Civil.ge-ს შესახებ
Eng | ქარ | Рус
ბოლო განახლება: 15:19 - 29 აგვ.'15
RSS
Mobile
Twitter
Facebook
სააკაშვილი ცესკოს თავმჯდომარის შესარჩევად მეტ დროს ითხოვს
სივილ ჯორჯია, თბილისი / 11 იან.'10 / 18:47

  • არჩევნები უსაფრთხოების საკითხია;
  • რუსეთს სურს სამოქალაქო დაპირისპირების ”იმიტაცია”.  

    პრეზიდენტმა სააკაშვილმა მას შემდეგ, რაც ცესკოს თავმჯდომარეობის კანდიდატების დასახელების კანონით დადგენილი ვადა დაირღვა, მოუწოდა პარლამენტს გაახანგრძლივოს არსებული პროცედურები.

    ”მე მოვუწოდებ საქართველოს პარლამენტს გააგრძელოს ვადა იმისათვის, რომ მათ შორის ოპოზიციურ ჯგუფებს, ჰქონდეს საშუალება საფუძვლიანად არჩევის წარმოდგენილ კანდიდატებს შორის და მაქსიმალურად ვისწრაფოდეთ, რომ შევთანხმდეთ და მივაღწიოთ კონსენსუსს,”- განაცხადა სააკაშვილმა, ”არ გვინდა ხელოვნურად პროცესის დაჩქარება. არა უშავს ორი კვირა აქეთ, ორი კვირა იქით. ეს არაფერს არ ცვლის”.

    ეს განცხადება სააკაშვილმა დღეს ბათუმში არასამთავრობო ორგანიზაციების წარმომადგენლებთან საკონსულტაციო შეხვედრისას გააკეთა, სადაც ცესკოს პოტენციურ კანდიდატებზე უნდა ემსჯელათ.

    დეკემბერში პარლამენტის მიერ საარჩევნო კოდექსში შეტანილი ცვლილებების თანახმად, პრეზიდენტ სააკაშვილს არასამთავრობო სექტორთან კონსულტაციების საფუძველზე სამი კანდიდატურა 8 იანვრისთვის უნდა შეერჩია და წარედგინა ცესკოს ოპოზიციური წევრებისთვის ასარჩევად. თუმცა კანონით დადგენილი ეს ვადა დაირღვა, ხოლო კონსულტაციები არასამთავრობო სექტორთან 11 იანვარს გაიმართა, ნაცვლად დაგეგმილი 10 იანვრისა.

    მოგვიანებით, ორშაბათს საღამოს პრეზიდენტის პრესსპიკერმა მანანა მანჯგალაძემ განაცხადა, რომ პრეზიდენტი ცესკოს ოპოზიციურ წევრებს თავმჯდომარეობის სამ კანდიდატს ”დღეს ან მაქსიმუმ ხვალ დილით” წარუდგენს. იმავდროულად, პრეზიდენტის განკარგულებით პარლამენტი მოიწვევს რიგგარეშე სხდომას 12 იანვარს, სადაც მიღებული იქნება ვადებთან დაკავშირებული ცვლილება საარჩევნო კოდექსში. ამ ცვლილების თანახმად, ცესკოს ოპოზიციურმა წევრებმა ახალი თავმჯდომარე არაუგვიანეს 14 იანვრისა უნდა აირჩიონ; თუ სამიდან ვერცერთი კანდიდატი საჭირო ოთხ ხმას ვერ დააგროვებს, პროცესი პარლამენტში გადაინაცვლებს და თავმჯდომარეს უკვე 21 იანვრამდე საკანონმდებლო ორგანო დაამტკიცებს.

    სააკაშვილმა განაცხადა, რომ კანონით ”ძალიან ცოტა” დრო იყო განსაზღვრული კანდიდატურების შესარჩევად, რაც ”არ იყო სწორი”.

    ”ცუდია, რომ პარლამენტმა დანიშნა თავის დროზე 7, 8, 9 იანვარი [კონსულტაციებისთვის], რაც საქართველოში ტრადიციულად არ არის საუკეთესო დრო პოლიტიკური ან რამე სხვა აქტიურობისთვის. და ჩვენ უკანა შესასვლელიდან არაფერს არ უნდა ვაკეთებდეთ,”- განაცხადა სააკაშვილმა.

    ”მე ვთხოვ ოპოზიციურ ჯგუფებს, რომ არ ინერვიულონ და არ ჩათვალონ, რომ მათზე რაიმე ზეწოლაა. პირიქით, დრო აქვთ სწორი და ინფორმირებული გადაწყვეტილებები მიიღონ და ყველანი ერთად შევთანხმდეთ, ჩამოვყალიბდეთ იმ საკითხებზე, რომელიც აქ ექვემდებარება განხილვას,”- აღნიშნა მან.

    მისი თქმით, საქართველოს განვითარებისათვის და უსაფრთხოების უზრუნველსაყოფად მთავარი ამოცანაა ”სამაგალითო არჩევნების” ჩატარება, რადგან რუსეთს დამუშავებული აქვს ”სცენარი” საქართველოს საბოლოო დაპყრობის მიზნით არჩევნების ნიადაგზე სამოქალაქო დაპირისპირების ”იმიტაცია” მოაწყოს.

    ”ჩვენი მთავარი ამოცანა უახლოეს თვეებში არის საქართველოში თავისუფალი, სამაგალითო არჩევნების ჩატარება ისე, რომ არავის არანაირი ეჭვები არ ჰქონდეს ამ არჩევნების შედეგებზე,”- განაცხადა სააკაშვილმა. 

    ”საქართველოს მტერს, საქართველოს ოკუპანტს აქვს სრულიად კონკრეტული ამოცანები გააკეთოს იმიტაცია საქართველოში სამოქალაქო დაპირისპირების - იმიტაცია, კიდევ ერთხელ ხაზს ვუსვამ - და შემდეგ ამის ნიადაგზე განახორციელოს ინტერვენცია და საქართველოს საბოლოო დაპყრობა,”- განაგრძო მან.

    ”საერთოდ ეჭვგარეშეა, რომ ეს არის სცენარი და ასევე აბსოლუტურად არ მეპარება ეჭვი, რომ ისინი ამას ვერ განახორციელებენ,”- აღნიშნა სააკაშვილმა.

     

     

     

     

     

  • უახლესი ამბები
    29 აგვ.'15 15:19
    შსს: სამცხე-ჯავახეთის 30-მა მკვიდრმა იარაღი და საბრძოლო მასალა ნებაყოფლობით ჩააბარა
    ადგილობრივი პოლიციისთვის გადაცემულ აღჭურვილობას შორის იყო 8 041 საბრძოლო ვაზნა, 77 ხელყუმბარა და 400 გრ ტროტილი.
    28 აგვ.'15 14:54
    აზიის განვითარების ბანკმა ბათუმის ნაპირსამაგრი სამუშაოებისთვის 20 მლნ აშშ დოლარის სესხი გამოყო
    სესხი სრულად მოხმარდება სანაპირო ზოლის 5-კილომეტრიანი მონაკვეთის ეროზიისგან დაცვის სამუშაოებს.
    28 აგვ.'15 13:51
    პარლამენტის თავმჯომარის განცხადებით, ნატომ MAP-ის საკითხში სიცხადე უნდა შეიტანოს
    უსუფაშვილმა განაცხადა, რომ წევრობის სამოქმედო გეგმა (MAP) „დაბრკოლება“ და „პოლიტიკური სპეკულაციების“ საგანი არ უნდა იყოს. 
    27 აგვ.'15 18:45
    მოსკოვის უარყოფითი რეაქცია ნატო-საქართველოს ერთობლივი ცენტრის გახსნაზე
    ალიანსის ეს „პროვოკაციული“ ნაბიჯი „სერიოზული დესტაბილიზაციის ფაქტორი გახდება რეგიონში უსაფრთხოებისთვის“, განაცხადა რუსეთის საგარეო უწყებამ.
    27 აგვ.'15 16:59
    ნატომ და საქართველომ ერთობლივი წვრთნისა და შეფასების ცენტრი გახსნეს
    ცენტრი, რომელიც განზრახულია საქართველოს, ნატოსა და მისი პარტნიორი ქვეყნების სამხედროების მოსამზადებლად, ჯერ სრულყოფილად არ ფუნქციონირებს.
    27 აგვ.'15 14:54
    სტოლტენბერგი: ნატო-საქართველოს არსებით პაკეტს ხელშესახები შედეგები აქვს
    „მეტი საქართველოა ნატოში და მეტი ნატოა საქართველოში“, - განაცხადა ალიანსის გენერალურმა მდივანმა თბილისში.
    27 აგვ.'15 12:39
    ქართული ოცნება საარჩევნო პროგრამის შესამუშავებლად ‘დამოუკიდებელი ექსპერტების’ ვაკანსიას აცხადებს
    პარტიამ 60 „ექსპერტის“ ასაყვანად განაცხადი ვაკანსიების ვებგვერდზე განათავსა.
    27 აგვ.'15 12:10
    ნატოს გენერალური მდივანი საქართველოს სტუმრობს
    იენს სტოლტენბერგი თბილისში ოფიციალურ შეხვედრებს მართავს.
    26 აგვ.'15 17:46
    ლარი მცირედით გამყარდა
    წინა დღეებში თავისი ღირებულების 3.5%-ის დაკარგვის შემდეგ, ეროვნული ვალუტა აშშ დოლართან მიმართებაში 1.6%-ით გამყარდა.
    26 აგვ.'15 13:47
    შშს-ს თქმით, 5 კილოგრამამდე კოკაინი იქნა ამოღებული თბილისის აეროპორტში
    გასულ კვირას შსს-მ „ნარკოტრანზიტის ახალი მარშრუტის“ გამოვლენის შესახებ განაცხადა.

    სივილ ჯორჯიას შესახებ
    Civil.Ge © 2001-2013, ახალი ამბები საქართველოდან
    რეგისტრაციის ადგილი: დოლიძის ქ. 2, IV სართული.
    51