Civil.ge-ს შესახებ
Eng | ქარ | Рус
ბოლო განახლება: 18:37 - 13 დეკ.'17
RSS
Mobile
Twitter
Facebook
ეკონომიკური თავისუფლების აქტის საკანონმდებლო პაკეტი
სივილ ჯორჯია, თბილისი / 20 ნოე.'09 / 16:31

საკონსტიტუციო ცვლილებები, რომელიც პრეზიდენტის მიერ ოქტომბერში წარმოდგენილ ეკონომიკური თავისუფლების აქტის ფარგლებში მომზადებული საკანონმდებლო პაკეტის ნაწილია, უკვე ინიცირებულია.

ცვლილებათა პროექტი ითვალისწინებს საერთო-სახელმწიფოებრივი გადასახადების შემოღებისა ან გაზრდის, ”ასევე მათი დაბეგვრის ობიექტის დამატების ან გაფართოვების” საკითხის რეფერენდუმის გზით გადაწყვეტას; რეფერენდუმის დანიშვნის უფლება აქვს საქართველოს პრეზიდენტს.

საკონსტიტუციო ცვლილებათა პროექტი, რომლის საკონსტიტუციო რეფორმაზე მომუშავე სახელმწიფო კომისიის გვერდის ავლით პარლამენტში წარდგენამ კომისიის ხელმძღვანელობის გულისწყრომა გამოიწვია, ასევე ითვალისწინებს ეკონომიკური პოლიტიკის ფუძემდებლური პრინციპების და მთავარი მაკროეკონომიკური მაჩვენებლების ზღვარის დადგენას ორგანული კანონის მეშვეობით, რომლის პროექტიც ასევე გამოქვეყნდა პრეზიდენტის ვებ-გვერდზე.  

”ეკონომიკური თავისუფლების, შესაძლებლობებისა და ღირსების შესახებ“ ორგანული კანონის პროექტით, აქციზის გარდა, ყველა დღეს მოქმედი გადასახადი (მოგების, საშემოსავლო, დღგ, ქონების, საბაჟო გადასახადები) მხოლოდ რეფერენდუმის გზით შეიძლება შეიცვალოს.  

ასევე კანონპროექტის მიხედვით, 2012 წლის 1 იანვრიდან ამოქმედდება ცვლილება, რომლის მიხედვითაც: ბიუჯეტის შეფარდება მთლიან შიდა პროდუქტთან უნდა იყოს არაუმეტეს 30%; ბიუჯეტის დეფიციტის შეფარდება მშპ-სთან არაუმეტეს 3%;  სახელმწიფო ვალის შეფარდება მშპ-სთან არაუმეტეს 60%.

თუ ეს მაჩვენებლები დაირღვევა, მთავრობა ვალდებულია პარლამენტს დასამტკიცებლად წარუდგინოს დადგენილ ზღვრებში დაბრუნების სამწლიანი გეგმა. გამონაკლისის სახით აღნიშნული ზღვრებიდან გადაცდენა, კანონპროექტის თანახმად, შესაძლებელია საომარი ან საგანგებო მდგომარეობის და ასევე ეკონომიკური რეცესიის დროს. 

ეროვნული ბანკის ცნობით, 2009 წელს ბიუჯეტის დეფიციტის შეფარდება მშპ-სთან დაახლოებით, 8%-ია, ხოლო მომავალი წლის პროგნოზით ეს მაჩვენებელი 6%-ზეა გათვლილი. 2010 წლისთვის სახელმწიფო ვალის მშპ-სთან 46%-იანი შეფარდებაა პროგნოზირებული.

ამასთან, საკანონმდებლო ინიციატივის თანახმად, დაუშვებელია ამ კანონის ძალაში შესვლისთვის არსებული ლიცენზიების და ნებართვების ოდენობის გაზრდა, თუმცა უკვე მოქმედის გაუქმების ხარჯზე ახალი სახეების შემოღება შესაძლებელია.

ასევე იკრძალება ამ კანონის ძალაში შესვლისთვის არსებული მარეგულირებელი ორგანოების გაზრდა; ასევე სახელმწიფო ორგანოებს არ შეეძლებათ რაიმე ფასების/ტარიფების დაწესება და კონტროლი; სახელმწიფოს აეკრძალება კომერციული ბანკის ან სხვა ფინანსური ინსტიტუტის წილის ფლობა.

კანონპროექტის თანახმად, სახელმწიფო ბიუჯეტის სოციალური, ჯანმრთელობისა და განათლების ხარჯების ბენეფიციარი იქნება მოქალაქე და არა ინსტიტუტები.

კანონპროექტი ასევე მოიცავს შრომის თავისუფლების, კაპიტალის თავისუფალი მოძრაობისა და სატარიფო და ტექნიკური ბარიერების გარეშე თავისუფალი ვაჭრობის უფლების ზოგად პრინციპებს.

უახლესი ამბები
13 დეკ.'17 18:37
რუსეთი სოხუმთან მოქალაქეობის შესახებ შეთანხმებებს მოაწერს ხელს
მოსკოვი ორ შეთანხმებას ამზადებს ორმაგი მოქალაქეობის და მოქალაქეობის მიღების გამარტივებული პროცედურის შესახებ.
13 დეკ.'17 16:06
ეროვნულმა ბანკმა მონეტარული პოლიტიკის განაკვეთი 7.25%-მდე გაზარდა
მონეტარული პოლიტიკის კომიტეტის მომდევნო სხდომა 2018 წლის 31 იანვარს გაიმართება.
13 დეკ.'17 12:18
საქართველოს საგარეო ვაჭრობა 2017 წლის იანვარ-ნოემბერში
უარყოფითმა სავაჭრო ბალანსმა 4.68 მილიარდი აშშ დოლარი შეადგინა.
12 დეკ.'17 18:51
დეპუტატები ქალთა სავალდებულო კვოტირების ინიციატივას მხარს უჭერენ
დეპუტატ ეკა ბესელიას თქმით, საკანონმდებლო ინიციატივის მიღება 2018 წლის ადრეულ გაზაფხულზე იგეგმება. 
12 დეკ.'17 16:29
ჟენევასა და ბერლინში საქართველოს დიპლომატიურ მისიებს ახალი ელჩები უხელმძღვანელებენ
ვიქტორ დოლიძე და ელგუჯა ხოკრიშვილი უფლებამოსილების განხორციელებას 2018 წლის იანვრიდან შეუდგებიან.
12 დეკ.'17 02:01
კიევის სასამართლომ სააკაშვილი გაათავისუფლა
სასამართლომ არ დააკმაყოფილა პროკურატურის შუამდგომლობა სააკაშვილისთვის ორთვიანი შინაპატიმრობის შეფარდების თაობაზე.
11 დეკ.'17 17:42
კობახიძე: პრეზიდენტის არჩევა 300-წევრიანი საარჩევნო კოლეგიის მიერ ‘ძალაში რჩება’
მისი თქმით, სისტემას ხარვეზები გააჩნია, თუმცა მმართველმა პარტიამ გადაწყვიტა, რომ „პოლიტიკური კომპრომისის“ სახით ის ძალაში დატოვოს. 
11 დეკ.'17 17:27
ნარკოპოლიტიკის ლიბერალიზაციის მოთხოვნით თბილისში აქცია გაიმართა
აქციის მონაწილეებმა ნარკოპოლიტიკის საკითხზე პარლამენტში ინიცირებული საკანონმდებლო ცვლილებათა პაკეტის მიღება მოითხოვეს.
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
84