Civil.ge-ს შესახებ
Eng | ქარ | Рус
ბოლო განახლება: 16:13 - 18 დეკ.'17
RSS
Mobile
Twitter
Facebook
უმრავლესობამ საგამოძიებო კომისიის შექმნას მხარი არ დაუჭირა
სივილ ჯორჯია, თბილისი / 16 თებ.'07 / 20:15

საპარლამენტო უმრავლესობამ არ დააკმაყოფილა ოპოზიციონერი კანონმდებლების წინადადება სპეციალური საგამოძიებო კომისიის შექმნის თაობაზე, რომელიც სანდრო გირგვლიანის და ამირან რობაქიძის მკვლელობის გახმაურებულ საქმეებს გამოიძიებდა.

წინადადება პარლამენტის საგამოძიებო კომისიის შექმნის თაობაზე 30 ხმით 26-ის წინაღმდეგ ჩავარდა.  

ორივე დანაშაულის ფაქტზე გირგვლიანის და რობაქიძის ნათესავები, ადამიანის უფლებათა დამცველები და სახალხო დამცველი აცხადებენ, რომ გამოძიებამ დამალა შინაგან საქმეთა სამინისტროს მაღალჩინოსნების მონაწილეობა ორივე საქმეში.

”საზოგადოებას აქვს კითხვები ამ საქმეებთან დაკავშირებით, რომელთაც პასუხის გაცემა სჭირდება. მაგრამ გენერალური პროკურატურა ამ კითხვებზე პასუხს ვერ სცემს. ამდენად, საჭიროა პარლამენტის საგამოძიებო კომისიის შექმნა, რომელიც გასცემს პასუხს ყველა კითხვაზე”, - განაცხადა ოპოზიციონერმა დეპუტატმა კახა კუკავამ პარლამენტის სხდომაზე.

”ამ ინიციატივის წინააღმდეგ ხმის მიცემით, თქვენ ხაზს ავლებთ ხელისუფლებასა და საზოგადოებას შორის. ამ კომისიის შექმნით, თქვენ ძალიან დადებით ტენდენციას შეუწყობთ ხელს”, - მიმართა ოპოზიციონერმა დეპუტატმა კოკა გუნცაძემ დეპუტატებს ნაციონალური მოძრაობიდან.

”ეს არ იყო ჩვეულებრივი მკვლელობის შემთხვევები. ეს არის ისტორიული ფაქტი. გავა წლები, მაგრამ ეს საქმეები დარჩება როგორც სამარცხვინო ლაქა ჩვენს ისტორიაში და თითოეული პირის პოზიცია, თითოეული ჩვენგანის პოზიცია ამ საქმეების მიმართ მნიშვნელოვანია. თქვენი თანხმობა და წინააღმდეგ მიცემულ ხმა უჩვენებს თქვენს დამოკიდებულებას ამ საქმეების მიმართ”, - განაცხადა ოპოზიციონერმა დეპუტატმა დავით ზურაბიშვილმა.

დეპუტატები მმართველი პარტიიდან ოპოზიციონერ კანონმდებლებთან დებატებში არ ჩართულან. 

თუმცა, მოსმენის წინ უმრავლესობის წევრებმა განაცხადეს, რომ ისინი ენდობიან გენერალური პროკურატურის დასკვნებს.

”თუ ჩვენ დავთანხმდებით საგამოძიებო კომისიის შექმნას, ეს იმის მანიშნებელი იქნება, რომ ჩვენ არ ვენდობით გენერალურ პროკურატურას და სასამართლო სისტემას”, - განაცხადა დეპუტატმა ნიკა გვარამიამ მმართველი პარტიიდან.  

 

 

უახლესი ამბები
18 დეკ.'17 16:13
პარლამენტში ქართული ოცნების კიდევ ორი ფრაქცია შეიქმნება
მმართველი პარტიის წევრები უარყოფენ მედიის ინფორმაციას, რომ ეს ცვლილება შიდა უთანხმოებას უკავშირდება.
18 დეკ.'17 12:37
2018 წლის აპრილში პარლამენტის შუალედური არჩევნები გაიმართება
არჩევნები ჩატარდება ვანისა და ხონის მაჟორიტარულ ოლქში, რომლის დეპუტატმაც პარლამენტიდან სუს-ში გადაინაცვლა.
17 დეკ.'17 17:14
ევროპარლამენტის ცხრა წევრი მერაბიშვილის გათავისუფლებას მოითხოვს
ევროპარლამენტარები მოუწოდებენ საქართველოს, პატივი სცეს ევროსასამართლოს გადაწყვეტილებას.   
15 დეკ.'17 18:50
ახალ კონსტიტუციაში საჯარო ინფორმაციის ხელმისაწვდომობის პირობები დაზუსტდება
შესაბამისი შესწორება პარლამენტმა საკონსტიტუციო ცვლილებების მეორე მოსმენით განხილვისას დაამტკიცა.
15 დეკ.'17 18:06
ლარი აშშ დოლართან და ევროსთან მიმართებაში გამყარდა
ლარის გაცვლითი კურსი აშშ დოლართან მიმართებაში 2.5597, ხოლო ევროსთან მიმართებაში 3.0256-ია.    
15 დეკ.'17 12:34
ამერიკელი სენატორი საქართველოსთვის ჯაველინის სისტემის მიყიდვას ეწინააღმდეგება
სენატორმა რენდ პოლმა რეზოლუცია წარადგინა, სადაც შემოთავაზებული მიყიდვის აკრძალვას ითხოვს.
14 დეკ.'17 19:26
ჟენევის საერთაშორისო დისკუსიების 42-ე რაუნდი
მხარეთა შორის უთანხმოებები 12-13 დეკემბრის რაუნდის დროსაც გაგრძელდა.
14 დეკ.'17 15:16
სამხედრო ძალების რაოდენობა მომავალი წლისთვის კვლავ 37 ათასით განისაზღვრა
საქართველოს შეიარაღებული ძალების ზღვრული მაქსიმუმი 37 ათასს 2008 წლის ივლისის შემდეგ შეადგენს.
14 დეკ.'17 13:41
პარლამენტმა ახალ კონსტიტუციაში ინიცირებული ცვლილებები პირველი მოსმენით მიიღო
კანონპროექტის საბოლოო მოსმენით მიღება საგაზაფხულო სესიაზე იგეგმება.
14 დეკ.'17 10:45
2018 წლის ბიუჯეტი დამტკიცებულია
ოპოზიციამ მხარი არ დაუჭირა მომავალი წლის ბიუჯეტს, რომელიც 4.5%-იან ეკონომიკურ ზრდაზეა გათვლილი.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
91