Civil.ge-ს შესახებ
Eng | ქარ | Рус
ბოლო განახლება: 18:20 - 24 აპრ.'14
RSS
Mobile
Twitter
Facebook
პარლამენტმა დარღვეული საარჩევნო ვადების კორექტირება მოახდინა
სივილ ჯორჯია, თბილისი / 12 იან.'10 / 17:28

პარლამენტმა 103 ხმით 1-ის წინააღმდეგ ერთი მოსმენით, გამარტივებული წესით მიიღო ცვლილება საარჩევნო კოდექსში, რომელიც ცესკოს თავმჯდომარის არჩევის ახალ ვადებს განსაზღვრავს.

აღნიშნული ცვლილების საჭიროება მას შემდეგ დადგა დღის წესრიგში, რაც პრეზიდენტმა დადგენილ ვადაში - 8 იანვარს არ წარადგინა ცესკოს თავმჯდომარეობის სამი კანდიდატი.

შესაბამისად, კანდიდატების შერჩევისა და წარდგენის ვადა 12 იანვრით, ხოლო ცესკოს 6 ოპოზიციური წევრის მიერ სამი კანდიდატიდან ერთის თავმჯდომარედ არჩევის ვადა არაუგვიანეს 14 იანვრისა განისაზღვრა. თუ ვერცერთი კანდიდატი ვერ მოიპოვებს ცესკოს ოთხი ოპოზიციური წევრის მხარდაჭერას მაინც, მაშინ პროცესი პარლამენტში გადაინაცვლებს და 21 იანვრამდე უკვე დეპუტატები დაამტკიცებენ სამიდან ერთ კანდიდატს თავმჯდომარის პოსტზე. 

პრეზიდენტის საპარლამენტო მდივანმა ზურაბ დეკანოიძემ, რომელმაც ეს საკანონმდებლო ინიციატივა პარლამენტის რიგგარეშე სხდომაზე წარადგინა, განაცხადა, რომ პრეზიდენტი სამ კანდიდატს ცესკოში 12 იანვარს წარადგენს. მისი თქმით, ცვლილებების ამოქმედების ვადად ასევე 12 იანვარი განისაზღვრება.

ვიცე-სპიკერმა მიხეილ მაჭავარიანმა განაცხადა, რომ ეს ცვლილება საჭირო გახდა, ”ვინაიდან ვადების დაცვა ვერ მოხერხდა”.

თუმცა სხვა დეპუტატები მმართველი პარტიიდან მოერიდნენ პირდაპირ ეღიარებინათ კანონის მოთხოვნათა დარღვევა. მათ ვადების გახანგრძლივების მიზეზად დაასახელეს არასამთავრობო სექტორთან და ოპოზიციასთან კანდიდატებთან დაკავშირებით სირღმისეული კონსულტაციების საჭიროება. 

”ნუ ჩავკირკიტდებით კონკრეტულ საათებზე და წუთებზე,”- მოუწოდა დეპუტატებს უმცირესობიდან აკაკი მინაშვილმა მმართველი პარტიიდან მას შემდეგ, რაც უმრავლესობას საპარლამენტო უმცირესობიდან  იმის აღიარება მოთხოვეს, რომ პრეზიდენტმა ვადები დაარღვია.

გოკა გაბაშვილმა საპარლამენტო უმრავლესობიდან განაცხადა, რომ ვადები არ არის ”ცენტრალური” და ”პირველხარისხოვანი” თემა.

”ჩვენ გამოსაკიდებელი ვართ არა თარიღებზე, არამედ საარჩევნო პროცესზე და პროცესის გამჭვირვალობაზე,”- განაცხადა მან.

მმართველი პარტიიდან ევროინტეგრაციის კომიტეტის თავმჯდომარემ დავით დარჩიაშვილმა განაცხადა, რომ ”კანონი არ დარღვეულა” და ვადებთან დაკავშირებული საკითხები ”ინტერპრეტაციის” საგანია.

საპარლამენტო უმცირესობის ლიდერმა გიორგი თარგამაძემ განაცხადა, რომ ”კანონი არის დარღვეული” და ”კანონდარღვევის ავტორია საქართველოს პრეზიდენტი”.

”ძალიან ცუდი პრეცედენტი იქმნება, როცა ჩვენი ოპონენტები უმრავლესობიდან ცდილობენ კანონის დარღვევა გაამართლონ,” - აღნიშნა მან.

პარტია ჩვენ თვითონ-ის ლიდერის, დეპუტატ პაატა დავითაიას შეფასებით, ”სამწუხაროა, რომ სახელმწიფო აპარატს უნდა მოერგოს კანონი და არა პირიქით”.

დეპუტატმა ეროვნულ-დემოკრატიული პარტიიდან გურამ ჩახვაძემ განაცხადა, რომ
მიუხედავად იმისა, რომ პრეზიდენტმა ”გადაამეტა თავის უფებამოსილებას” და ”დადგა კანონზე მაღლა”, აუცილებელია ჩიხიდან გამოსვლა ვადების კორექტირების გზით.

ამავე თემაზე
უახლესი ამბები
24 აპრ.'14 18:20
საქართველოს საგარეო ვაჭრობა 2014 წლის პირველ კვარტალში
საგარეო ვაჭრობა 2014 წლის პირველ სამ თვეში 18%–ით გაიზარდა წინა წლის შესაბამის პერიოდთან შედარებით და 2.52 მილიარდი აშშ დოლარი შეადგინა. 
24 აპრ.'14 17:22
ისრაელის შინაგან საქმეთა მინისტრი თბილისს სტუმრობს
გიდეონ საარს პრემიერ-მინისტრი ირაკლი ღარიბაშვილი და  ქართველი კოლეგა ალექსანდრე ჭიკაიძე შეხვდნენ.
24 აპრ.'14 15:14
პროკურატურამ ვალერი გელაშვილზე თავდასხმა გახსნილად გამოაცხადა
ცხრა წლის წინ დეპუტატის ცემის ორგანიზებაში პროკურატურამ, რომელიც გამოძიებას აგრძელებს, სოდ-ის ყოფილი დირექტორი ერეკლე კოდუა დაადანაშაულა.
24 აპრ.'14 13:02
საფრანგეთის და გერმანიის საგარეო საქმეთა მინისტრები საქართველოს ხელმძღვანელობას ხვდებიან
ფაბიუსი და შტაინმაიერი თბილისში მოლდოვადან ჩამოვიდნენ.
24 აპრ.'14 13:00
პრეზიდენტი მარგველაშვილი პრაღაში გაემგზავრა
საქართველოს პრეზიდენტი აღმოსავლეთ პარტნიორობის ხუთი წლისთავისადმი მიძღვნილ სამიტში მიიღებს მონაწილეობას.
23 აპრ.'14 19:03
ათენში საქართველოს და საბერძნეთის საგარეო საქმეთა მინისტრების შეხვედრა გაიმართა
მხარეებმა ორმხრივ ურთიერთობებზე, ევროკავშირსა და ნატოში საქართველოს ინტეგრაციაზე, ასევე უკრაინაზე იმსჯელეს.
23 აპრ.'14 14:31
ღარიბაშვილი: არანაირი სამთავრობო ცვლილება ან სახელმწიფო გადატრიალება არ მოხდება
მისი თქმით, „6%-იანი“ ნაციონალური მოძრაობა „აგორებს ჭორებს“, რათა „მოსახლეობაში შეიტანონ  დაძაბულობა და არასტაბილურობის განცდა“.
23 აპრ.'14 13:06
საფრანგეთის და გერმანიის საგარეო საქმეთა მინისტრები თბილისს ეწვევიან
ვიზიტი მათი ერთობლივი ტურნეს ფარგლებში ხორციელდება, რომელიც ასევე მოიცავს მოლდოვასა და ტუნისში სტუმრობას. 
23 აპრ.'14 12:31
ფანჯიკიძე ოფიციალური ვიზიტით საბერძნეთს სტუმრობს
საგარეო საქმეთა მინისტრი თავის ბერძენ კოლეგას შეხვდება.
23 აპრ.'14 12:04
ირანის პრეზიდენტი საქართველოს ელჩს შეხვდა და აზერბაიჯანის გავლით სარკინიგზო ხაზის საკითხი წამოწია
ამ რკინიგზით მთელი რეგიონი მიიღებს სარგებელს, განაცხადა პრეზიდენტმა რუჰანიმ.

სივილ ჯორჯიას შესახებ
Civil.Ge © 2001-2013, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
44