Civil.ge-ს შესახებ
Eng | ქარ | Рус
ბოლო განახლება: 14:54 - 28 აგვ.'15
RSS
Mobile
Twitter
Facebook
სააკაშვილი: რუსეთის ახალი ფართომასშტაბიანი ავანტიურა ქართველი ხალხის გააფთრებულ წინააღმდეგობას წააწყდება
სივილ ჯორჯია, თბილისი / 26 დეკ.'09 / 16:49

პრეზიდენტმა სააკაშვილმა განაცხადა, რომ რუსეთის მხრიდან ახალი ფართომასშტაბიანი ავანტიურის შემთხვევაში მთელი ქართველი ხალხი უნდა დადგეს ”სამშობლოს და მისი თავისუფლების” დასაცავად.

”ჩვენ ილუზია არ გვაქვს - საქართველოს წინააღმდეგ წარმოებს ომი და საქართველოს მიმართ ყოველდღიურად ისმის მუქარა, მაგრამ მტერსაც ილუზია არ უნდა ჰქონდეს. ყოველგვარი ახალი ფართომასშტაბიანი ავანტიურა გადააწყდება თოთოეული ქართველი ჯარისკაცის, ოფიცრის და მთელი ქართველი ხალხის სამკვდრო-სასიცოცხლო, გააფთრებულ წინააღმდეგობას. ჩვენ ჩვენ სამშობლოს და მის თავისუფლებას, სანამ თითოეული ჩვენგანი ცოცხალია, არასდროს არ დათმობს და არასდროს არავის არ ჩააბარებს,”- განაცხადა სააკაშვილმა 26 დეკემბერს.

”ქართველი ხალხი საქართველოს დაიცავს და ვერანაირი ღალატი, ვერანაირი ყველაზე უფრო ზნედაცემული გამყიდველობა, ვერანაირი მუქარა და ვერანაირი ყველაზე უფრო დიდი მტრის მიერ განხორციელებული ყველაზე უფრო თავზეხელაღებული ქმედებაც, ჩვენ ვერ აგვაღებინებს ხელს ჩვენს თავისუფლებაზე,”- განაცხადა მან.

ეროვნული გვარდიის ახალი შენობის გახსნის ცერემონიაზე საუბრისას, რომელიც პირდაპირ სატელევიზიო ეთერში გადაიცემოდა, სააკაშვილმა განაცხადა, რომ საქართველოს სახელმწიფო და მისი შეიარაღებული ძალები შედგა, როგორც ”ბრძოლისუნარიანი შენაერთი”, საკმარისი გამოცდილება დააგროვა შარშანდელი ომის შედეგად და კვლავაც იწვრთნება ავღანურ ოპერაციაში. 

მან ასევე განაცხადა, რომ ქვეყნის დაცვა არ არის მხოლოდ თავდაცვის სამინისტროს პირადი შემადგენლობის საქმე.

”ცალკე აღებული 12 ათასი კაცი ვერ შეაჩერებს ვერაგ, მონღოლების მემკვიდრე ურდოს, რომელიც ემუქრება საქართველოს საზღვრებს და შემოსულია საქართველოს შიგნით, ოკუპირებული აქვს მისი ტერიტორია”.

მისი თქმით, თუ საჭირო გახდება ”ქუდზე კაცი და ქუდზე ქალი” უნდა გამოვიდეს.

”როდესაც ეს მომენტი დადგება და თუ დადგება - ყველაფერი უნდა გავაკეთოთ, რომ არ დადგეს, მაგრამ ნებისმიერი სახელმწიფო ყოველთვის ამისთვის უნდა ემზადებოდეს, მითუმეტეს ჩვენ მდგომარეობაში მყოფი, თითოეული ქართველი კაცი და ქალი იქნება საქართველოს მებრძოლი, უნდა იყოს მზად საქართველოსთვის საბრძოლველად - არა მხოლოდ ფსიქოლოგიურ მზადყოფნას ვგულისხმობ, ეს დღესაც ასეა, მაგრამ უნდა იყოს მომზადებული სათანადოდ საქართველოსთვის საბრძოლველად, უნდა იყოს აღჭურვილი”.

მისი თქმით, ”თითოეული ამ მებრძოლის აღჭურვა ჩვენ უკვე გაგვაჩნია”, ასევე შეიარაღებული ძალების ერთ-ერთი მთავარი კომპონენტია ”მასობრიობა”.

”უნდა იყოს მზად თითოეული ქართული ოჯახი, თითოეული ქუჩა, რაიონი, კვარტალი, სოფელი, ქალაქი, თითოეული დასახლებული პუნქტი და თითოეული სახლი და ოჯახი უნდა იქცეს წინააღმდეგობის და საქართველოს თავისუფლებისთვის აშენებულ სიხე-სიმაგრედ გარდაქმნილ ბასტიონად,”- განაცხადა სააკაშვილმა.   

”ჩვენ ერთი რამე ვისწავლეთ, რომ საბოლოო ჯამში ჩვენს გასაკეთებელს არავინ არ გააკეთებს,”- განაგრძო მან, ”როცა საქმე ეხება საქართველოს დაცვას, ყველანი უნდა ჩავერთოთ ამ საქმეში 100, 200, 300 ათასი კაცი და თუ საჭიროა ნახევარი მილიონი დადგეს იარაღით ხელში. ამდენ ავტომატსაც ვიშოვით და გვაქვს, და ტყვია-წამალიც საკმარისზე მეტი გვაქვს, ახლა სულ მცირე რამე რჩება - საკმარისი რაოდენობის მომზადებული ხალხი, თუმცა რა თქმა უნდა, ეს ხუმრობით... ეს არის ყველაზე დიდი ამოცანა. დრო მუშაობს თქვენს წინააღმდეგ და მე მინდა, რომ ეს თქვენ კარგად გააცნობიეროთ... ვერ ვიქნებით დამოკიდებული მტრის კეთილ ნებაზე”.

გვარდიის ახალი შენობის გახსნისას მან ასევე აღნიშნა, რომ ბოლო თვეებში ”უხმაუროდ”, მაგრამ ”მტკივნეული რეფორმები” გატარდა, მათ შორის პირად შემადგენლობასთან მიმართებაში.  მას მხედველობაში ჰქონდა თავდაცვის სამინისტროში განხორციელებული ოპტიმიზაციის პროცესი. გაზეთი ”რეზონანსი” წერდა, რომ თავდაცვის სამინისტროდან 150 პოლკოვნიკი და ვიცე-პოლკოვნიკი გაათავისუფლეს.

პრეზიდენტის თქმით, შეიარაღებულ ძალებში ”ახალი შევსება” მოდის.

მან ასევე განაცხადა, რომ ბოლო პერიოდში შეიარაღებული ძალების ”ძალიან სწორი გადაჯგუფება” განხორციელდა. გავრცელებული ინფორმაციით, ნოემბერში პირველი ბრიგადისა და საარტილერიო ბრიგადის თბილისსა და მის შემოგარენში გადმოყვანა მოხდა გორიდან.

პრეზიდენტის თქმით, საქართველო დგება ფეხზე და ”იგებს მშვიდობას” და სწორედ ეს აღიზიანებს ”მტერს”.

”მაგრამ იმისათვის, რომ მშვიდობა არ დაგვირღვიოს, მან უნდა იცოდეს, რომ  მიუხედავად იმისა, რომ მშვიდობას აგებს და ეს არ სიამოვნებს, ომსაც წააგებს და ამიტომ ომზე არ უნდა წამოვიდეს,”- განაცხადა სააკაშვილმა. 

25 დეკემბერს ”რუსთავი 2”-ის გადაცემაში ”პოზიცია” საუბრისას, პრეზიდენტმა განაცხადა, რომ მომავალი წელი არის ვეფხვის წელი და ”ჩვენი ვეფხვი არის გამზადებული ჩასაფრებული ნახტომისთვის... მომავალ წელს თუ იმის შემდეგ, ჩვენ ამას ვნახავთ”.

”ჩვენ ამ ნახტომს სწორი მიმართულებით აუცილებლად გავაკეთებთ,”- განაცხადა მან, ”როგორი ნადირობაც არ უნდა იყოს გამოცხადებული ამ ვეფხვზე, ვეფხვი აღმოჩნდება მონადირეზე ჭკვიანი. ჩვენ უკვე ვიცნობთ ამ მონადირეს”.

უახლესი ამბები
28 აგვ.'15 14:54
აზიის განვითარების ბანკმა ბათუმის ნაპირსამაგრი სამუშაოებისთვის 20 მლნ აშშ დოლარის სესხი გამოყო
სესხი სრულად მოხმარდება სანაპირო ზოლის 5-კილომეტრიანი მონაკვეთის ეროზიისგან დაცვის სამუშაოებს.
28 აგვ.'15 13:51
პარლამენტის თავმჯომარის განცხადებით, ნატომ MAP-ის საკითხში სიცხადე უნდა შეიტანოს
უსუფაშვილმა განაცხადა, რომ წევრობის სამოქმედო გეგმა (MAP) „დაბრკოლება“ და „პოლიტიკური სპეკულაციების“ საგანი არ უნდა იყოს. 
27 აგვ.'15 18:45
მოსკოვის უარყოფითი რეაქცია ნატო-საქართველოს ერთობლივი ცენტრის გახსნაზე
ალიანსის ეს „პროვოკაციული“ ნაბიჯი „სერიოზული დესტაბილიზაციის ფაქტორი გახდება რეგიონში უსაფრთხოებისთვის“, განაცხადა რუსეთის საგარეო უწყებამ.
27 აგვ.'15 16:59
ნატომ და საქართველომ ერთობლივი წვრთნისა და შეფასების ცენტრი გახსნეს
ცენტრი, რომელიც განზრახულია საქართველოს, ნატოსა და მისი პარტნიორი ქვეყნების სამხედროების მოსამზადებლად, ჯერ სრულყოფილად არ ფუნქციონირებს.
27 აგვ.'15 14:54
სტოლტენბერგი: ნატო-საქართველოს არსებით პაკეტს ხელშესახები შედეგები აქვს
„მეტი საქართველოა ნატოში და მეტი ნატოა საქართველოში“, - განაცხადა ალიანსის გენერალურმა მდივანმა თბილისში.
27 აგვ.'15 12:39
ქართული ოცნება საარჩევნო პროგრამის შესამუშავებლად ‘დამოუკიდებელი ექსპერტების’ ვაკანსიას აცხადებს
პარტიამ 60 „ექსპერტის“ ასაყვანად განაცხადი ვაკანსიების ვებგვერდზე განათავსა.
27 აგვ.'15 12:10
ნატოს გენერალური მდივანი საქართველოს სტუმრობს
იენს სტოლტენბერგი თბილისში ოფიციალურ შეხვედრებს მართავს.
26 აგვ.'15 17:46
ლარი მცირედით გამყარდა
წინა დღეებში თავისი ღირებულების 3.5%-ის დაკარგვის შემდეგ, ეროვნული ვალუტა აშშ დოლართან მიმართებაში 1.6%-ით გამყარდა.
26 აგვ.'15 13:47
შშს-ს თქმით, 5 კილოგრამამდე კოკაინი იქნა ამოღებული თბილისის აეროპორტში
გასულ კვირას შსს-მ „ნარკოტრანზიტის ახალი მარშრუტის“ გამოვლენის შესახებ განაცხადა.
25 აგვ.'15 17:41
ლარი დაცემას განაგრძობს
ეროვნული ვალუტა სამშაბათს ბოლო 16 წლისა და 5 თვის მანძილზე აშშ დოლართან მიმართებაში ყველაზე დაბალ ნიშნულზე დავიდა.

სივილ ჯორჯიას შესახებ
Civil.Ge © 2001-2013, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
54