Civil.ge-ს შესახებ
Eng | ქარ | Рус
ბოლო განახლება: 18:51 - 12 დეკ.'17
RSS
Mobile
Twitter
Facebook
მერაბიშვილი: სხვა რუსულ ჯაშუშურ ქსელებზე თვალთავალი წარმოებს
სივილ ჯორჯია, თბილისი / 12 ნოე.'10 / 13:54

ახლახანს გამოვლენილი  რუსეთის თავდაცვის სამინისტროს გენერალური შტაბის მთავარი სადაზვერვო სამმართველოს (გრუ) ჯაშუშთა ქსელი არ არის ერთადერთი, რომელიც საქართველოში მოქმედებს და საქართველოს კონტრდაზვერვა სხვა ასეთ ქსელებზეც აწარმოებს დაკვირვებას, განაცხადა შინაგან საქმეთა მინისტრმა ვანო მერაბიშვილმა

“ეს არ არის ერთადერთი ოპერაცია, რომელიც დღეს კონტრდაზვერვის დეპარტამენტში მიმდინარეობს. სხვა ქსელები საქართველოში მუშაობენ, არიან სხვა [რუსეთის] სპეცსამსახურები. როგორც მინიმუმ სამი სპეცსამსახური მუშაობს საქართველოში რუსული:  ეს არის ე.წ. გრუ, ეს არის  ფე-ეს-ბე და ეს არის ეს-ვე-ერ [საგარეო დაზვერვის სამსახური],“– განაცხადა მან ტელეკომპანია "იმედთან“ ინტერვიუში.

მისი თქმით, გრუს სხვა ჯაშუშთა ქსელებზე საქართველოს კონტრდაზვერვის დეპარტამენტი "თვალთვალით“ არის დაკავებული და "დამატებით ინფორმაციას“ აგროვებს.

“იმედმა“ მერაბიშვილის ინტერვიუს მხოლოდ ნაწილი გაუშვა ხუთშაბათს საღამოს, რომლის სრულ ვერსიას, ტელეკომპანიის განცხადებით, შაბათს საღამოს გადასცემს.

მერაბიშვილმა ასევე განაცხადა, რომ რუსეთის რეაქცია ჯაშუშების გამოვლენაზე იყო იმაზე მეტად რბილი, ვიდრე 2006 წელს, როცა თბილისმა ჯაშუშობის ბრალდებით ოთხი რუსი სამხედრო ოფიცერი დააკავა. მაშინ რუსეთმა შეწყვიტა საჰაერო, საზღვაო, სახმელეთო და სარკინიგზო მიმოსვლა, ასევე საფოსტო კავშირი საქართველოსთან და 2 300–ზე მეტი რუსეთში მცხოვრები საქართველოს მოქალაქის დეპორტაცია მოახდინა.

მერაბიშვილის თქმით, მაშინ რუსეთი საქართველოს „სატელიტად“  და „მეოთხეხარისხოვან ქვეყნად“ აღიქვამდა და ისეთი ქვეყნისგან, რომელსაც ის ”რაღაც არარაობად” მიიჩნევდა ჯაშუშების გამოვლენა განსაკუთრებით მტკივნეული იყო. მისი თქმით, ახლა რუსეთი უკვე ”შეეჩვია”, რომ საქართველოს შესწევს უნარი გამოავლინოს მისი ჯაშუშური ქსელი.

”მე მგონი [ამ ბოლო შემთხვევაზე რუსეთის] რეაქცია ადეკვატური იყო, დაახლოებით ისეთი რეაქცია იყო, რაც მათ ჰქონდათ, ვთქვათ, ევროპის ქვეყნებში აღმოჩენილ ჯაშუშებთან დაკავშირებით. მე მახსოვს რომ რეაქცია, ამერიკაში როცა რუსი ჯაშუშები აღმოაჩინეს, რუსეთის პრეზიდენტის რეაქცია უფრო აგრესიული იყო, ვიდრე საქართველოს წინააღმდეგ იმიტომ, რომ ფაქტიურად ის შეეჩვია,” – განაცხადა მან.

”მერწმუნეთ, როცა ჩვენ მესამედ გამოვავლენთ [ჯაშუშებს], რეაქცია შეიძლება საერთოდ აღარ ჰქონდეთ,” – დასძინა მერაბიშვილმა.

ამავე თემაზე
უახლესი ამბები
12 დეკ.'17 18:51
დეპუტატები ქალთა სავალდებულო კვოტირების ინიციატივას მხარს უჭერენ
დეპუტატ ეკა ბესელიას თქმით, საკანონმდებლო ინიციატივის მიღება 2018 წლის ადრეულ გაზაფხულზე იგეგმება. 
12 დეკ.'17 16:29
ჟენევასა და ბერლინში საქართველოს დიპლომატიურ მისიებს ახალი ელჩები უხელმძღვანელებენ
ვიქტორ დოლიძე და ელგუჯა ხოკრიშვილი უფლებამოსილების განხორციელებას 2018 წლის იანვრიდან შეუდგებიან.
12 დეკ.'17 02:01
კიევის სასამართლომ სააკაშვილი გაათავისუფლა
სასამართლომ არ დააკმაყოფილა პროკურატურის შუამდგომლობა სააკაშვილისთვის ორთვიანი შინაპატიმრობის შეფარდების თაობაზე.
11 დეკ.'17 17:42
კობახიძე: პრეზიდენტის არჩევა 300-წევრიანი საარჩევნო კოლეგიის მიერ ‘ძალაში რჩება’
მისი თქმით, სისტემას ხარვეზები გააჩნია, თუმცა მმართველმა პარტიამ გადაწყვიტა, რომ „პოლიტიკური კომპრომისის“ სახით ის ძალაში დატოვოს. 
11 დეკ.'17 17:27
ნარკოპოლიტიკის ლიბერალიზაციის მოთხოვნით თბილისში აქცია გაიმართა
აქციის მონაწილეებმა ნარკოპოლიტიკის საკითხზე პარლამენტში ინიცირებული საკანონმდებლო ცვლილებათა პაკეტის მიღება მოითხოვეს.
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
25