Civil.ge-ს შესახებ
Eng | ქარ | Рус
ბოლო განახლება: 14:10 - 17 თებ.'18
RSS
Mobile
Twitter
Facebook
მთავრობამ უმაღლესი სასწავლებლების დღგ–თი დაბეგვრა გადაიფიქრა
სივილ ჯორჯია, თბილისი / 28 ივნ.'10 / 20:20

მთავრობამ შეცვალა თავისი თავდაპირველი გადაწყვეტილება, რის შედეგადაც საქართველოს უმაღლესი სასწავლებლები დამატებითი ღირებულების გადასახადით (დღგ) აღარ დაიბეგრებიან, განაცხადა ფინანსთა მინისტრმა კახა ბაინდურაშვილმა 28 ივნისს.

ინიციატივა უმაღლესი სასწავლებლების დღგ–თი დაბეგვრის თაობაზე ახალი საგადასახადო კოდექსის პროექტით იყო გათვალისწინებული.

მმართველი პარტიის დეპუტატებთან შეხვედრის შემდეგ კახა ბაინდურაშვილმა განაცხადა, რომ ახალ საგადასახადო კოდექსზე ბოლო დროს გამართული საჯარო განხილვების შედეგად აშკარა გახდა, რომ უმაღლესი სასწავლებლებისთვის დღგ–ს დაწესებას უარყოფითი გავლენა ექნებოდა სექტორის შემდგომი განვითარებისთვის. 

იმავდროულად, განათლების მინისტრმა დიმიტრი შაშკინმა, რომელიც 28 ივნისს რამოდენიმე უმაღლესი სასწავლებლის რექტორს შეხვდა, განაცხადა, რომ გადაწყდა, დაიწყოს მუშაობა კანონპროექტზე, რომელიც უმაღლესი სასწავლებლებისთვის სპეციალური, დასავლეთის უმაღლეს სასწავლებლებში აპრობირებული, ე.წ. ”ენდაუმენტის” ფონდის (Endowment Fund)  შექმნას გაითვალისწინებს.

უნივერსიტეტებთან და კვლევით ცენტრებთან არსებული ამ ტიპის ფონდები, ივსება სასწავლო დაწესებულების შემოსავლების ნაწილით, ასევე დონორთა შემოწირულობებით. ამ ტიპის ფონდებში მუდმივად არსებობს გარკვეული რაოდენობის თანხა, რომელსაც უნივერსიტეტი მხოლოდ ისეთ საქმეში იყენებს, რომლიდანაც მოგება შემოსდის და ამ მოგებას შემდეგ ანაწილებს სხვადასხვა მიზნებისთვის, იქნება ეს ინფრასტრუქტურის განვითარება, თუ სტუდენტების სასწავლო სტიპენდიებით უზრუნველყოფა.

ზუსტად რა მოდელის იქნება ეს ფონდი და რა პრინციპით იმუშავებს საქართველოში ეს ცნობილი გახდება მას შემდეგ რაც კონკრეტული კანონპროექტი დაიდება.

განათლების და მეცნიერების სამინისტროს ცნობით, აღნიშნული კანონპროექტი ორი კვირის ვადაში უნდა მომზადდეს.
 
”შეიქნება სამუშაო ჯგუფი, განათლების სამინისტროს, ფინანსთა სამინისტროსა და უმაღლესი სასწავლებლების წარმომადგენლების მიერ, რომელიც შეიმუსავებს ენდაუმენტის ფონდების შექმნის კანონპროექტს, რომელიც მოგვცემს საშუალებას, რომ ის ფული რომელიც შემოდის უნივერსიტეტებში შემოსავლის სახით იყოს გამოყენებული კონკრეტულად იმისათვის რომ განათლება იყოს უფრო ხელმისაწვდომი,” განაცხადა დიმიტრი შაშკინმა 28 ივნისს.

უახლესი ამბები
17 თებ.'18 14:10
მარგველაშვილი ლიტვის დამოუკიდებლობის აღდგენისადმი მიძღვნილ ღონისძიებებს დაესწრო
ლიტვის დამოუკიდებლობის აღდეგენის 100 წლისთავის აღსანიშნავად ვილნიუსში ევროპელი ლიდერები ჩავიდნენ.
16 თებ.'18 16:05
მთავრობა მცირე მეწარმეებისთვის ახალი საგადასახადო ინიციატივით გამოდის
ინიციატივის მიხედვით, მცირე მეწარმეებისთვის საგადასახადო განაკვეთი 5-ჯერ შემცირდება.
16 თებ.'18 13:50
ვიცე-პრემიერი ქუმსიშვილი ბაქოში სამხრეთის გაზის დერეფნის მრჩეველთა საბჭოს მინისტერიალს დაესწრო
ვიზიტის ფარგლებში, ქუმსიშვილი აზერბაიჯანის პრეზიდენტს ილჰამ ალიევს შეხვდა.
15 თებ.'18 14:27
სამართალდამცავების მიერ ჩადენილ დანაშაულს დამოუკიდებელი ორგანო გამოიძიებს
ახალი უწყება 2019 წლიდან, პერსონალურ მონაცემთა დაცვის ინსპექტორის აპარატის ბაზაზე შეიქმნება.
14 თებ.'18 17:24
საქართველო აშშ–ის დაზვერვის ყოველწლიურ ანგარიშში
აშშ–ის ეროვნულმა დაზვერვამ ყოველწლიური ანგარიში გამოაქვეყნა, რომელიც მსოფლიო მასშტაბით საფრთხეებს აფასებს.
14 თებ.'18 16:28
თავდაცვის რეფორმის თაობაზე საკომიტეტო მოსმენა გაიმართა
ლევან იზორიამ წვრთნებზე, ტოტალურ თავდაცვაზე და საბიუჯეტო პრიორიტეტბზე ისაუბრა.
14 თებ.'18 16:13
პარლამენტმა განაახლა მსჯელობა „მაუწყებლობის შესახებ“ კანონში შეტანილ ცვლილებებზე
მმართველ გუნდში კვლავაც ნარჩუნდება აზრთა სხვადასხვაობა იმ ახალ რეგულაციებზე, რომელიც საზოგადოებრივი მაუწყებლის უფლებამოსილებებს აფართოებს.
13 თებ.'18 17:34
ჯანელიძე ისლამური სახელმწიფოს წინააღმდეგ გლობალური კოალიციის მინისტერიალში მონაწილეობს
საგარეო საქმეთა მინისტრი ქუვეითის პრემიერ-მინისტრს, შეიხ ჯაბერ ალ მუბარაქ ალ ჰამედ ალ საბაჰს შეხვდა.
13 თებ.'18 14:52
თბილისის სააპელაციო სასამართლომ დეკანოზ გიორგი მამალაძის მიმართ გამამტყუნებელი განაჩენი ძალაში დატოვა
საქალაქო სასამრთლომ გიორგი მამალაძეს 9 წლით თავისუფლების აღკვეთა გასული წლის სექტემბერში მიუსაჯა.
13 თებ.'18 11:54
საქართველოს საგარეო ვაჭრობა 2018 წლის იანვარში
უარყოფითმა სავაჭრო ბალანსმა  371.3 მილიონი აშშ დოლარი შეადგინა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
23