Civil.ge-ს შესახებ
Eng | ქარ | Рус
ბოლო განახლება: 13:12 - 11 დეკ.'17
RSS
Mobile
Twitter
Facebook
ამერიკელი დიპლომატი საარჩევნო რეფორმის შესახებ
სივილ ჯორჯია, თბილისი / 27 აპრ.'11 / 19:35

საქართველოში მომავალ წელს მოახლოებული საპარლამენტო არჩევნების, ხოლო 2013 წელს საპრეზიდენტო არჩევნების ფონზე "ძალიან მნიშვნელოვანია, რომ საარჩევნო კოდექსის რეფორმის პროცესი წელს დასრულდეს,“ –  განაცხადა აშშ-ის სახელმწიფო მდივნის თანაშემწის მოადგილემ ევროპულ და ევრაზიულ საკითხებში, თინა ქეიდენაუმ 27 აპრილს.

"ძალიან მოხარულები ვართ, რომ ოპოზიციური პარტიების ჯგუფმა მმართველ პარტიასთან მოლაპარაკების სურვილი გამოთქვა, რათა მოაგვარონ მთელი რიგი ის საკითხები, რომლებიც ნამდვილად მნიშვნელოვანია და არსებითია წინასაარჩევნო პერიოდში,“ – განაცხადა მან. 

ქეიდენაუმ ეს განცხადება თბილისში დემოკრატიის საკითხებზე აშშ–საქართველოს სტრატეგიული პარტნიორობის ქარტიის ფარგლებში სამუშაო ჯგუფის შეხვედრის შემდეგ გამართულ პრესკონფერენციაზე გააკეთა.   

პოზიციასა და ხელისუფლებას შორის საარჩევნო სისტემის რეფორმის საკითხებზე მოლაპარაკებები მარტის შემდეგ შეჩერებულია და მხარეები პროცესის ჩიხში შეყვანაში ერთმანეთს ადანაშაულებენ. ერთ-ერთი ბოლო მნიშვნელოვანი აქტივობა ამ კუთხით 5 აპრილს დაფიქსირდა, როდესაც რვა ოპოზიციურმა პარტიამ საარჩევნო სისტემაზე თავისი ახალი წინადადებები წარადგინა, რომელზეც მმართველ პარტიას ჯერ პასუხი არ გაუცია.    

"ამერიკის შეერთებული შტატებს არ აქვს იმის შესაძლებლობა, რომ მხარი დაუჭიროს რაიმე კონკრეტულ რეფორმებს,“ – განაცხადა ქეიდენაუმ და დასძინა, რომ აშშ–ის როლი იმაში მდგომარეობს, რომ "ხელი შეუწყოს დიალოგს“, რათა "მიღწეულ იქნას შეთანხმება იმისათვის, რომ ყველა საჭირო რამ არჩევნებამდე კარგა ხნით ადრე გაკეთდეს“.

დღის პირველ ნახევარში აშშ–ის დელეგაცია "ოპოზიციური რვიანის" რამოდენიმე ლიდერს შეხვდა.

გარდა საარჩევნო საკითხებისა, დემოკრატიის საკითხებზე მომუშავე ამერიკულ–ქართულმა ჯგუფმა საქართველოში რეფორმების პროცესთან დაკავშირებული საკითხების ფართო სპექტრი განიხილა, განაცხადეს ოფიციალურმა პირებმა შეხვედრის შემდეგ.

ქეიდენაუს თქმით, ეს "ძალიან პროდუქტიული საუბარი“ იყო, ვინაიდან ფორმატი იმის შესაძლებლობას იძლევა, რომ სხვადასხვა საკითხები სიღრმისეულად განხილული და ერთმანეთის წუხილები მოსმენილი იქნას.

"საქართველო მნიშვნელოვან პროგრესს აღწევს დემოკრატიული მომავლისკენ მიმავალ გზაზე, თუმცა კიდევ ბევრი საქმეა გასაკეთებელი,“ – განაცხადა ქეიდენაუმ.

"დღეს ჩვენ სხვადასხვა თემებზე ვისაუბრეთ და ამაში შედიოდა ისეთი მნიშვნელოვანი საკითხები, როგორიცაა საარჩევნო კოდექსის რეფორმა, სასამართლო რეფორმა, კანონის უზენაესობა, მედიის რეფორმა და სხვა თემები,“ – განაცხადა მან და დასძინა, რომ აშშ მზად არის დახმარება აღმოუჩინოს საქართველოს რეფორმების გზაზე.

"ჩვენ გვწამს, რომ რეფორმების პროცესს რეალური იმპულსი გააჩნია,“ – განაცხადა მან.

ქეიდენაუსთან ერთად აშშ–ის დელეგაციას შეხვედრაზე სახელმწიფო მდივნის თანაშემწის მოადგილე დემოკრატიის, ადამიანის უფლებათა და შრომის საკითხებში კეთლინ ფიცპატრიკი თავმჯდომარეობდა.

ქართული დელეგაციის თანათავმჯდომარეები იყვნენ საქართველოს საგარეო საქმეთა მინისტრის მოადგილე სერგი კაპანაძე და იუსტიციის მინისტრის მოადგილე თინა ბურჯალიანი. შეხვედრას ასევე ესწრებოდნენ რამოდენიმე დეპუტატი მმართველი პარტიიდან და საქართველოს კომუნიკაციების მარეგულირებელი კომისიის წარმომადგენელი.

"დღევანდელ შეხვედრაზე გავაცანით ჩვენს ამერიკელ პარტნიორებს იმ რეფორმების მიმდინარეობა, რომელსაც საქართველოს ხელისუფლება ახორციელებს,“ – განაცხადა საქართველოს საგარეო საქმეთა მინისტრის მოადგილემ სერგი კაპანაძემ შეხვედრის შემდეგ, "გვქონდა ძალიან პროდუქტიული და საინტერესო აზრთა გაცვლა ამ საკითხთან დაკავშირებით. მოვისმინეთ მათი პოზიციები, მათი რეკომენდაციები. მიგვაჩნია, რომ იყო ძალიან წარმატებული შეხვედრა. ძალიან კარგი გაცვლა იყო. ძალიან კარგი საფუძველი არის მომდევნო თანამშრომლობის ამ საკითხებთან დაკავშირებით“.

ამავე თემაზე
უახლესი ამბები
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.
07 დეკ.'17 19:32
პარლამენტმა მთავრობის სტრუქტურულ რეორგანიზაციას მხარი დაუჭირა
ცვლილებების ფარგლებში, რამდენიმე სამინისტრო შერწყმა და რეორგანიზაცია მოხდება.
07 დეკ.'17 17:02
კვირიკაშვილი იერუსალიმის შესახებ ღია წერილის გამო დეპუტატს საყვედურობს
პრემიერ-მინისტრმა უარყო დეპუტატის მოწოდება, რომ საქართველომ იერუსალიმთან დაკავშირებით პრეზიდენტ ტრამპის გადაწყვეტილება გაიზიაროს.
07 დეკ.'17 14:44
საქართველოს საპარლამენტო დელეგაცია შვედეთს სტუმრობს
ირაკლი კობახიძე შვედეთის მეფე კარლ გუსტავ XVI-ს, პარლამენტის თავმჯდომარეს და საგარეო საქმეთა მინისტრს შეხვდა.
07 დეკ.'17 13:39
არასამთავრობოებმა უკრაინაში ქართველი ჟურნალისტების არშეშვების გამო შეშფოთება გამოთქვეს
უკრაინაში შესვლაზე უარი ტელეკომპანიების რუსთავი2-ის, TV პირველის და საზოგადოებრივი მაუწყებლის ჟურნალისტებს უთხრეს.
07 დეკ.'17 12:56
სააკაშვილის მხარდასაჭერად თბილისში აქცია გაიმართა
ენმ-ის წევრებმა და აქტივისტებმა უკრაინაში სააკაშვილის დაკავება გააპროტესტეს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
45