Civil.ge-ს შესახებ
Eng | ქარ | Рус
ბოლო განახლება: 09:34 - 12 დეკ.'17
RSS
Mobile
Twitter
Facebook
რვა ოპოზიციურმა პარტიამ საარჩევნო სისტემაზე ახალი წინადადებები წარმოადგინა
სივილ ჯორჯია, თბილისი / 5 აპრ.'11 / 18:22

რვა ოპოზიციურმა პარტიამ 5 აპრილს საარჩევნო სისტემაზე ახალი შეთავაზებები წარმოადგინა და განაცხადა, რომ ამომრჩეველთა სიების ბიომეტრიული მონაცემების საფუძველზე ფორმირების საკითხთან ერთად, ამ თემის პრიორიტეტულ განხილვას მოითხოვს ხელისუფლებასთან მოლაპარაკებების პროცესში, რომელიც ამჟამად შეჩერებულია.

“ოპოზიციური რვიანის“ ახალი წინადადებები საარჩევნო სისტემის ორ ალტერნატიულ მოდელს მოიცავს, რომლებიც, თავდაპირველი შემოთავაზებისაგან განსხვავებით, ერთმანდატიანი მაჟორიტარული ოლქების შენარჩუნების პრინციპს ეფუძნება, როგორც ამას მმართველი პარტია მოითხოვს.

პირველი მოდელის თანახმად, არსებული 150-წევრიანი პარლამენტის ნახევარი ერთმანდატიან მაჟორიტარულ ოლქებში აირჩევა, როგორც ეს ახლა არის. მაგრამ იმისთვის რომ კანდიდატი გამარჯვებულად გამოცხადდეს, მას ამჟამად საჭირო 30%-ის მაგივრად, ხმათა 50%-ზე მეტის მიღება დასჭირდება, წინააღმდეგ შემთხვევაში საუკეთესო შედეგის მქონე ორ კანდიდატს შორის მეორე ტური გაიმართება. ამასთან, მაჟორიტარი კანდიდატის წარდგენის უფლება, ოპოზიციის წინადადების შესაბამისად, უნდა ჰქონდეს მხოლოდ პარტიას და არა საინიციატივო ჯგუფს, რასაც მმართველი პარტია ეუთოს რეკომენდაციებზე დაყრდნობით უჭერს მხარს.

ამავე მოდელის თანახმად, პარლამენტის მეორე ნახევარი პროპორციული, პარტიული სიით დაკომპლექტდება. მაგრამ აქ შემოდის ერთი პირობა, რომელიც მოწოდებულია არ დაუშვას ისეთი სიტუაცია, რომ პარტიამ პარლამენტში, იმის ხარჯზე რომ მოიგოს მაჟორიტარული ოლქების უმრავლესობა, იმაზე მეტი ადგილი აიღოს, ვიდრე ეს მის მიერ პროპორციულ არჩევნებში მიღებულ ხმებს შეესაბამება. ამ პრინციპის მიხედვით, პროპორციულ არჩევნებზე მიღებული ხმების პროცენტული მაჩვენებელი განსაზღვრავს ამა თუ იმ პარტიის მანდატების – როგორც მაჟორიტარულის, ისე პარტიულის –  ერთობლივ რაოდენობას პარლამენტში.

მაგალითად, დღეს მოქმედ პარლამენტში მმართველ პარტიას 119 ადგილი აქვს - 71 მაჟორიტარულ ოლქებში გამარჯვების შედეგად მოპოვებული და 48 ადგილი პროპორციულ არჩევნებში მიღებული 59.18% –იანი მხარდაჭერის საფუძველზე. 119 ადგილი პარლამენტის მთლიანი შემადგენლობის 79.3%-ია, ანუ დაახლოებით 20%-ით იმაზე მეტი, ვიდრე მმართველმა პარტიამ პროპორციულ არჩევნებში მიიღო.

ოპოზიცია თვლის, რომ არსებული სისტემა არ უზრუნველყოფს პარლამენტში ადგილების სამართლიან გადანაწილებას. შესაბამისად, მათი წინადადება ითვალისწინებს, რომ თუ 2008 წლის არჩევნების მსგავსი შედეგი დადგება და რომელიმე პარტია იმაზე მეტ ადგილს მოიპოვებს მაჟორიტარების ხარჯზე პარლამენტში, ვიდრე ის იმსახურებს პროპორციული არჩევნების შედეგების გათვალისწინებით, ამ პარტიას უნდა ჩამოაკლდეს ის მანდატები, რომელიც მან პროპორციული არჩევნების გზით მოიპოვა.

ოპოზიციის მიერ შემოთავაზებული მოდელის პირობებში, 2008 წელს მმართველი პარტია 150–წევრიან პარლამენტში ადგილების 79.3%–ის ნაცვლად, 59.18%–ს, ანუ დაახლოებით 89 ადგილს მიიღებდა.

საარჩევნო სისტემაზე ოპოზიციის მიერ წარმოდგენილი მეორე ვარიანტის მიხედვით, პარლამენტის 2/3 – პროპორციული სისტემით; ხოლო 1/3 - ერთმანდატიან მაჟორიტარულ საარჩევნო ოლქებში 50%-იანი ბარიერით აირჩევა. ეს ნიშნავს, რომ 100 წევრი პარტიული სიით, ხოლო 50 მაჟორიტარული წესით უნდა იქნას არჩეული, დღეს მოქმედი 75/75–ზე თანაფარდობის ნაცვლად.  ეს ვარიანტი, არსებული 75 მაჟორიტარული ოლქის საზღვრების გადახედვის საჭიროებას აყენებს დღის წესრიგში.

რვა ოპოზიციური პარტიის განცხადებით, ორივე ეს მოდელი საარჩევნო სუბიექტების მიერ მთელ საქართველოში მიღებული ხმებისა და პარლამენტში მიღებული მანდატების პროპორციულობის პრინციპის დაცვას უზრუნველყოფს.

მეორე პრინციპი, რასაც „ოპოზიციური რვიანი“ მოლაპარაკებების პრიორიტეტულ მიმართულებად გამოყოფს, არის „ერთი ამომრჩეველი – ერთი ხმა“ ანუ ამომრჩეველთა სიების ბიომეტრიული პირადობის მოწმობების საფუძველზე ფორმირება მთელი საქართველოს მასშტაბით და არა მხოლოდ თბილისში, რაც მმართველი პარტიის პოზიციაა.

რვა ოპოზიციური პარტიის განცხადებით, ამ საკითხებზე შეთანხმების მიღწევის შემდეგ, ისინი მზად არიან გაგრძელდეს ყველა იმ დანარჩენი საკითხის განხილვა, რომელიც მოლაპარაკებების პროცესში იქნა მხარეების მიერ დაყენებული.

საარჩევნო რეფორმაზე დადგენილი ფორმატით მოლაპარაკებების აღდგენამდე, რისი ჩაშლაც, "რვიანის“ განცხადებით, ხელისუფლებას სურს, ისინი მზად არიან ინდივიდუალური კონსულტაციები გამართონ პროცესის ყველა მონაწილესთან. 

ამავე თემაზე
უახლესი ამბები
11 დეკ.'17 17:42
კობახიძე: პრეზიდენტის არჩევა 300-წევრიანი საარჩევნო კოლეგიის მიერ ‘ძალაში რჩება’
მისი თქმით, სისტემას ხარვეზები გააჩნია, თუმცა მმართველმა პარტიამ გადაწყვიტა, რომ „პოლიტიკური კომპრომისის“ სახით ის ძალაში დატოვოს. 
11 დეკ.'17 17:27
ნარკოპოლიტიკის ლიბერალიზაციის მოთხოვნით თბილისში აქცია გაიმართა
აქციის მონაწილეებმა ნარკოპოლიტიკის საკითხზე პარლამენტში ინიცირებული საკანონმდებლო ცვლილებათა პაკეტის მიღება მოითხოვეს.
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.
07 დეკ.'17 19:32
პარლამენტმა მთავრობის სტრუქტურულ რეორგანიზაციას მხარი დაუჭირა
ცვლილებების ფარგლებში, რამდენიმე სამინისტრო შერწყმა და რეორგანიზაცია მოხდება.
07 დეკ.'17 17:02
კვირიკაშვილი იერუსალიმის შესახებ ღია წერილის გამო დეპუტატს საყვედურობს
პრემიერ-მინისტრმა უარყო დეპუტატის მოწოდება, რომ საქართველომ იერუსალიმთან დაკავშირებით პრეზიდენტ ტრამპის გადაწყვეტილება გაიზიაროს.
07 დეკ.'17 14:44
საქართველოს საპარლამენტო დელეგაცია შვედეთს სტუმრობს
ირაკლი კობახიძე შვედეთის მეფე კარლ გუსტავ XVI-ს, პარლამენტის თავმჯდომარეს და საგარეო საქმეთა მინისტრს შეხვდა.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
89