Civil.ge-ს შესახებ
Eng | ქარ | Рус
ბოლო განახლება: 16:20 - 19 თებ.'18
RSS
Mobile
Twitter
Facebook
სახალხო კრება 21 მაისიდან საპროტესტო აქციებს გეგმავს
სივილ ჯორჯია, თბილისი / 2 მაი.'11 / 17:14

სახალხო კრებამ, რომელიც პარლამენტის ყოფილი თავმჯდომარის ნინო ბურჯანაძის ძლიერი მხარდაჭერით სარგებლობს, 2 მაისს განაცხადა, რომ იწყებს "საბოლოო ბრძოლას სააკაშვილის დანაშაულებრივი რეჟიმისაგან ქვეყნის განთავისუფლების მიზნით“.

ოპოზიციური მოძრაობის თქმით, მთელი საქართველოს მასშტაბით სრულ მზადყოფნაში იმყოფება სამოქალაქო წინააღმდეგობის 74 კომიტეტი, ახალგაზრდული მოძრაობისა და შეფიცულთა ათასობით წევრი, ათეულობით ათასი აქტივისტი და მხარდამჭერი.

მოძრაობის აქტივისტები 21 მაისს თბილისის სამ სხვადასხვა ადგილას, კერძოდ ფილარმონიის წინ, ავლაბრის მოედანზე და ვარდების მოედანზე დაიწყებენ შეკრებას და შემდეგ თავისუფლების მოედნისკენ დაიძრებიან, სადაც იმავე დღეს 15:00 საათზე საპროტესტო აქცია გაიმართება. პარალელური საპროტესტო აქცია ბათუმშიც გაიმართება, ხოლო სამტრედიის, ხაშურის, ხარაგაულის და ზესტაფონის სამოქალაქო წინააღმდეგობის რაიონული კომიტეტები ადგილებზე უზრუნველყოფენ მხარდამჭერთა შეკრებას.

"დარწმუნებულნი ვართ, რომ ის პოლიტიკური ძალები, ვისაც გაცნობიერებული აქვთ საქართველოს დღევანდელი მდგომარეობა და რეალურად უნდათ ქვეყნის სააკაშვილის რეჟიმისგან გათავისუფლება, ამ გადამწყვეტ ბრძოლაში საკუთარ ხალხთან დადგებიან. "სახალხო კრება" არ გაურიგდება სააკაშვილის დამნაშავე ხელისუფლებას,“ – ნათქვამია სახალხო კრების განცხადებაში.

სახალხო კრება შარშან ჩამოყალიბდა და იგი რამდენიმე ოპოზიციურ ჯგუფს და ინდივიდუალურ პირს აერთიანებს. მართალია, თავდაპირველად რამდენიმე ოპოზიციურმა პარტიამ გამოთქვა მოძრაობაში გაწევრიანების სურვილი, მაგრამ რეალურად, ნინო ბურჯანაძის დემოკრატიული მოძრაობა – ერთიანი საქართველოსთვის ერთადერთი პოლიტიკური პარტიაა, რომელიც მოძრაობას უჭერს მხარს. მოძრაობის კიდევ ერთი მხარდამჭერია იმერეთის ყოფილი გუბერნატორის თემურ შაშიაშვილის მიერ ჩამოყალიბებული მცირერიცხოვანი პარტია.

აპრილში ბურჯანაძემ განაცხადა, რომ იგი დარწმუნებულია, რომ სახალხო კრებას ბევრი ოპოზიციური პარტია შეუერთდება მას შემდეგ, რაც მის ძალას დაინახავენ.

სახალხო კრება ბოლო დროს აქტიურ კამპანიას ახორციელებდა რეგიონებში, სადაც “წინააღმდეგობის კომიტეტებს“ ქმნიდა. სახალხო კრებამ განაცხადა, რომ ამ კომიტეტებს 21 მაისისთვის მხარდამჭერთა მობილიზება დაავალა.          

 

უახლესი ამბები
19 თებ.'18 16:20
კვირიკაშვილი მიუნხენში მსოფლიოს ლიდერებს შეხვდა
პრემიერ-მინისტრი 16-18 თებერვალს მიუნხენის უსაფრთხოების კონფერენციას დაესწრო.
19 თებ.'18 15:21
სასამართლომ მუსტაფა ემრე ჩაბუქი გირაოს სანაცვლოდ გაათავისუფლა
დემირელის კოლეჯის მმართველი მისი ექსტრადირების საკითხის საბოლოო გადაწყვეტამდე თავისუფალი იქნება.
19 თებ.'18 13:30
არასამთავრობო და მედიაორგანიზაციები მუხთარლის საქმეზე პარლამენტის საგამოძიებო კომისიის შექმნას მოითხოვენ
ერთობლივ განცხადებას ხელს 35 ორგანიზაცია აწერს.
17 თებ.'18 14:10
მარგველაშვილი ლიტვის დამოუკიდებლობის აღდგენისადმი მიძღვნილ ღონისძიებებს დაესწრო
ლიტვის დამოუკიდებლობის აღდეგენის 100 წლისთავის აღსანიშნავად ვილნიუსში ევროპელი ლიდერები ჩავიდნენ.
16 თებ.'18 16:05
მთავრობა მცირე მეწარმეებისთვის ახალი საგადასახადო ინიციატივით გამოდის
ინიციატივის მიხედვით, მცირე მეწარმეებისთვის საგადასახადო განაკვეთი 5-ჯერ შემცირდება.
16 თებ.'18 13:50
ვიცე-პრემიერი ქუმსიშვილი ბაქოში სამხრეთის გაზის დერეფნის მრჩეველთა საბჭოს მინისტერიალს დაესწრო
ვიზიტის ფარგლებში, ქუმსიშვილი აზერბაიჯანის პრეზიდენტს ილჰამ ალიევს შეხვდა.
15 თებ.'18 14:27
სამართალდამცავების მიერ ჩადენილ დანაშაულს დამოუკიდებელი ორგანო გამოიძიებს
ახალი უწყება 2019 წლიდან, პერსონალურ მონაცემთა დაცვის ინსპექტორის აპარატის ბაზაზე შეიქმნება.
14 თებ.'18 17:24
საქართველო აშშ–ის დაზვერვის ყოველწლიურ ანგარიშში
აშშ–ის ეროვნულმა დაზვერვამ ყოველწლიური ანგარიში გამოაქვეყნა, რომელიც მსოფლიო მასშტაბით საფრთხეებს აფასებს.
14 თებ.'18 16:28
თავდაცვის რეფორმის თაობაზე საკომიტეტო მოსმენა გაიმართა
ლევან იზორიამ წვრთნებზე, ტოტალურ თავდაცვაზე და საბიუჯეტო პრიორიტეტბზე ისაუბრა.
14 თებ.'18 16:13
პარლამენტმა განაახლა მსჯელობა „მაუწყებლობის შესახებ“ კანონში შეტანილ ცვლილებებზე
მმართველ გუნდში კვლავაც ნარჩუნდება აზრთა სხვადასხვაობა იმ ახალ რეგულაციებზე, რომელიც საზოგადოებრივი მაუწყებლის უფლებამოსილებებს აფართოებს.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
113