Civil.ge-ს შესახებ
Eng | ქარ | Рус
ბოლო განახლება: 18:31 - 2 დეკ.'16
RSS
Mobile
Twitter
Facebook
ოპოზიცია სააკაშვილს ადმინისტრაციული რესურსების გამოყენებაში ადანაშაულებს
სივილ ჯორჯია, თბილისი / 29 ნოე.'07 / 19:02

ოპოზიცია პრეტენზიას გამოთქვამს იმის გამო, რომ ყოფილი პრეზიდენტი მიხეილ სააკაშვილი განსაკუთრებული პრივილეგიებით სარგებლობს იყენებს რა სახელმწიფო რესურსებს თავის წინასაარჩევნო კამპანიის პერიოდში.

ოპოზიცია ასევე აპროტესტებს პრეზიდენტობის კანდიდატებისათვის ტელეეთერის არათანაბრად დათმობას და ამის მაგალითად ყოფილი პრეზიდენტის წინასაარჩევნო შეხვედრების პირდაპირ ეთერში გაშუქება მოჰყავს. 

ეს განცხადებები დღეს ორ დამოუკიდებელ პრესკონფერენციაზე ცხრა ოპოზიციური პარტიის კოალიციის ლიდერებმა და ახალმა მემარჯვენეებმა გააკეთეს. 

ოპოზიციის წარმომადგენლებმა გააპროტესტეს 28 ნოემბერს მერიის შენობაში პრეზიდენტობის კანდიდატის სააკაშვილის შეხვედრა დევნილებთან, სადაც მან ლტოლვილთა და განსახლების მინისტრს კობა სუბელიანს და დედაქალაქის მერს გიგი უგულავას კონკრეტული დავალებები მისცა, მათ შორის დევნილთა საცხოვრებელი სახლების დაკანონების თაობაზე.  შეხვედრა რამდენიმე ტელევიზიის პირდაპირი ეთერით გაშუქდა. 

”არავითარი უფლება არ აქვს მოქალაქე სააკაშვილს, რომ ბრძანებები და დავალებები გასცეს... არავითარი უფლება არ აქვს მას, რომ იმყოფებოდეს ქალაქ თბილისის მერიის, საკრებულოს შენობაში და იქ ატარებდეს შეხვედრას... ამასთანავე, იძლეოდეს დაპირებებს საახალწლო ნობათების დარიგების შესახებ. კანონის ენაზე ამას ჰქვია ამომრჩევლის მოსყიდვა,” - განაცხადა რესპუბლიკური პარტიის ერთ-ერთმა ლიდერმა თინა ხიდაშელმა.

”როცა მოქმედ ხელისუფალთ ყოფილი პრეზიდენტი და პრეზიდენტობის ერთ-ერთი კანდიდატი აძლევს დავალებებს, სხვა არაფერია თუ არა დემონსტრირება ადმინისტრაციული რესურსის უხეშად გამოყენებისა,”- განაცხადა ახალი მემარჯვენეების ლიდერმა მამუკა კაციტაძემ.

ოპოზიციის წარმომადგენლებმა მოუწოდეს ცენტრალურ საარჩევნო კომისიას და არჩევნებზე დამკვირვებელ ორგანიზაციებს მონიტორინგი გაუწიონ კანდიდატებს შორის საეთერო დროის თანაბრად განაწილებას და შეფასება მისცენ წინასაარჩევნო კამპანიის მიმდინარეობას.  

უახლესი ამბები
02 დეკ.'16 18:31
ევროკავშირმა და საქართველომ ასოცირების საბჭოს მესამე შეხვედრა გამართეს
ფედერიკა მოგერინიმ განაცხადა, რომ შეხვედრაზე „უზარმაზარ პროგრესზე“ იმსჯელეს.
02 დეკ.'16 15:02
დონალდ ტუსკი: საქართველო იმსახურებს ვიზალიბერალიზაციის პროცესის დროულად და დადებითად დასრულებას
საქართველოს პრემიერ-მინისტრი ევროპული საბჭოს პრეზიდენტს ბრიუსელში ვიზიტის ფარგლებში შეხვდა.
02 დეკ.'16 13:34
პუტინი სეპარატისტული აფხაზეთის ლიდერს შეხვდა მოსკოვში
რუსეთის პრეზიდენტმა ხაჯიმბა აფხაზეთში შიდა პოლიტიკური სტაბილურობის საჭიროებაზე გააფრთხილა.
02 დეკ.'16 12:21
ნოემბერში წლიური ინფლაციის დონემ 0.2% შეადგინა
ოქტომბერთან შედარებით ფასები 0.6%–ით გაიზარდა, იტყობინება "საქსტატი".
01 დეკ.'16 19:19
საგადასახადო კოდექსში დაგეგმილი ცვლილებები
თამბაქოზე, მსუბუქ ავტომობილებზე, ნავთობპროდუქტებზე აქციზი, სათამაშო ბიზნესის მოსაკრებელი გაიზრდება, ავტომობილებზე ქონების გადასახადი დაწესდება.
01 დეკ.'16 18:05
პარლამენტმა ეროვნული ბანკის საბჭოს სამი წევრი დაამტკიცა
კანდიდატები პარლამენტს პრეზიდენტმა მარგველაშვილმა წარუდგინა.
01 დეკ.'16 16:34
ლარის მკვეთრი დაცემის ფონზე ეროვნული ბანკი ‘გაუფასურების შეჩერებას და კურსის უმოკლეს დროში უკუქცევას’ ელის
1 დეკემბერს ვალუტის გადამცვლელ ჯიხურებში აშშ დოლარის ყიდვის ფასმა 2.70 ლარამდე აიწია, რაც ოფიციალურ კურსზე, დაახლოებით, 17 პუნქტით მეტი იყო.
01 დეკ.'16 14:52
ნაციონალური მოძრაობა ახალი თავმჯდომარის არჩევაზე შეუთანხმებლობის ფონზე ფართომასშტაბიან ყრილობას იანვარში გეგმავს
ყრილობა, სავარაუდოდ, 20 იანვარს გაიმართება 7 ათასი დელეგატის მონაწილეობით, როგორც ეს ექსპრეზიდენტ სააკაშვილს სურდა.
01 დეკ.'16 12:48
იუნესკომ ქართული ანბანის სამი სახეობა არამატერიალური კულტურული მემკვიდრეობის ნუსხაში შეიტანა
ეს საქართველოს მესამე ნომინაციაა, რომელიც ამ სიაში მოხვდა იუნესკოს მიერ 30 ნოემბერს მიღებული გადაწყვეტილების შედეგად.
30 ნოე.'16 18:03
კვირიკაშვილი ევროპარლამენტის პრეზიდენტს შეხვდა
მარტინ შულცმა განაცხადა, რომ შეხვედრაზე „ძალიან აქტიურად“ განიხილეს ვიზალიბერალიზაციის პროცესი.

სივილ ჯორჯიას შესახებ
Civil.Ge © 2001-2016, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
52