Civil.ge-ს შესახებ
Eng | ქარ | Рус
ბოლო განახლება: 16:20 - 19 თებ.'18
RSS
Mobile
Twitter
Facebook
პარლამენტმა საბიუჯეტო ცვლილებები მიიღო
სივილ ჯორჯია, თბილისი / 18 ივნ.'10 / 18:35

ფინანსთა მინისტრმა კახა ბაინდურაშვილმა დღეს პარლამენტის პლენარულ სხდომაზე  წარადგინა ცვლილებები, რომელიც 2010 წლის ბიუჯეტის ხარჯების, დაახლოებით, 230 მლნ ლარით ზრდას ითვალისწინებს. 

ცვლილებები პარლამენტმა კენჭისყრის მეორე ცდაზე 88 ხმით დაამტკიცა მას შემდეგ, რაც პირველი კენჭისყრისას კანონპროექტი ჩავარდა.

ბიუჯეტი 150 მლნ ლარით, ბაინდურაშვილის თქმით, „ჭარბად შემოსული“ საგადასახადო შემოსავლების, ხოლო დანარჩენი ნაწილი 74 მლნ ლარის ოდენობით მოსალოდენილი დამატებითი გრანტების ხარჯზე იზრდება, რომლის ძირითადი ნაწილიც ევროკავშირის მიერ საქართველოსთვის გამოყოფილ გრანტებზე მოდის.

ბაინდურაშვილის განცხადებით, ცვლილებები შესაძლებლელი გახადა მოსალოდნელმა ეკონომიკურმა ზრდამ, რომელიც ნაცვლად წელს დაგეგმილი 2%–ისა, მიაღწევს 4.5%–ს. მისი თქმით, ყველა ის მაჩვენებელი, რომელიც მიუთითებს ეკონომიკის ზრდას, მათ შორის ბანკების მიერ ეკონომიკის დაკრედიტების, საგადასახადო ბრუნვის, საბაჟო შემოსავლების, უცხოეთიდან გადმორიცხული ფულადი გზავნილების აღმავალი დინამიკა, სახეზეა.

აღნიშნული ცვლილებების შედეგად ბიუჯეტის დეფიციტი 6.5%–მდე დაიწევს, ნაცვლად წელს თავდაპირველად დაგეგმილი 7.3%–სა. 2009 წელს საბიუჯეტო დეფიციტმა 9.2% შეადგინა.  „ჩვენი მიზანია, რომ დეფიციტი 2013 წლისთვის დავიყვანოთ 3%–ზე,“– განაცხადა ბაინდურაშვილმა.

საპარლამენტო ოპოზიციამ მთავრობა მწვავედ გააკრიტიკა იმის გამო, რომ საბიუჯეტო ცვლილებების განმარტებით ბარათში არ იყო ასახული პრეზიდენტისა და მთავრობის ფონდების, ოპოზიციონერი დეპუტატების ინფორმაციით, 60 მლნ ლარით ზრდის დებულება და ფინანსთა მინისტრი ამ საკითხის „გაპარების“ მცდელობაში დაადანაშაულა.

კრიტიკის საპასუხოდ, ბაინდურაშვილმა აღიარა, რომ მთავრობის და პრეზიდენტის ფონდები „ამოწურულია“ და „ხდება მათი შევსება კანონით დასაშვებ ნორმამდე“, თუმცა მინისტრმა არ დაასახელა, თუ  რა კონკრეტული თანხით ივსება ეს ფონდები. მას არც ის კონკრეტული ღონისძიებები დაუსახელებია, თუ რაში დაიხარჯა ეს თანხები.

წლევანდელ ბიუჯეტში პრეზიდენტისა და მთავრობის ფონდები, თითოეული, 25–25 მლნ ლარს შეადგენდა, შარშან კი თითოში 50 მილიონი იყო გათვალისწინებული.

გაზრდილი საბიუჯეტო ხარჯები შემდეგ მიმართულებებზე გადანაწილდება:

25 მლნ ლარი დევნილთა სახლების მშენებლობას, 6.5 მლნ ლარი მათზე გასაცემ კომპენსაციებს, 2.6 მლნ ლარი დევნილთა ობიექტების რეაბილიტაციას და 3.4 მლნ ლარი კი დევნილთა კომუნალური გადასახადების დაფარვას მოხმარდება.

9.4 მლნ ლარი პენიტენციალურ სისტემაში მშენებლობა–რეაბილიტაციისთვისაა გათვალისწინებული.

რეგიონებში წყალმომარაგების გაუმჯობესებისათვის დამატებით 11 მლნ ლარი გამოიყოფა, ხოლო 9 მლნ ლარი მოხმარდება რაჭაში მიწისძვრის შედეგების ლიკვიდაციას.

დამატებით, თითქმის 25 მლნ ლარია გათვალისწინებული ტურისტული და საგზაო ინფრასტრუქტურის განვითარების პროექტებზე.

20.0 მლნ ლარი მიიმართება შავი ზღვის ელექტროგადამცემი ხაზის სამშენებლო სამუშაოების განხორციელებაში საქართველოს მხარის თანამონაწილეობაზე. 

2.6 მლნ ლარი კი გერმანიაში საქართველოს საელჩოს შენობის შეძენას მოხმარდება საგარეო საქმეთა სამინისტროსთვის ამ თანხის გამოყოფის გზით.

ბაგრატის ტაძრის რეაბილიტაციის პირველადი სამუშაოებისთვის ბიუჯეტი წელს დამატებით 2 მლნ ლარს გამოყოფს.

საპარლამენტო ოპოზიციამ გააკრიტიკა მმართველი გუნდი იმის გამო, რომ ამ საბიუჯეტო ცვლილებებში ჯანდაცვისა და სოციალური, ასევე განათლების სფეროების დაფინანსება არ არის პრიორიტეტული და აქცენტი მხოლოდ ინფრასტრუქტურულ პროექტებზე კეთდება. 

 

უახლესი ამბები
19 თებ.'18 16:20
კვირიკაშვილი მიუნხენში მსოფლიოს ლიდერებს შეხვდა
პრემიერ-მინისტრი 16-18 თებერვალს მიუნხენის უსაფრთხოების კონფერენციას დაესწრო.
19 თებ.'18 15:21
სასამართლომ მუსტაფა ემრე ჩაბუქი გირაოს სანაცვლოდ გაათავისუფლა
დემირელის კოლეჯის მმართველი მისი ექსტრადირების საკითხის საბოლოო გადაწყვეტამდე თავისუფალი იქნება.
19 თებ.'18 13:30
არასამთავრობო და მედიაორგანიზაციები მუხთარლის საქმეზე პარლამენტის საგამოძიებო კომისიის შექმნას მოითხოვენ
ერთობლივ განცხადებას ხელს 35 ორგანიზაცია აწერს.
17 თებ.'18 14:10
მარგველაშვილი ლიტვის დამოუკიდებლობის აღდგენისადმი მიძღვნილ ღონისძიებებს დაესწრო
ლიტვის დამოუკიდებლობის აღდეგენის 100 წლისთავის აღსანიშნავად ვილნიუსში ევროპელი ლიდერები ჩავიდნენ.
16 თებ.'18 16:05
მთავრობა მცირე მეწარმეებისთვის ახალი საგადასახადო ინიციატივით გამოდის
ინიციატივის მიხედვით, მცირე მეწარმეებისთვის საგადასახადო განაკვეთი 5-ჯერ შემცირდება.
16 თებ.'18 13:50
ვიცე-პრემიერი ქუმსიშვილი ბაქოში სამხრეთის გაზის დერეფნის მრჩეველთა საბჭოს მინისტერიალს დაესწრო
ვიზიტის ფარგლებში, ქუმსიშვილი აზერბაიჯანის პრეზიდენტს ილჰამ ალიევს შეხვდა.
15 თებ.'18 14:27
სამართალდამცავების მიერ ჩადენილ დანაშაულს დამოუკიდებელი ორგანო გამოიძიებს
ახალი უწყება 2019 წლიდან, პერსონალურ მონაცემთა დაცვის ინსპექტორის აპარატის ბაზაზე შეიქმნება.
14 თებ.'18 17:24
საქართველო აშშ–ის დაზვერვის ყოველწლიურ ანგარიშში
აშშ–ის ეროვნულმა დაზვერვამ ყოველწლიური ანგარიში გამოაქვეყნა, რომელიც მსოფლიო მასშტაბით საფრთხეებს აფასებს.
14 თებ.'18 16:28
თავდაცვის რეფორმის თაობაზე საკომიტეტო მოსმენა გაიმართა
ლევან იზორიამ წვრთნებზე, ტოტალურ თავდაცვაზე და საბიუჯეტო პრიორიტეტბზე ისაუბრა.
14 თებ.'18 16:13
პარლამენტმა განაახლა მსჯელობა „მაუწყებლობის შესახებ“ კანონში შეტანილ ცვლილებებზე
მმართველ გუნდში კვლავაც ნარჩუნდება აზრთა სხვადასხვაობა იმ ახალ რეგულაციებზე, რომელიც საზოგადოებრივი მაუწყებლის უფლებამოსილებებს აფართოებს.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
59