Civil.ge-ს შესახებ
Eng | ქარ | Рус
ბოლო განახლება: 14:10 - 17 თებ.'18
RSS
Mobile
Twitter
Facebook
ბაქრაძემ და ალასანიამ საარჩევნო სისტემაზე მოლაპარაკებების დაწყება განიხილეს
სივილ ჯორჯია, თბილისი / 8 ნოე.'10 / 22:48

პარლამენტის თავმჯდომარე დავით ბაქრაძე 8 ნოემბერს ოპოზიციური პარტია ჩვენი საქართველო-თავისუფალი დემოკრატების ლიდერს ირაკლი ალასანიას შეხვდა, რომლის დროსაც ხელისუფლებასა და ოპოზიციას შორის საარჩევნო გარემოს გაუმჯობესების შესახებ მოლაპარაკებების დაწყების საკითხი განიხილეს.

შეხვედრის შესახებ ინფორმაცია ბაქრაძის და ალასანიას პრესსამსახურებმა გვიან საღამოს გაავრცელეს.

”ირაკლი ალასანია და დავით ბაქრაძე შეთანხმდნენ, რომ უახლოეს დღეებში დაინიშნოს შეხვედრა დაინტერესებული მხარეების მონაწილეობით,” – ნათქვამია ”თავისუფალი დემოკრატების” მიერ გავრცელებულ მოკლე განცხადებაში.

პარტიის პრესსამსახურის ხელმძღვანელმა ვაკო ავალიანმა Civil.ge-ს განუცხადა, რომ ამ შეხვედრის შესახებ წინასწარ იყვნენ ინფორმირებულები იმ დანარჩენი შვიდი ოპოზიციური პარტიის წარმომადგენლები, რომლებმაც, ”თავისუფალ დემოკრატებთან” ერთად ოქტომბერში საარჩევნო გარემოს გასაუმჯობესებლად ერთობლივი წინადადებები წარმოადგინეს.

მოლაპარაკებებს, რომელიც, სავარაუდოდ, უახლოეს დღეებში დაიწყება, შესაძლოა არ შეუერთდეს ”ეროვნული ფორუმი” - რვა ოპოზიციურ პარტიათაგან ერთ-ერთი, რომელიც თვეების განმავლობაში აქტიურად ეწეოდა კამპანიას ერთობლივი, ოპოზიციური წინადადებების შესამუშავებლად.

როგორც პარტიის ერთ-ერთმა ლიდერმა, გუბაზ სანიკიძემ გასულ კვირაში ტელეკომპანია ”მაესტროს” ეთერში განაცხადა, მას არ მიაჩნია მიზანშეწონილად, რომ მისმა პარტიამ ხელისუფლებასთან მოლაპარაკებები დაიწყოს მაშინ როდესაც ”ეროვნული ფორუმის” ერთ-ერთი წევრი პატიმრობაში რჩება.

პარტიის აქტივისტი, ზაზა ჭაკვეტაძე ოქტომბერში, ლილოს ბაზრობაზე მოვაჭრეთა აქციაზე მომხდარი შეხლა-შემოხლის დროს დააკავეს. ”ეროვნული ფორუმი” მას ”პოლიტიკურ პატიმრად” მიიჩნევს.

ამავე თემაზე
უახლესი ამბები
17 თებ.'18 14:10
მარგველაშვილი ლიტვის დამოუკიდებლობის აღდგენისადმი მიძღვნილ ღონისძიებებს დაესწრო
ლიტვის დამოუკიდებლობის აღდეგენის 100 წლისთავის აღსანიშნავად ვილნიუსში ევროპელი ლიდერები ჩავიდნენ.
16 თებ.'18 16:05
მთავრობა მცირე მეწარმეებისთვის ახალი საგადასახადო ინიციატივით გამოდის
ინიციატივის მიხედვით, მცირე მეწარმეებისთვის საგადასახადო განაკვეთი 5-ჯერ შემცირდება.
16 თებ.'18 13:50
ვიცე-პრემიერი ქუმსიშვილი ბაქოში სამხრეთის გაზის დერეფნის მრჩეველთა საბჭოს მინისტერიალს დაესწრო
ვიზიტის ფარგლებში, ქუმსიშვილი აზერბაიჯანის პრეზიდენტს ილჰამ ალიევს შეხვდა.
15 თებ.'18 14:27
სამართალდამცავების მიერ ჩადენილ დანაშაულს დამოუკიდებელი ორგანო გამოიძიებს
ახალი უწყება 2019 წლიდან, პერსონალურ მონაცემთა დაცვის ინსპექტორის აპარატის ბაზაზე შეიქმნება.
14 თებ.'18 17:24
საქართველო აშშ–ის დაზვერვის ყოველწლიურ ანგარიშში
აშშ–ის ეროვნულმა დაზვერვამ ყოველწლიური ანგარიში გამოაქვეყნა, რომელიც მსოფლიო მასშტაბით საფრთხეებს აფასებს.
14 თებ.'18 16:28
თავდაცვის რეფორმის თაობაზე საკომიტეტო მოსმენა გაიმართა
ლევან იზორიამ წვრთნებზე, ტოტალურ თავდაცვაზე და საბიუჯეტო პრიორიტეტბზე ისაუბრა.
14 თებ.'18 16:13
პარლამენტმა განაახლა მსჯელობა „მაუწყებლობის შესახებ“ კანონში შეტანილ ცვლილებებზე
მმართველ გუნდში კვლავაც ნარჩუნდება აზრთა სხვადასხვაობა იმ ახალ რეგულაციებზე, რომელიც საზოგადოებრივი მაუწყებლის უფლებამოსილებებს აფართოებს.
13 თებ.'18 17:34
ჯანელიძე ისლამური სახელმწიფოს წინააღმდეგ გლობალური კოალიციის მინისტერიალში მონაწილეობს
საგარეო საქმეთა მინისტრი ქუვეითის პრემიერ-მინისტრს, შეიხ ჯაბერ ალ მუბარაქ ალ ჰამედ ალ საბაჰს შეხვდა.
13 თებ.'18 14:52
თბილისის სააპელაციო სასამართლომ დეკანოზ გიორგი მამალაძის მიმართ გამამტყუნებელი განაჩენი ძალაში დატოვა
საქალაქო სასამრთლომ გიორგი მამალაძეს 9 წლით თავისუფლების აღკვეთა გასული წლის სექტემბერში მიუსაჯა.
13 თებ.'18 11:54
საქართველოს საგარეო ვაჭრობა 2018 წლის იანვარში
უარყოფითმა სავაჭრო ბალანსმა  371.3 მილიონი აშშ დოლარი შეადგინა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
45