Civil.ge-ს შესახებ
Eng | ქარ | Рус
ბოლო განახლება: 18:50 - 15 დეკ.'17
RSS
Mobile
Twitter
Facebook
საგარეო დიპლომატია კონფლიქტებთან დაკავშირებით გააქტიურდა
/ 17 ნოე.'06 / 14:28
სივილ ჯორჯია

ბოლო კვირა გამოირჩეოდა საქართველოში არსებული სეპარატისტული კონფლიქტების მოგვარებისკენ მიმართული საერთაშორისო დიპლომატიური საქმიანობის გააქტიურებით. 

ამჟამად, აშშ-ის სახელმწიფო მდივნის თანაშემწის მოადგილე ევროპისა და ევრაზიის საკითხებში მეთიუ ბრაიზა საქართველოს ხელმძღვანელობასთან მოლაპარაკებებს მართავს, ხოლო 18 ნოემბერს სოხუმში ჩასვლას გეგმავს. 

აფხაზეთისა და სამხრეთ ოსეთის კონფლიქტების საკითხი იქნა განხილული 15 ნოემბერს მოსკოვში რუსეთის საგარეო საქმეთა მინისტრის მოადგილეს გრიგორი კარასინს და აშშ სახელმწიფო მდივნის თანაშემწის დანიელ ფრიდს შორის გამართულ შეხვედრაზე.

იმავე დღეს კარასინმა მოსკოვში ცალ-ცალკე მოლაპარაკებები გამართა  გაეროს სპეციალურ წარმომადგენელთან საქართველოში ჟან არნოსთან და ბრიტანეთის ელჩთან რუსეთში ენტონი ბრენტონთან, სადაც საქართველოს შესახებ იმსჯელეს.

15 ნოემბერს გერმანიის საგარეო საქმეთა სამინისტროს დელეგაცია სოხუმს ეწვია და აფხაზეთის დე ფაქტო საგარეო საქმეთა მინისტრს სერგეი შამბას შეხვდა.   

გერმანია, რუსეთი, დიდი ბრიტანეთი, აშშ და საფრანგეთი გაეროს გენერალური მდივნის მეგობართა ჯგუფის წევრები არიან - ეს ჯგუფი აფხაზეთის სამშვიდობო პროცესშია ჩართული.   

მეგობართა ჯგუფი 2007 წლის იანვარში ჟენევაში გეგმავს შეხვედრას. გაეროში  საქართველოს ელჩის ირაკლი ალასანიას განცხადებით, შეხვედრაზე, სავარაუდოდ, განიხილავენ წინადადებებს აფხაზეთის კონფლიქტის ზონაში არსებული სამშვიდობო ოპერაციის შესაძლო ინტერნაციონალიზაციის თაობაზე. 

სეპარატისტული კონფლიქტების შესახებ იმსჯელეს ასევე საქართველოს საგარეო საქმეთა მინისტრის გელა ბეჟუაშვილის ბრიუსელში ვიზიტის დროს, სადაც მან 15 ნოემბერს მოლაპარაკებები გამართა ევროკავშირის და ნატოს ოფიციალურ პირებთან.

ამავდროულად, აფხაზეთის და სამხრეთ ოსეთის ლიდერები, სერგეი ბაღაფში და ედუარდ კოკოითი მოსკოვს სტუმრობენ.

16 ნოემბერს რუსეთის სახელმწიფო ტელეკომპანიის "პირველი არხის" პოლიტიკურ თოქშოუში სახელწოდებით "თავად განსაჯეთ“ გამოსვლისას ბაღაფშმა თბილისი ზემო კოდორის ხეობაში "პროვოკაციული ქმედებების“ შედეგად მოლაპარაკებების პროცესის ჩაშლაში დაადანაშაულა.
ივლისში ემზარ კვიციანის წინააღმდეგ განხორციელებული სპეცოპერაციის შემდეგ ქართულმა მხარემ ზემო კოდორის ხეობაში აფხაზეთის ლეგიტიმური მთავრობა განათავსა.

სოხუმმა მოლაპარაკებების განახლების წინაპირობად ზემო კოდორის ხეობაში ივლისამდე არსებული სტატუს ქვოს აღდგენა მოითხოვა.

გარდა ამისა, პრეზიდენტ სააკაშვილს ნოემბრის ბოლოს მინსკში დაგეგმილ დსთ-ს ლიდერთა სამიტზე თავის რუს კოლეგასთან ვლადიმერ პუტინთან შეხვედრა სურს რუსეთ-საქართველოს შორის არსებული დაძაბულობის განმუხტვის მიზნით, რაშიც მთავარ ქვაკუთხედს სეპარატისტული კონფლიქტები წარმოადგენს.  

კრემლს ჯერ არ დაუდასტურებია, რომ ორმხრივი შეხვედრა შედგება. თუმცა ზოგიერთი ქართველი ექსპერტის შეფასებით, ორ პრეზიდენტს შორის პირისპირ შეხვედრა უფრო რეალური გახდა მას შემდეგ, რაც სააკაშვილმა ირაკლი ოქრუაშვილი თავდაცვის მინისტრის თანამდებობიდან გადააყენა.  


 

ამავე თემაზე
უახლესი ამბები
15 დეკ.'17 18:50
ახალ კონსტიტუციაში საჯარო ინფორმაციის ხელმისაწვდომობის პირობები დაზუსტდება
შესაბამისი შესწორება პარლამენტმა საკონსტიტუციო ცვლილებების მეორე მოსმენით განხილვისას დაამტკიცა.
15 დეკ.'17 18:06
ლარი აშშ დოლართან და ევროსთან მიმართებაში გამყარდა
ლარის გაცვლითი კურსი აშშ დოლართან მიმართებაში 2.5597, ხოლო ევროსთან მიმართებაში 3.0256-ია.    
15 დეკ.'17 12:34
ამერიკელი სენატორი საქართველოსთვის ჯაველინის სისტემის მიყიდვას ეწინააღმდეგება
სენატორმა რენდ პოლმა რეზოლუცია წარადგინა, სადაც შემოთავაზებული მიყიდვის აკრძალვას ითხოვს.
14 დეკ.'17 19:26
ჟენევის საერთაშორისო დისკუსიების 42-ე რაუნდი
მხარეთა შორის უთანხმოებები 12-13 დეკემბრის რაუნდის დროსაც გაგრძელდა.
14 დეკ.'17 15:16
სამხედრო ძალების რაოდენობა მომავალი წლისთვის კვლავ 37 ათასით განისაზღვრა
საქართველოს შეიარაღებული ძალების ზღვრული მაქსიმუმი 37 ათასს 2008 წლის ივლისის შემდეგ შეადგენს.
14 დეკ.'17 13:41
პარლამენტმა ახალ კონსტიტუციაში ინიცირებული ცვლილებები პირველი მოსმენით მიიღო
კანონპროექტის საბოლოო მოსმენით მიღება საგაზაფხულო სესიაზე იგეგმება.
14 დეკ.'17 10:45
2018 წლის ბიუჯეტი დამტკიცებულია
ოპოზიციამ მხარი არ დაუჭირა მომავალი წლის ბიუჯეტს, რომელიც 4.5%-იან ეკონომიკურ ზრდაზეა გათვლილი.
13 დეკ.'17 18:37
რუსეთი სოხუმთან მოქალაქეობის შესახებ შეთანხმებებს მოაწერს ხელს
მოსკოვი ორ შეთანხმებას ამზადებს ორმაგი მოქალაქეობის და მოქალაქეობის მიღების გამარტივებული პროცედურის შესახებ.
13 დეკ.'17 16:06
ეროვნულმა ბანკმა მონეტარული პოლიტიკის განაკვეთი 7.25%-მდე გაზარდა
მონეტარული პოლიტიკის კომიტეტის მომდევნო სხდომა 2018 წლის 31 იანვარს გაიმართება.
13 დეკ.'17 12:18
საქართველოს საგარეო ვაჭრობა 2017 წლის იანვარ-ნოემბერში
უარყოფითმა სავაჭრო ბალანსმა 4.68 მილიარდი აშშ დოლარი შეადგინა.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
76