Civil.ge-ს შესახებ
Eng | ქარ | Рус
ბოლო განახლება: 18:32 - 17 ნოე.'17
RSS
Mobile
Twitter
Facebook
”ალიანსში” განსხვავებული პოზიციები ”იდენტურით” შეიცვალა
სივილ ჯორჯია, თბილისი / 18 თებ.'10 / 16:21

გუშინდელი შეუსაბამო განცხადებების შემდეგ, ალიანსი საქართველოსთვის ლიდერმა ირაკლი ალასანიამ განაცხადა, რომ ალიანსის თანათავმჯდომარეებს ”იდენტური” პოზიციები აქვთ ნოღაიდელის პარტიასთან თანამშრომლობის მიუღებლობაზე.

გუშინ ახალი მემარჯვენეებისა და რესპუბლიკელების ლიდერებმა დავით გამყრელიძემ და დავით უსუფაშვილმა ერთობლივი განცხადება გააკეთეს, რითაც სოლიდარობა გამოუცხადეს 15 თებერვალს მათი ლიდერის, ირაკლი ალასანიას მოწოდებას თბილისის მერის ერთიან კანდიდატზე ფართო ოპოზიციური შეთანხმების აუცილებლობასთან დაკავშირებით. თუმცა გამყრელიძემ და უსუფაშვილმა თავიანთი პარტიების სახელით ასევე განაცხადეს, რომ გამართავენ მოლაპარაკებებს ყველა ოპოზიციურ ძალასთან, გარდა ზურაბ ნოღაიდელის მოძრაობა სამართლიანი საქართველოსთვის. მათ მიერ შემოთავაზებულ ფორმულას ”ყველა მინუს ერთი” პრაიმერის ორგანიზატორი კონსერვატორების, ხალხის პარტიისა და თავად ნოღაიდელის პარტიის მხრიდან კრიტიკა მოჰყვა.

ამის შემდეგ ირაკლი ალასანიას პარტიის, ჩვენი საქართველო - თავისუფალი დემოკრატების წარმომადგენელმა ზურაბ აბაშიძემ განაცხადა, რომ ალიანსი ითანამშრომლებს ყველასთან, მათ შორის ზურაბ ნოღაიდელთანაც. ამ განცხადებამ ალიანსის შიგნით უთანხმოებაზე მიანიშნა.

”ნოღაიდელს რაც შეეხება, ჩვენი პოზიცია არის აბსოლუტურად იდენტური, რომ საგარეო პოლიტიკური, სხვა იდეოლოგიური განსხვავებები იმდენად დიდია ნოღაიდელის პარტიასთან, რომ ჩვენ არანაირ პოლიტიკურ ალიანსში ან რაიმე პოლიტიკურ შეთანხმებაში ნოღაიდელის პარტიასთან ვერ შევალთ,”- განმარტა დღეს ირაკლი ალასანიამ ახალი მემარჯვენეების ოფისში, სადაც ალიანსის ყველა ლიდერი შეიკრიბა. 

მან კიდევ ერთხელ გაიმეორა, რომ ოპოზიციაში ერთიანობა შესაძლებელია.

”დღესაც მინდა დაგიდასტუროთ, რომ მტკიცედ ვდგავართ მეც, ჩემი პოლიტიკური გუნდიც და ალიანსიც ამ პოზიციაზე,”- განაცხადა მან, ”ჩვენ შევძლებთ ოპოზიციურ ძალებთან მივაღწიოთ იმ პროცესზე შეთანხმებას, რომელიც გამოავლენს ერთიან კანდიდატს მერის არჩევნებზე”.

სოზარ სუბარმა, რომელიც ალიანსის კიდევ ერთი თანათავმჯდომარეა, ასევე დაადასტურა, რომ მისთვის ნოღაიდელთან თანამშრომლობა მიუღებელია.

”ნოღაიდელის პარტია,  მისი ხელმძღვანელები ამბობენ, რომ საქართველოს ტერიტორიების ოკუპაცია არ მომხდარა რუსეთის მხრიდან  - ალიანსი ასეთ პარტიასთან ვერ ითანამშრომლებს ვერცერთ საკითხზე,”- განუცხადა მან დღეს ჟურნალისტებს და დასძინა: ”ამ შემთხვევაში ალიანსის პოზიცია არის განუყოფელი”.

ირაკლი ალასანია თბილისის მერობის კანდიდატად ალიანსმა სექტემბერში დაასახელა, ხოლო ყოფილი ომბუდსმენი სოზარ სუბარი საკრებულოს თავმჯდომარეობის პრეტენდენტად გამოაცხადა. თუმცა ალიანსის ლიდერებმა მიანიშნეს, რომ ერთიან კანდიდატებზე ოპოზიციური თანხმობის სანაცვლოდ, შესაძლოა მათი კანდიდატები შეიცვალოს. 

”ჩვენ ვამბობთ, რომ მზად ვართ დავსხდეთ ყველასთან, გამოკლებით ერთი პარტიისა და ერთი ლიდერისა და დავიწყოთ მოლაპარაკებები სუფთა ფურცლიდან, ეს ნიშნავს რომ ყველანაირი ვერსიის განხილვისთვის მზად ვართ, თუმცა მსგავსი განხილვა ამ წუთში არ არსებობს,”- აღნიშნა სუბარმა.  

 

უახლესი ამბები
17 ნოე.'17 18:32
სახალხო დამცველმა აფხაზეთის გამშვები პუნქტების დახურვაზე ანგარიში გამოაქვეყნა
უჩა ნანუაშვილს მიაჩნია, რომ გალში ადამიანის უფლებების მდგომარეობა „უფრო და უფრო უარესდება“.
17 ნოე.'17 16:48
პრაღაში აბაშიძის და კარასინის მორიგი შეხვედრა გაიმართა
მოსკოვის თქმით, 2011 წლის ვმო-ს შეთანხმებაზე ექსპერტების შეხვედრა გაიმართება.
17 ნოე.'17 15:37
არასამთავრობოები პარტიების დაფინანსების წესში საპარლამენტო უმრავლესობის წარმომადგენელთა მიერ ინიცირებულ ცვლილებებს ეწინააღმდეგებიან
საია-მ, საერთაშორისო გამჭვირვალობა-საქართველომ და სამართლიანმა არჩევნებმა ერთობლივი განცხადება გაავრცელეს.
17 ნოე.'17 13:28
შინაგან საქმეთა მინისტრის სამი მოადგილე დაინიშნა
ახალ მინისტრს, გიორგი გახარიას, სამი მოადგილე ჰყავს.
16 ნოე.'17 18:31
საქართველომ „ლაპის ლაზულის“ სატრანზიტო დერეფნის შეთანხმებას მოაწერა ხელი
საქართველოსთან ერთად, შეთანხმებას ხელი ავღანეთის, თურქმენეთის, აზერბაიჯანის და თურქეთის წარმომადგენლებმაც მოაწერეს.  
16 ნოე.'17 17:56
აშშ-ის მიერ დაფინანსებული ახალი პროგრამა საქართველოს ტერიტორიის თავდაცვისკენ იქნება მიმართული
თავდაცვის მინისტრმა ლევან იზორიამ აშშ-ში ვიზიტის დროს წვრთნის ახალ პროგრამაზე ისაუბრა.
16 ნოე.'17 17:50
სახალხო დამცველი მომავალი ომბუდსმენის შერჩევაში „საზოგადოების მონაწილეობის“ აუცილებლობაზე საუბრობს
არასამთავრობო სექტორში ომბუდსმენის პოსტზე რამდენიმე კანდიდატურა განიხილება.
16 ნოე.'17 11:52
СENN გარემოს დაცვის სამინისტროს რეორგანიზაციის ფართო განხილვას მოითხოვს
კავკასიის გარემოსდაცვითი არასამთავრობო ორგანიზაციების ქსელმა მთავრობის სტრუქტურულ რეორგანიზაციასთან დაკავშირებით განცხადება გაავრცელა.
15 ნოე.'17 18:49
პოლონეთის და შვედეთის საგარეო საქმეთა მინისტრებმა საქართველოს ევროპული მისწრაფებების მხარდაჭერა დაადასტურეს
ვიტოლდ ვაშჩიკოვსკი და მარგოტ ვალსტრომი აღმოსავლეთ პარტნიორობის სამიტის წინ საქართველოს ხელმძღვანელობას შეხვდნენ.
15 ნოე.'17 13:20
პუტინი მოსკოვში სამხრეთ ოსეთის ლიდერს შეხვდა
მოსკოვის გადაწყვეტილებით, სავალდებულო სამედიცინო დაზღვევის პროგრამა ცხინვალის რეგიონში მცხოვრებ რუსეთის მოქალაქეებზეც გავრცელდება.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
91