Civil.ge-ს შესახებ
Eng | ქარ | Рус
ბოლო განახლება: 13:12 - 11 დეკ.'17
RSS
Mobile
Twitter
Facebook
პარლამენტმა სარეზერვო სამსახურის შესახებ კანონში ცვლილებები მიიღო
სივილ ჯორჯია, თბილისი / 22 ივლ.'10 / 14:29

პარლამენტმა 21 ივლისს მესამე და საბოლოო მოსმენით მიიღო ცვლილებები კანონში სამხედრო სარეზერვო სამსახურის შესახებ. 
      
კანონის თანახმად, სამხედრო სარეზერვო სამსახურში სავალდებულო გაწვევას 40 წლამდე პირები დაექვემდებარებიან წელიწადში რამოდენიმეჯერ, თუმცა წლიურად მათი შეკრების ვადა  45 დღეს არ უნდა აღემატებოდეს.

მანამდე არსებული სისტემით, რომელიც აგვისტოს ომის შემდეგ აღარ მოქმედებდა, სარეზერვო ძალებში სამსახური ითვალისწინებდა 18-დღიან სავალდებულო მოსამზადებელ კურსს წელიწადში ერთხელ 27 წლიდან 40 წლამდე მამაკაცებისთვის.

კანონის თანახმად, რეზერვისტთა აღრიცხვაზე ყოფნის ზღვრული ასაკი სამხედრო წოდების არმქონე პირთათვის 50 წლამდეა; ხოლო სამხედრო წოდების მქონეთათვის - 55 წლამდე. ოფიცრის სამხედრო წოდებების სხვადასხვა კატეგორიებისთვის ეს ასაკი 50–დან 65 წლამდე მერყეობს.

რეზერვის ახალი სისტემის კონცეფცია, რომელიც თავდაცვის სამინისტროს ეროვნულმა გვარდიამ გასული წლის ოქტომბერში გამოაქვეყნა, სარეზერვო ძალებში სავალდებულო სამსახურს მხოლოდ ყოფილი სამხედრო მოსამსახურეებისთვის ითვალისწინებდა. ამ ხედვის თანახმად, სხვა პირებისთვის სამსახური ნებაყოფლიბითი იქნებოდა. თუმცა, საბოლოო ჯამში ეს კონცეფცია შეიცვალა და მან 21 ივლისს დამტკიცებული პროექტის სახე მიიღო.

უახლესი ამბები
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.
07 დეკ.'17 19:32
პარლამენტმა მთავრობის სტრუქტურულ რეორგანიზაციას მხარი დაუჭირა
ცვლილებების ფარგლებში, რამდენიმე სამინისტრო შერწყმა და რეორგანიზაცია მოხდება.
07 დეკ.'17 17:02
კვირიკაშვილი იერუსალიმის შესახებ ღია წერილის გამო დეპუტატს საყვედურობს
პრემიერ-მინისტრმა უარყო დეპუტატის მოწოდება, რომ საქართველომ იერუსალიმთან დაკავშირებით პრეზიდენტ ტრამპის გადაწყვეტილება გაიზიაროს.
07 დეკ.'17 14:44
საქართველოს საპარლამენტო დელეგაცია შვედეთს სტუმრობს
ირაკლი კობახიძე შვედეთის მეფე კარლ გუსტავ XVI-ს, პარლამენტის თავმჯდომარეს და საგარეო საქმეთა მინისტრს შეხვდა.
07 დეკ.'17 13:39
არასამთავრობოებმა უკრაინაში ქართველი ჟურნალისტების არშეშვების გამო შეშფოთება გამოთქვეს
უკრაინაში შესვლაზე უარი ტელეკომპანიების რუსთავი2-ის, TV პირველის და საზოგადოებრივი მაუწყებლის ჟურნალისტებს უთხრეს.
07 დეკ.'17 12:56
სააკაშვილის მხარდასაჭერად თბილისში აქცია გაიმართა
ენმ-ის წევრებმა და აქტივისტებმა უკრაინაში სააკაშვილის დაკავება გააპროტესტეს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
14