Civil.ge-ს შესახებ
Eng | ქარ | Рус
ბოლო განახლება: 19:27 - 17 იან.'18
RSS
Mobile
Twitter
Facebook
საპარლამენტო კომიტეტს დიასპორისა და კავკასიის საკითხთა კომიტეტი ეწოდება
სივილ ჯორჯია, თბილისი / 15 დეკ.'10 / 20:30

"უცხოეთში მცხოვრებ თანამემამულეებთან ურთიერთობის კომიტეტს" სახელი გადაერქმევა და მას "დიასპორისა და კავკასიის საკითხთა კომიტეტი" ეწოდება, დაემატება რა კავკასიის ხალხებთან ურთიერთობის გაღრმავების ფუნქცია.

პარლამენტის რეგლამენტში ეს ცვლილება, რომელიც განმარტებითი ბარათის თანახმად, განპირობებულია საკანონმდებლო ორგანოში "კავკასიური სოლიდარობის საკითხის გააქტიურებით“ და "ერთიანი კავკასიური პოლიტიკის შემუშავების აუცილებლობით“, პარლამენტმა მეორე მოსმენით დღეს დილის სხდომაზე მიიღო და საბოლოო, მესამე მოსმენით კი საღამოს დაამტკიცა. 

აღნიშნული კომიტეტი პარლამენტში კოორდინირებას უწევს ჩერქეზთა გენოციდის აღიარებაზე მიმდინარე დისკუსიებს. კომიტეტის თავმჯდომარემ მმართველი პარტიიდან ნუგზარ წიკლაურმა ცოტა ხნის წინ განაცხადა, რომ შეუძლებელია 2014 წლის ზამთრის ოლიმპიური თამაშების სოჭში გამართვა – "იმ ადგილას,  სადაც ხალხის გენოციდი განხორციელდა“.

15 დეკემბერს იმავე საპარლამენტო კომიტეტმა განაცხადა, რომ მას დაუკავშირდა ჯგუფი დაღესტნის რესპუბლიკიდან, რომელიც დიდოელ ხალხთა ეთნიკურ ჯგუფს წარმოადგენდა. 

დიდოელ ხალხთა საზოგადოებრივი ორგანიზაცია "აღორძინების“ ხელმძღვანელმა მაგომედ გამზათოვმა დიდოელი ხალხის სახელით ქართველ კანონმდებლებს დახმარება სთხოვა. მისი განცხადებით, რუსეთის ხელისუფლების მხრიდან მიმდინარეობს მიზანმიმართული დისკრიმინაციული პოლიტიკა დიდოელი ხალხის მიმართ.

მისივე თქმით, დიდოელი ხალხის სურვილია "საქართველოს იურისდიქციაში შემოსვლა“. გამზათოვმა საქართველოს პარლამენტის წევრებს ამ თხოვნის  დამადასტურებელი 15 ათასამდე დიდოელი ლეკის ხელმოწერა გადასცა. 

15 დეკემბერს მაგომედ გამზათოვმა პარლამენტში ჟურნალისტებს განუცხადა, რომ დაღესტანში დიდოელი ხალხის სამოქალაქო, პოლიტიკური და კულტურული უფლებები ირღვევა.

კომიტეტის თავმჯდომარემ, ნუგზარ წიკლაურმა ხაზგასმით აღნიშნა, რომ საზღვრის გადახედვა არის „შეუძლებელი და დაუშვებელი“. თუმცა, მან აღნიშნა, რომ თბილისი დაეხმარება დიდოელ ლეკებს საერთაშორისო ორგანიზაციებში დახმარებისა და შუამდგომლობის გზით.

რუსეთის მიერ 2002 წელს ჩატარებული აღწერის თანახმად, რუსეთის ფედერაციაში, კერძოდ კი დაღესტნის რესპუბლიკაში 15 200 დიდოელი ცხოვრობს. სხვა შეფასებებით, მათი რაოდენობა 27 000–ს აღწევს.

 

უახლესი ამბები
17 იან.'18 19:27
პანკისის ხეობის სამი მკვიდრი დაიკითხა
სახელმწიფო უსაფრთხოების სამსახურმა სამი პირი ტერორიზმში ეჭვმიტანილებთან სავარაუდო კავშირის გამო დაკითხა.
17 იან.'18 16:39
ნატოს სამხედრო კომიტეტმა საქართველოზე იმსჯელა
სამხედრო კომიტეტის სხდომას საქართველოს გენშტაბის უფროსი ვლადიმერ ჩაჩიბაია დაესწრო.
17 იან.'18 13:19
საქართველოს და ლატვიის პარლამენტებმა სტრატეგიული პარტნიორობის შესახებ მემორანდუმს მოაწერეს ხელი
საქართველოს პარლამენტის თავმჯდომარე თავის ლატვიელ კოლეგას, ასევე საგარეო საქმეთა და ეკონომიკის მინისტრებს შეხვდა.
16 იან.'18 18:13
არასამთავრობოები პარლამენტს მაუწყებლობის შესახებ კანონზე პრეზიდენტის შენიშვნების მხარდაჭერისკენ მოუწოდებენ
არასამთავრობო ორგანიზაციების ჯგუფმა საზოგადოებრივ მაუწყებელთან დაკავშირებულ კანონპროექტზე განცხადება გამოაქვეყნა.
16 იან.'18 14:15
NDI-ის დაკვეთით ჩატარებული საზოგადოებრივი აზრის კვლევა
რესპონდენტების 72% ევროკავშირში გაწევრიანებას, ხოლო 64% - ნატოში გაწევრიანებას უჭერს მხარს.
16 იან.'18 12:19
Freedom House: საქართველო ‘ნაწილობრივ თავისუფალ’ ქვეყნად რჩება
საქართველოს რეიტინგი მოქალაქეთა პოლიტიკური უფლებებისა და სამოქალაქო თავისუფლებების კუთხით უცვლელი დარჩა.
15 იან.'18 18:32
პრეზიდენტმა „მაუწყებლობის შესახებ“ კანონში ინიცირებულ ცვლილებებს ვეტო დაადო
მარგველაშვილი მიიჩნევს, რომ ინიცირებული ცვლილებები ხელს არ უწყობს მედიამრავალფეროვნებას და საზოგადოებრივი მაუწყებლის ბიუჯეტის გამჭვირვალე ხარჯვას.
15 იან.'18 16:16
აფხაზეთში რუსეთის საპრეზიდენტო არჩევნებისთვის 16 საარჩევნო უბანი გაიხსნება
რაულ ხაჯიმბას და სემიონ გრიგორიევის შეხვედრაზე მომავალი არჩევნების საორგანიზაციო დეტალები იქნა განხილული.
15 იან.'18 12:28
ევროკავშირი მუხთარლის საქმის ‘საფუძვლიანი, გამჭირვალე’ გამოძიებისკენ მოუწოდებს
აზერბაიჯანელ ჟურნალისტს, რომელიც საქართველოდან მაისში გაუჩინარდა, ექვსი წლით თავისუფლების აღკვეთა მიესაჯა.
13 იან.'18 13:31
აზერბაიჯანის სასამართლომ მუხთარლის 6 წლით პატიმრობა მიუსაჯა
საგამოძიებო ჟურნალისტი აფგან მუხთარლი თბილისიდან 2017 წლის 29 მაისს გაუჩინარდა, მომდენო დღეს კი აზერბაიჯანში იქნა დაპატიმრებული.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
93