Civil.ge-ს შესახებ
Eng | ქარ | Рус
ბოლო განახლება: 18:09 - 27 სექ.'16
RSS
Mobile
Twitter
Facebook
ოპოზიცია ”ზომიერ” კამპანიას ახორციელებს
/ 26 ოქტ.'07 / 15:02
სივილ ჯორჯია

ოპოზიციურმა პარტიებმა, რომლებიც 2008 წლის აპრილში არჩევნების ჩატარების მოთხოვნით კამპანიას აწარმოებენ, გააძლიერეს საერთაშორისო მცდელობები, რათა საკუთარი თავი წარმოაჩინონ ზომიერ და არარადიკალურ ძალად.

ათი ოპოზიციური პარტიის მხრიდან სამ ლიდერს - საქართველოს გზის, რესპუბლიკელების და პარტია თავისუფლების ლიდერებს სალომე ზურაბიშვილს, დავით უსუფაშვილს და კონსტანტინე გამსახურდიას -  საქართველოს დასავლელ პარტნიორებთან ურთიერთობის მანდატი მიეცათ, რათა ინფორმაცია მიაწოდონ მათ ქვეყანაში ბოლო დროს განვითარებული მოვლენების და ოპოზიციის გეგმების შესახებ.

სამივე ლიდერი 25 ოქტომბერს ევროკავშირის ერთიანი საგარეო და უსაფრთხოების პოლიტიკის უმაღლეს წარმომადგენელს ხავიერ სოლანას შეხვდა.

ბრიუსელიდან ტელეკომპანია ”იმედთან” პირდაპირ ეთერში საუბრისას სალომე ზურაბიშვილმა განაცხადა, რომ მან და მისმა კოლეგებმა აუხსნეს ”ევროპელ მეგობრებს”, თუ რა მიზნები აქვს ოპოზიციას.

”ისინი ხშირად დამახინჯებულ ინფორმაციას იღებენ ჩვენს შესახებ,” - განაცხადა ზურაბიშვილმა, ”ზოგჯერ ესმით, რომ ჩვენ პრო-მოსკოვური ძალა ვართ ან რომ ჩვენ სერიოზული ძალა არ ვართ... შეხვედრის დროს ჩვენ განვაცხადეთ, რომ ჩვენ ძალიან ზომიერი მოთხოვნები გვაქვს. ჩვენ არ ვართ რადიკალები. მათ ხშირად ესმით, რომ ჩვენ ახალი რევოლუცია გვინდა”.

ოპოზიციურმა პარტიებმა ყურადღების გამახვილება ”ზომიერი მოთხოვნებზე” ცოტა ხნის წინ დაიწყეს მმართველი პარტიის განცხადებების საპასუხოდ, რომ ოპოზიციას ქვეყანაში დესტაბილიზაცია სურს და ეს მოსკოვის მიზნებში ჯდება.

”ხალხის პარტიის” ლიდერმა კობა დავითაშვილმა განაცხადა, რომ ოპოზიციის მიზანია ”მოთოკოს ძალიან რადიკალური მოთხოვნები”, რაც ახლა პოპულარულია საზოგადოებაში.

გაზეთ ”24 საათთან” ინტერვიუში, რომელიც 26 ოქტომბერს გამოქვეყნდა, თბილისის მერმა გიგი უგულავამ განაცხადა, რომ ოპოზიციის ერთადერთი მიზანი რევოლუციის მოწყობაა.

”სიმართლე გითხრათ, მთელი ამდენი ხნის განმავლობაში ვერ გავიგე მათი მოთხოვნების შინაარსი,” - განაცხადა მან, ”გულწრფელად გჯერათ, რომ ჩვენი პოლიტიკური ოპონენტების მიზანი ეგ არის [აპრილში არჩევნების გამართვა]? მე არ მჯერა. ეს ხალხი მოუთმენელია. მათ არჩევნები არ უნდათ იმიტომ, რომ არჩევნებს წააგებენ ისე, როგორც ეს წინა ოქტომბერში [ადგილობრივი არჩევნების დროს] მოხდა,” - განაცხადა უგულავამ.

მისი თქმით, ოპოზიციის კამპანიის უკან ბიზნესმენი ბადრი პატარკაციშვილი დგას.  

”ამას კარგ ორგანიზებას უკეთებს პატარკაციშვილი, რომელიც თავისი მედია საშუალებებით და ფულით ქვეყანაში ვირტუალურ რეალობას ქმნის. ეს არის გეგმა, რომელიც კარგად მუშაობს რუსეთში, დიდ ქვეყანაში, სადაც ვირტუალური რეალობა შეგიძლია გაასაღო, როგორც არსებული რეალობა. საქართველო კი პატარა ქვეყანაა ამისათვის ,” - დასძინა მან.

მან ასევე აღნიშნა, რომ ხელისუფლება მზად არის დიალოგისთვის, ”მაგრამ შენთან მოდის ადამიანი, რომელსაც დიალოგი არ აინტერესებს და აინტერესებს ის, რომ შარვალზე მოგაშარდოს”.

ათმა ოპოზიციურმა პარტიამ თავისი პოზიცია 17 ოქტომბერს ე.წ საგურამოს მანიფესტში ჩამოაყალიბა და შემდეგ საქართველოს პრეზიდენტს მიხეილ სააკაშვილსა და პარლამენტის თავმჯდომარეს ნინო ბურჯანაძეს საქართველოში შექმნილი პოლიტიკური კრიზისის დაძლევის მიზნით ოთხი მოთხოვნით მიმართა. ეს მოთხოვნებია: პარლამენტის მორიგი არჩევნები ჩატარდეს კონსტიტუციურ ვადაში - 2008 წლის გაზაფხულზე; არჩევნები ჩაატაროს პოლიტიკური პარიტეტის საფუძველზე შექმნილმა საარჩევნო ადმინისტრაციამ; მრავალმანდატიან მაჟორიტარულ საარჩევნო ოლქებში მანდატები განაწილდეს თითოეული კანდიდატისთვის მიცემული ხმების საფუძველზე; გათავისუფლდნენ სინდისისა და პოლიტიკური პატიმრები.

ოპოზიციონერი ლიდერები, რომლებიც საზღვარგარეთ მართავენ შეხვედრებს, ასევე აცხადებენ, რომ მათი კიდევ ერთი მნიშვნელოვანი გზავნილია საქართველოს ევროატლანტიკური კურსისადმი მხარდაჭერის წინ წამოწევა. სალომე ზურაბიშვილის განცხადებით, დავით უსუფაშვილი და და კონსტანტინე გამსახურდია 26 ოქტომბერს ბრიუსელში ნატოს ოფიციალურ პირებთან გამართავენ შეხვედრას, თავად ზურაბიშვილი კი პარიზში განაგრძობს ვიზიტს. მისი თქმით, მიუხედავად საქართველოს ხელმძღვანელობის განცხადებებისა, საფრანგეთი ჯერ საბოლოოდ ვერ ჩამოყალიბდა საქართველოს ნატოში გაწევრიანების საკითხთან დაკავშირებით.   

”მე ვეუბნები საფრანგეთის ოფიციალურ პირებს, რომ ძალიან მნიშვნელოვანია საქართველოსთვის MAP-ზე [წევრობის სამოქმედო გეგმაზე] გადასვლა 2008 წლის აპრილისთვის [ნატოს ბუქარესტის სამიტის დროს]; MAP არის შანსი, რომელიც უნდა მიეცეს საქართველოს, რაც გაზრდის სტაბილურობას ჩვენს ქვეყანაში,” - განაცხადა ზურაბიშვილმა, ”არა მგონია, რომ საპროტესტო აქციებმა ეს პროცესი შეაფერხონ. პირიქით, ჩვენ ვეუბნებით [ევროპელ პარტნიორებს], რომ ეს საპროტესტო აქციები იმის მაჩვენებელია, რომ ჩვენ დემოკრატიული სახელმწიფო ვართ და ის, რის გაკეთებასაც ვცდილობთ, არის, რომ კიდევ უფრო გავაძლიეროთ დემოკრატია საქართველოში”.  

ამავე თემაზე
უახლესი ამბები
27 სექ.'16 18:09
„ეს შენ გეხება“: ფარული ჩანაწერების გავრცელებაზე არანაკლებ ‘აღმაშფოთებელია’ მისი შინაარსი
კამპანიის მონაწილე ორგანიზაციები ხელისუფლებას მოუწოდებენ „ეფექტურად გამოიძიოს უკანონო მოსმენებთან დაკავშირებული ყოველი დანაშაული“.
27 სექ.'16 15:48
აუდიო ჩანაწერის გავრცელების შემდეგ უსაფრთხოების სამსახურმა შეთქმულების დაგეგმვის მუხლით გამოძიება დაიწყო
ნაციონალური მოძრაობა უარყოფს „რევოლუციის“ დაგეგმვას და აუდიო ჩანაწერს დამონტაჟებულს უწოდებს.
27 სექ.'16 12:22
კვირიკაშვილი ‘სოხუმის დაცემის ტრაგიკულ დღეს’ შერიგების შესახებ საუბრობს
„ყველა ჩვენგანი ვაცნობიერებთ, რომ ეს იყო ომი ქართველების და აფხაზების წინააღმდეგ“, - განაცხადა პრემიერ–მინისტრმა.
26 სექ.'16 19:29
ეუთოს საარჩევნო დამკვირვებლების შუალედური ანგარიში
„კამპანიის ტონი კონფრონტაციულია“, განაცხადა ეუთოს გრძელვადიანმა სადამკვირვებლო მისიამ.
26 სექ.'16 18:40
სააკაშვილი ზუგდიდში მხარდამჭერებს უკრაინიდან ჩაერთო და უთხრა: ‘არჩევნებში გამარჯვება გარდაუვალია’
ნაციონალურმა მოძრაობამ ზუგდიდში 26 სექტემბერს საარჩევნო კამპანიის ფარგლებში აქცია გამართა.
24 სექ.'16 15:38
ივანიშვილი ბიზნესმენებს შეხვდა
მან საყვედურით ჰკითხა ბიზნესმენებს, თუ აკეთებენ საკმარისს, რათა ამომრჩევლებს ქვეყანაში მიმდინარე პოზიტიური ტენდენციები აუხსნან.
23 სექ.'16 15:18
ავიაკომპანია Wizz Air-ი ქუთაისში ბაზას ხსნის და შვიდ ახალ მარშრუტს იწყებს
დაბალბიუჯეტიანმა ავიაკომპანიამ უკვე განათავსა ერთი A320 მოდელის თვითმფრინავი ქუთაისის აეროპორტში გახსნილ ბაზაზე.
22 სექ.'16 14:39
კვირიკაშვილის გამოსვლა გაეროს გენერალურ ასამბლეაზე
პრემიერმა მთავრობის ოთხპუნქტიანი გეგმა წარადგინა, სამართლიანი არჩევნების ჩატარების პირობა დადო და „ანექსიისკენ გამიზნული მოსკოვის პოლიტიკა“ დაგმო.
22 სექ.'16 13:40
პროკურატურამ შსს-ის ყოფილ მაღალჩინოსანს და ამჟამად ოდესის პოლიციის უფროსს ბრალი დაუსწრებლად წაუყენა
26 მაისის აქციის დარბევის საქმეზე გიორგი ლორთქიფანიძის მსგავსად, ბრალი ასევე წარედგინა დათა ახალაიას და კუდის სამ ყოფილ მაღალჩინოსანს.
22 სექ.'16 12:43
აფხაზეთის ლიდერის ადმინისტრაცია ჩირიკბას გადადგომაზე კომენტარს აკეთებს
ხაჯიმბას ადმინისტრაციამ განაცხადა, რომ ჩირიკბა საგარეო საქმეთა მინისტრად ხელახლა დნესტრისპირეთში ვიზიტზე უარის გამო არ დაინიშნა.

სივილ ჯორჯიას შესახებ
Civil.Ge © 2001-2016, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
38