Civil.ge-ს შესახებ
Eng | ქარ | Рус
ბოლო განახლება: 18:26 - 18 დეკ.'17
RSS
Mobile
Twitter
Facebook
ეროვნული ბანკი მონეტარული პოლიტიკის განაკვეთს 6.25%–მდე ზრდის
სივილ ჯორჯია, თბილისი / 17 ივნ.'10 / 14:04

საქართველოს ეროვნულმა ბანკმა განაცხადა 16 ივნისს, რომ მონეტარული პოლიტიკის განაკვეთი 5%–დან 6.25%–მდე გაზარდა, რაც ინფლაციის დაძლევას ისახავს მიზნად.

გასული წლის ნოემბრიდან ბანკი მონეტარული პოლიტიკის განაკვეთს 5%–ზე ინარჩუნებდა.

2010 წლის მაისში წლიური ინფლაციის მაჩვენებელმა 4% შეადგინა, ნათქვამია ეროვნული ბანკის მიერ მონეტარული პოლიტიკის კომიტეტის სხდომის შემდეგ გავრცელებულ განცხადებაში.

„არსებული პროგნოზებით, საშუალოვადიან პერიოდში პოლიტიკის უცვლელობის პირობებში სამომხმარებლო ფასების ზრდამ შესაძლოა 6%–ს გადააჭარბოს,“ – ნათქვამია განცხადებაში. 

ბანკმა ასევე აღნიშნა, რომ ივნისში ფართო ფულადი აგრეგატის M3–ის წლიურმა ზრდამ 40 პროცენტს გადააჭარბა. ფულის მასის ზრდას, ერთი მხრივ, ეკონომიკის ფისკალური სტიმულირება, ხოლო მეორე მხრივ, მიმდინარე წლის დასაწყისიდან ეკონომიკის დაკრედიტების მზარდი ტემპი განაპირობებს.

„როდესაც ფულადი მასის ასეთი ზრდა შესაბამისობაში არაა ეკონომიკის ზრდის ტემპებთან,  საშუალოვადიან პერიოდში ჩნდება ინფლაციის რისკები,“ – განაცხადა ბანკმა და დასძინა, რომ წინა თვეების მსგავსად, მაისშიც გაღრმავდა საქონლის სავაჭრო დეფიციტი.

ეროვნული ბანკის განცხადებით, აშშ დოლარის მიმართ ლარის გაცვლითი კურსის გაუფასურება სავაჭრო დეფიციტის გაღრმავებამ, წლის პირველ ნახევარში მოსალოდნელზე უფრო ნაკლები ოდენობით კერძო კაპიტალის შემოდინებამ და მსოფლიო ბაზარზე აშშ დოლარის გამყარებამ გამოიწვია. თვის დასაწყისში არსებული 1.78 ლარი/1 აშშ დოლარის კურსიდან ლარის კურსი 17 ივნისის მონაცემებით 1.88 ლარამდე დაეცა. თითქმის ანალოგიური გაცვლითი კურსი (1.875 ლარი/1 აშშ დოლარი) ბოლოს 2004 წლის სექტემბერში დაფიქსირდა

„სწორედ აღნიშნული ფაქტორების გათვალისწინებით, საშუალოვადიან პერიოდში ინფლაციის საპროგნოზო მაჩვენებლის მიზნობრივ დონეზე შესანარჩუნებლად ეროვნული ბანკის მონეტარული პოლიტიკის კომიტეტმა მიზანშეწონილად ჩათვალა  პოლიტიკის გამკაცრება,“ – ნათქვამია ეროვნული ბანკის განცხადებაში. 

 

 

უახლესი ამბები
18 დეკ.'17 18:26
საქართველომ და ბელარუსმა საიდუმლო ინფორმაციის გაცვლის შესახებ შეთანხმებას მოაწერეს ხელი
სახელმწიფო უსაფრთხოების სამსახურის უფროსი, ვახტანგ გომელაური მინსკს სტუმრობს.
18 დეკ.'17 17:54
სირიაში საქართველოს მოქალაქე მოკლეს
გავრცელებული ინფორმაციით, გიორგი მარგოშვილი ჰამას პროვინციაში ასადის ძალების წინააღმდეგ ბრძოლის დროს დაიღუპა. 
18 დეკ.'17 16:13
პარლამენტში ქართული ოცნების კიდევ ორი ფრაქცია შეიქმნება
მმართველი პარტიის წევრები უარყოფენ მედიის ინფორმაციას, რომ ეს ცვლილება შიდა უთანხმოებას უკავშირდება.
18 დეკ.'17 12:37
2018 წლის აპრილში პარლამენტის შუალედური არჩევნები გაიმართება
არჩევნები ჩატარდება ვანისა და ხონის მაჟორიტარულ ოლქში, რომლის დეპუტატმაც პარლამენტიდან სუს-ში გადაინაცვლა.
17 დეკ.'17 17:14
ევროპარლამენტის ცხრა წევრი მერაბიშვილის გათავისუფლებას მოითხოვს
ევროპარლამენტარები მოუწოდებენ საქართველოს, პატივი სცეს ევროსასამართლოს გადაწყვეტილებას.   
15 დეკ.'17 18:50
ახალ კონსტიტუციაში საჯარო ინფორმაციის ხელმისაწვდომობის პირობები დაზუსტდება
შესაბამისი შესწორება პარლამენტმა საკონსტიტუციო ცვლილებების მეორე მოსმენით განხილვისას დაამტკიცა.
15 დეკ.'17 18:06
ლარი აშშ დოლართან და ევროსთან მიმართებაში გამყარდა
ლარის გაცვლითი კურსი აშშ დოლართან მიმართებაში 2.5597, ხოლო ევროსთან მიმართებაში 3.0256-ია.    
15 დეკ.'17 12:34
ამერიკელი სენატორი საქართველოსთვის ჯაველინის სისტემის მიყიდვას ეწინააღმდეგება
სენატორმა რენდ პოლმა რეზოლუცია წარადგინა, სადაც შემოთავაზებული მიყიდვის აკრძალვას ითხოვს.
14 დეკ.'17 19:26
ჟენევის საერთაშორისო დისკუსიების 42-ე რაუნდი
მხარეთა შორის უთანხმოებები 12-13 დეკემბრის რაუნდის დროსაც გაგრძელდა.
14 დეკ.'17 15:16
სამხედრო ძალების რაოდენობა მომავალი წლისთვის კვლავ 37 ათასით განისაზღვრა
საქართველოს შეიარაღებული ძალების ზღვრული მაქსიმუმი 37 ათასს 2008 წლის ივლისის შემდეგ შეადგენს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
87