Civil.ge-ს შესახებ
Eng | ქარ | Рус
ბოლო განახლება: 18:51 - 12 დეკ.'17
RSS
Mobile
Twitter
Facebook
პრეზიდენტმა სამი ახალი ეკონომიკური წინადადება წარმოადგინა
სივილ ჯორჯია, თბილისი / 11 ნოე.'09 / 15:27

  • დამატებით 35 მლნ ლარის დაბრუნება დღგ-ს სახით და შესაბამისი ცვლილებები 2009 წლის ბიუჯეტში;
  • საგადასახადო დავების საბჭოში ბიზნესმენთა შეყვანა;
  • 48 საათზე მეტ ხანს ბიზნესის დალუქვაზე გადაწყვეტილებას ფინანსთა მინისტრი იღებს.

პრეზიდენტმა სააკაშვილმა განაცხადა, რომ საქართველომ გადალახა ”ეკონომიკური კრიზისის ყველაზე მწვავე პერიოდი” და ახლა საჭიროა კერძო სექტორმა დაძლიოს ”შიში, რომელიც ჯერ კიდევ ინერციით ზოგიერთს მოყვება” და დაიწყოს ინვესტირება.

კახეთის კურორტ ლოპოტაში  მთავრობის გასვლით სხდომაზე საუბრისას, რომელიც პირდაპირ ეთერში გადაიცემოდა, სააკაშვილმა ”კერძო სექტორის სტიმულირების” მიზნით სამი ახალი ინიციატივა წარმოადგინა.

მისი თქმით, 2009 წლის ბიუჯეტში უნდა განხორციელდეს ცვლილება, რათა წელს კერძო სექტორს დამატებითი ღირებულების გადასახადის (დღგ) სახით დამატებით 35 მლნ ლარი დაუბრუნდეს ”დაუყოვნებლივ”, ნაცვლად შესაძლო 6-7 თვიანი ჩვეული პროცედურისა. 

სააკაშვილის ინფორმაციით, 120 მლნ ლარზე მეტი დღგ-ს სახით მიმდინარე წლის ათი თვის განმავლობაში უკვე დაუბრუნდა კომპანიებს და ”ეს უფრო მეტია, ვიდრე ჯამში წინა 3 წლის განმავლობაში დაბრუნებული დღგ”. 

”ესაა სახსრები, რომელსაც სახელმწიფო უბრუნებს  უკან გადამხდელებს, ბიზნეს-სუბიექტებს იმისათვის, რომ მათ განავითარონ თავიანთი ბიზნესი,”- განაცხადა სააკაშვილმა, ”ეს პასუხი იმათ, ვინც ჩივის იმაზე, რომ ზედმეტად აქტიურობს ჩვენი საგადასახადო ორგანოები და არ რჩებათ საბრუნავი საშუალება”.

მეორე ინიციატივა ითვალისწინებს ფინანსთა სამინისტროს დავების განხილვის საბჭოში სახელმწიფო მოხელეებთან ერთად ბიზნესმენთა ფედერაციისა და სამრეწველო-სავაჭრო პალატის წარმომადგენელთა ჩართვას, რათა ”ბიზნესის წარმომადგენლების თანდასწრებით მიმდინარეობდეს ამა თუ იმ საგადასახადო დავის გადაწყვეტა”.

მესამე ინიციატივის თანახმად, 48-საათზე მეტი ხნით საწარმოს დალუქვის შესახებ გადაწყვეტილება, არა საგადასახადო სამსახურის ქვედა რგოლებმა, არამედ ფინანსთა მინისტრმა უნდა მიიღოს.

ამ წინადადებებს წინ უსწრებდა პრეზიდენტის ინიციატივა თავისუფლების აქტის შესახებ, რომელიც ასევე ისახავს მიზნად ”კერძო სექტორის ხელშეწყობას”.

”ეკონომიკა დასტაბილურდა და მთელ რიგ სექტორებში იგრძნობა ბევრად უფრო მეტი აქტიურობა და გამოცოცხლება. ამის შედეგად პირველ რიგში იგრძნობა ინვესტორების ნდობის დაბრუნება,”- განაცხადა სააკაშვილმა მთავრობის სხდომაზე საუბრისას, ”ახლა მთავარია კერძო სექტორი გამოვიდეს საღათას ძილიდან და დაიწყოს ინტენსიური ინვესტირება”.

უახლესი ამბები
12 დეკ.'17 18:51
დეპუტატები ქალთა სავალდებულო კვოტირების ინიციატივას მხარს უჭერენ
დეპუტატ ეკა ბესელიას თქმით, საკანონმდებლო ინიციატივის მიღება 2018 წლის ადრეულ გაზაფხულზე იგეგმება. 
12 დეკ.'17 16:29
ჟენევასა და ბერლინში საქართველოს დიპლომატიურ მისიებს ახალი ელჩები უხელმძღვანელებენ
ვიქტორ დოლიძე და ელგუჯა ხოკრიშვილი უფლებამოსილების განხორციელებას 2018 წლის იანვრიდან შეუდგებიან.
12 დეკ.'17 02:01
კიევის სასამართლომ სააკაშვილი გაათავისუფლა
სასამართლომ არ დააკმაყოფილა პროკურატურის შუამდგომლობა სააკაშვილისთვის ორთვიანი შინაპატიმრობის შეფარდების თაობაზე.
11 დეკ.'17 17:42
კობახიძე: პრეზიდენტის არჩევა 300-წევრიანი საარჩევნო კოლეგიის მიერ ‘ძალაში რჩება’
მისი თქმით, სისტემას ხარვეზები გააჩნია, თუმცა მმართველმა პარტიამ გადაწყვიტა, რომ „პოლიტიკური კომპრომისის“ სახით ის ძალაში დატოვოს. 
11 დეკ.'17 17:27
ნარკოპოლიტიკის ლიბერალიზაციის მოთხოვნით თბილისში აქცია გაიმართა
აქციის მონაწილეებმა ნარკოპოლიტიკის საკითხზე პარლამენტში ინიცირებული საკანონმდებლო ცვლილებათა პაკეტის მიღება მოითხოვეს.
11 დეკ.'17 13:12
საქსტატი: 2017 წლის მესამე კვარტალში პირდაპირმა უცხოურმა ინვესტიციებმა 594 მლნ აშშ დოლარი შეადგინა
პირდაპირი უცხოური ინვესტიციების ყველაზე დიდი ოდენობა საქართველომ 2017 წლის მესამე კვარტალში აზერბაიჯანიდან მოიზიდა.
09 დეკ.'17 18:26
ეუთოში საქართველოს მეგობარი ქვეყნების ჯგუფი რუსული ოკუპაციის ფონზე მხარდაჭერას უსვამს ხაზს
სხვა საკითხებთან ერთად ჯგუფი ეთნიკური დისკრიმინაციის, რუსეთის სამხედრო ძალების გაძლიერების საკითხებზე საუბრობს.
09 დეკ.'17 14:34
უკრაინის ეროვნულმა პოლიციამ სააკაშვილი დააკავა
ექს-პრეზიდენტმა შიმშილობა დაიწყო და შესაძლოა შინაპატიმრობა შეეფარდოს.
08 დეკ.'17 17:21
ჯანელიძე ეუთოს საგარეო საქმეთა მინისტრთა საბჭოს სხდომაში მონაწილეობს
საგარეო საქმეთა მინისტრმა ოკუპირებულ ტერიტორიებზე არსებულ დარღვევებზე ისაუბრა და მოუწოდა, რომ შეიქმნას ევროპა გავლენის სფეროების გარეშე.
08 დეკ.'17 11:45
საგარეო საქმეთა სამინისტრო იერუსალიმთან დაკავშირებულ მოვლენებს ეხმაურება
სამინისტროს განცხადება მოჰყვა მმართველი პარტიის დეპუტატის ინიციატივას იერუსალიმის ისრაელის დედაქალაქად აღიარების თაობაზე.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
77