველმა პარტიამ] გააკეთეს ერთი ორი შეთავაზება და ჩვენც გვექნება, ასე ვთქვათ, "რვიანის“ პოზიცია ამასთან დაკავშირებით ჩამოყალიბებული. რაც შეეხება ვადებს, მაისის ბოლოს პასუხი უნდა იყოს გაცემული ჩვენს მიერ და მათ მიერ – ან ხო, ან არა,“ –  განაცხადა მამუკა კაციტაძემ.

ამავე თემაზე
უახლესი ამბები
20 აპრ.'18 16:04
პარლამენტმა პარტიების დაფინანსების წესში ცვლილებები მიიღო
ცვლილებების შედეგად, მრეწველთა პარტია 600 000 ლარის ოდენობის ყოველწლიურ საბიუჯეტო დაფინანსებას მიიღებს.
20 აპრ.'18 12:57
ევროკავშირი ‘ღრმა შეშფოთებას’ გამოხატავს აფხაზეთსა და სამხრეთ ოსეთში ადამიანის უფლებათა დაცვის მდგომარეობის გამო
ევროკავშირის დელეგაციამ ევროპის საბჭოში საქართველოს შესახებ გენერალური მდივნის ანგარიშის საპასუხოდ განცხადება გამოაქვეყნა.
19 აპრ.'18 18:12
საპარლამენტო უმრავლესობის შეხვედრა შიდაპარტიულ დავაზე გადაიდო
მმართველი პარტიის დეპუტატების შეხვედრას, სავარაუდოდ, 21 აპრილს გაიმართება. 
19 აპრ.'18 15:58
საქართველოს საგარეო ვაჭრობა 2018 წლის პირველ კვარტალში
2018 წლის იანვარ-მარტში საქართველოს საგარეო სავაჭრო ბრუნვა წინა წლის შესაბამის პერიოდთან შედარებით 23.3%-ით გაიზარდა და 2.8 მილიარდი აშშ დოლარი შეადგინა.    
19 აპრ.'18 13:02
პრემიერ-მინისტრმა ახალი საპარლამენტო მდივანი დანიშნა
ნათია მიქელაძემ შალვა თადუმაძე შეცვალა, რომელიც მთავრობის ადმინისტრაციის ახალ უფროსად დაინიშნა.
18 აპრ.'18 19:32
მმართველი პარტიის დეპუტატები შიდაპარტიული დაპირისპირების თაობაზე შეიკრიბებიან
ქართული ოცნების საპარლამენტო უმრავლესობა შეხვედრას ხვალ საღამოს გამართავს.
18 აპრ.'18 19:07
ოკუპირებული ცხინვალის მახლობლად დაკავებული საქართველოს მოქალაქე თავისუფალია
სოფელ ფლავისმანის მკვიდრი თამაზ ილურიძე, სავარაუდოდ, ცხინვალის რეგიონში განთავსებულმა რუსეთის ოფიცრებმა გუშინ დააკავეს.
18 აპრ.'18 16:09
პრეზიდენტის შეწყალების პრაქტიკის გარშემო პოლიტიკური დავა გრძელდება
პრეზიდენტი მარგველაშვილი მმართველ და ოპოზიციურ პარტიებს მის წინააღმდეგ შეთანხმებული კამპანიის აგორებაში ადანაშაულებს.
18 აპრ.'18 14:06
აქტივისტები საქართველოს მოქალაქის დაკავებას აპროტესტებენ
სოფელ ფლავისმანის მკვიდრი თამაზ ილურიძე, გავრცელებული ინფორმაციით, რუსმა ოფიცრებმა დააკავეს.
18 აპრ.'18 12:04
მარგველაშვილი შეწყალების პრაქტიკის შესახებ კრიტიკას პასუხობს
პრეზიდენტი დროებით წყვეტს ძალადობრივი დანაშაულისთვის მსჯავრდებული პატიმრების შეწყალებას.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
112