Civil.ge-ს შესახებ
Eng | ქარ | Рус
ბოლო განახლება: 18:50 - 15 დეკ.'17
RSS
Mobile
Twitter
Facebook
თვითმფრინავი რუსეთიდან შემოფრინდა - აცხადებს საერთაშორისო ექსპერტთა ჯგუფი
/ 16 აგვ.'07 / 11:09
სივილ ჯორჯია

რუსები თავიანთ ექსპერტებს აგზავნიან

ამოუცნობი თვითმფრინავი 6 აგვისტოს საქართველოში რუსეთის მხრიდან შეფრინდა და იგივე მიმართულებით უკან გაფრინდა, ნათქვამია საერთაშორისო ექსპერტთა ჯგუფის მიერ 15 აგვისტოს გამოქვეყნებულ დასკვნაში.

რვაკაციანი საერთაშორისო ჯგუფი, რომელიც ლიტველი, ლატვიელი, შვედი და ამერიკელი ექსპერტებისგან შედგებოდა, 6 აგვისტოც საქართველოს საჰაერო სივრცის დარღვევისა და საქართველოს ტერიტორიაზე ბომბის ჩამოგდების ინციდენტს 12-დან 14 აგვისტოს ჩათვლით იძიებდა.

დასკვნაში ნათქვამია, რომ თვითმფრინავმა საქართველოს საჰაერო სივრცე 6 აგვისტოს სამჯელ დაარღვია, სტეფანწმინდის (ყოფილი ყაზბეგი) მახლობლად. დოკუმენტის თანახმად მოქმედებდა მხოლოდ ერთი თვითმფრინავი. ჯგუფმა ვერ შეძლო დაედგინა თუ რა ტიპის თვითმფრინავი იყო,

”პირველი შემოსვლა საქართველოს საჰაერო სივრცეში წუთზე უფრო ცოტა ხანი გაგრძელდა. ორი მომდევნო შემოფრენა გაცილებით უფრო დიდ ხანს გაგრძელდა, რომლის დროსაც ამოუცნობი თვითმფრინავი საქართველოს საჰაერო სივრცეში ღრმად შემოფრინდა,” ვკითხულობთ მოხსენებაში.

თვითმფრინავის მიერ ჩამოგდებული რაკეტა, მოხსენების თანახმად, არის რუსული წარმების Kh-58 (AS-11 KILTER) ტიპის ანტი-სარადარო რაკეტა.

”საქართველოს საჰაერო ძალებს არ გააჩნია თვითმფრინავები, რომლებიც აღჭურვილია ხსენებული ტიპის მართვადი რაკეტით ან რომლებსაც შეუძლიათ მსგავსი რაკეტის ჩამოგდება. საქართველოს საჰაერო ძალებს ასევე არ გააჩნიათ ისეთი თვითმფრინავები, რომლებსაც შეუძლიათ ამოუცნობი თვითმფრინავის მიერ განხორციელებული მანევრის შესრულება,” ნათქვამია მოხსენებაში.

ესქპერტთა საერთაშორისო ჯგუფმა ვერ შეძლო დაედასტურებინა მეორე რაკეტის ჩამოგდების ფაქტი. ცხინვალის ხელისუფლების განცხადებით, 6 აგვისტოს  მოქმედებდა ქართული თვითმფრინავი, რომელმაც ორი რაკეტა გაისროლა, რომელთაგან ერთ-ერთი მათ მიერ კონტროლირებად ტერიტორიაზე დაეცა.

ესქპერტთა ჯგუფმა ასევე ვერ შეძლო დაედასტურებინა ცნობები იმის თაობაზე რომ ამოუცნობ თვითმფრინავს გადასატანი საზენიტო კომპლექსიდან ესროლეს. ზოგიერთი წყაროს ცნობით, თვითმფრინავს ”სტრელას” ტიპის რაკეტა ესროლეს ხმელეთიდან. იმის გამო რომ პილოტს რაკეტის აცილებისთვის საჭირო მანევრი ჩაეტარებინა იგი იძულებული გახდა საკუთარი რაკეტა მოეცილებინა და ის უბრალოდ ჩამოაგდა. ამიტომაც, ამ წყაროების ცნობით, რაკეტა არ აფეთქებულა.

”ანგარიში ადასტურებს ქართულ მხარის მიერ მოპოვებული მტკიცებულებების უტყუარობას,” განაცხადა საქართველოს საგარეო საქმეთა სამინისტროს ოფიციალურმა წარმომადგენელმა, ელჩმა დავით დონდუამ 15 აგვისტოს.

მისივე თქმჳთ ქართული მხარე ასევე მიესალმება ეუთოს მოქმედი თავმჯდომარის, ესპანეთის საგარეო საქმეთა მინისტრის მიგელ ანხელ მორატინოსის მიერ სპეციალური წარმომადგენლის დანიშვნას, რომელიც უნდა ჩამოვიდეს საქართველოში და ადგილზე შეისწავლოს აღნიშნულ ინციდენტთან დაკავშირებული მდგომარეობა.

ამასობაში, 16 აგვისტოს თბილისში რუსეთიდან ჩამოდის 25-კაციანი დელეგაცია, რომელიც ქართულ მხარესთან ერთად შეისწავლის 6 აგვისტოს ინციდენტის გარემოებებს.

დელეგაცია, რომელსაც რუსეთის საჰაერო ძალების შტაბის უფროსი, გენერალ-ლეიტენანტი იგორ ხვაროვი ხელმძღვანელობს, თბილისში სპეცრეისით ჩამოფრინდება.

დელეგაციაში ასევე შედის, რუსეთის საგარეო საქმეთა სამინისტროს საგანგებო დავალებათა ელჩი ვალერი კენიაკინი და სპეციალისტები თავდაცვის სამინისტროდან.

”რუსეთის საგარეო საქმეთა სამინისტრო იმიდს გამოთქვამს, რომ მოსალოდნელი რუსულ-ქართული ურთიერთქმედება ხელს შეუწყობს ობიექტურად მოფინოს ნათელი მომხდარის ყველა გარემოებას,” ნათქვამია რუსეთის საგარეო საქმეთა სამინისტროს 15 აგვისტოს განცხადებაში.

ამავე თემაზე
უახლესი ამბები
15 დეკ.'17 18:50
ახალ კონსტიტუციაში საჯარო ინფორმაციის ხელმისაწვდომობის პირობები დაზუსტდება
შესაბამისი შესწორება პარლამენტმა საკონსტიტუციო ცვლილებების მეორე მოსმენით განხილვისას დაამტკიცა.
15 დეკ.'17 18:06
ლარი აშშ დოლართან და ევროსთან მიმართებაში გამყარდა
ლარის გაცვლითი კურსი აშშ დოლართან მიმართებაში 2.5597, ხოლო ევროსთან მიმართებაში 3.0256-ია.    
15 დეკ.'17 12:34
ამერიკელი სენატორი საქართველოსთვის ჯაველინის სისტემის მიყიდვას ეწინააღმდეგება
სენატორმა რენდ პოლმა რეზოლუცია წარადგინა, სადაც შემოთავაზებული მიყიდვის აკრძალვას ითხოვს.
14 დეკ.'17 19:26
ჟენევის საერთაშორისო დისკუსიების 42-ე რაუნდი
მხარეთა შორის უთანხმოებები 12-13 დეკემბრის რაუნდის დროსაც გაგრძელდა.
14 დეკ.'17 15:16
სამხედრო ძალების რაოდენობა მომავალი წლისთვის კვლავ 37 ათასით განისაზღვრა
საქართველოს შეიარაღებული ძალების ზღვრული მაქსიმუმი 37 ათასს 2008 წლის ივლისის შემდეგ შეადგენს.
14 დეკ.'17 13:41
პარლამენტმა ახალ კონსტიტუციაში ინიცირებული ცვლილებები პირველი მოსმენით მიიღო
კანონპროექტის საბოლოო მოსმენით მიღება საგაზაფხულო სესიაზე იგეგმება.
14 დეკ.'17 10:45
2018 წლის ბიუჯეტი დამტკიცებულია
ოპოზიციამ მხარი არ დაუჭირა მომავალი წლის ბიუჯეტს, რომელიც 4.5%-იან ეკონომიკურ ზრდაზეა გათვლილი.
13 დეკ.'17 18:37
რუსეთი სოხუმთან მოქალაქეობის შესახებ შეთანხმებებს მოაწერს ხელს
მოსკოვი ორ შეთანხმებას ამზადებს ორმაგი მოქალაქეობის და მოქალაქეობის მიღების გამარტივებული პროცედურის შესახებ.
13 დეკ.'17 16:06
ეროვნულმა ბანკმა მონეტარული პოლიტიკის განაკვეთი 7.25%-მდე გაზარდა
მონეტარული პოლიტიკის კომიტეტის მომდევნო სხდომა 2018 წლის 31 იანვარს გაიმართება.
13 დეკ.'17 12:18
საქართველოს საგარეო ვაჭრობა 2017 წლის იანვარ-ნოემბერში
უარყოფითმა სავაჭრო ბალანსმა 4.68 მილიარდი აშშ დოლარი შეადგინა.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
62