Civil.ge-ს შესახებ
Eng | ქარ | Рус
ბოლო განახლება: 15:53 - 28 აპრ.'17
RSS
Mobile
Twitter
Facebook
საქართველოს მეტი იაფი შაჰ–დენიზის გაზის შეძენა სურს
/ 21 ივნ.'06 / 11:24
თეა გულარიძე, სივილ ჯორჯია

სამხრეთ კავკასიური გაზსადენის ამოქმედებამდე ხუთ თვეზე ნაკლები რჩება და საქართველო ცდილობს ამ პროექტიდან უფრო მეტი გაზი შეიძინოს შეღავათიან ფასად, ვიდრე ეს თავდაპირველი კონტრაქტით იყო გათვალისწინებული.

აზერბაიჯანელი, ქართველი და თურქი ექსპერტები 20 ივნისს თბილისში შეიკრიბნენ, რათა საქართველოს ეს წინადადება განიხილონ. აღნიშნული შეხვედრა თბილისში 20 ივნისს დაწყებული ევრაზიის ენერგოუსაფრთხოების კონფერენციის პარალელურად იმართება.

თავდაპირველად შეთანხმებული იყო, რომ სამხრეთ კავკასიური გაზსადენის მშენებლობის შემდეგ - რომელიც ცნობილია ბაქო-თბილისი-ერზრუმის და ასევე შაჰ-დენიზის გაზსადენის სახელით - საქართველო, როგორც სატრანზიტო ქვეყანა, აზერბაიჯანიდან თურქეთში ტრანსპორტირებული გაზის 5%-ს მიიღებდა. ამავე შეთანხმების თანახმად, საქართველო წელიწადში დამატებით შეისყიდის ნახევარ მილიარდ კუბურ მეტრამდე გაზს შეღავათიან ფასად - 55 აშშ დოლარად 1000 კუბურ მეტრზე (წლიური 1,5%-იანი მატებით) შემდგომი 20 წლის განმავლობაში. წლიური 8 მილიარდი კუბური მეტრი გაზი სამხრეთ კავკასიური გაზსადენის საწყისი სიმძლავრეა . იგეგმება, რომ 2012 წლის შემდეგ მისი გამტარუნარიანობა 20 მილიარდ კუბურ მეტრამდე გაიზრდება.

საქართველოს სურვილია, რომ 2007 წლიდან მიიღოს სულ ცოტა 1,5 მილიარდი კუბური მეტრი გაზი შეღავათიან ფასად.

"ეს სავსებით რეალურია... და ჩვენ აზერბაიჯანელ და თურქ პარტნიორებს სურთ დაგვეხმარონ ამაში“, - განუცხადა საქართველოს გაზის საერთაშორისო კორპორაციის პრეზიდენტმა დავით ინგოროყვამ "სივილ ჯორჯიას“ 20 ივნისს.

მისი თქმით, ამ საკითხთან მიმართებაში "ინსტიტუციონალურად შეიცვალა პრინციპები".

"საქართველო ყოველთვის იყო აღქმული, როგორც მხოლოდ სატრანზიტო ქვეყანა; ახლა ვართ შემსყიდველები. შეგვიძლია გადავიხადოთ და ვიყიდოთ ეს გაზი“, – დასძინა მან.
 
ინგოროყვას თქმით, საქართველოს სურს შაჰ–დენიზის გაზი შეიძინოს ისეთ ფასად, რომელიც საქართველოში ელექტროენერგიის ტარიფის ზრდას არ გამოიწვევს.

ოფიციალური თბილისი აზერბაიჯანულ და თურქულ მხარეებთან მოლაპარაკებების მოსალოდნელ შედეგებს ოპტიმისტურად უყურებს.

"მათ ესმით ჩვენი სიტუაცია. იციან, რომ ეს გაზი ჩვენ გვესაჭიროება აუცილებლად იმიტომ, რომ ერთ ქვეყანასაც და მეორესაც უზრუნველყოფილი აქვთ თავისი ენერგომომარაგება. ერთადერთი საქართველო დარჩა და სურთ, რომ დახმარება გაუწიონ“, - განაცხადა ინგოროყვამ.

1,5 მილიარდი კუბური მეტრი გაზი, რომლის შეძენასაც შეღავათიან ფასად საქართველო ითხოვს, არის ქვეყანაში ყოველწლიურად მოხმარებული გაზის ნახევარზე მეტი.

2005 წელს საქართველომ დაახლოებით 1,5 მილიარდი კუბური მეტრი გაზი მოიხმარა, 2006 წლის პროგნოზით კი ეს მაჩვენებელი 2 მილიარდამდე გაიზრდება.

690-კილომეტრი სიგრძის სამხრეთ კავკასიური გაზსადენი არის ენერგომომარაგების ერთადერთი ალტერნატიული წყარო საქართველოსთვის, რომელიც დღეს ამ მხრივ მთლიანად რუსეთზეა დამოუკიდებული. საქართველო რუსეთისგან 1000 კუბურ მეტრ გაზს 110 აშშ დოლარად იძენს.

20 ივნისს თბილისში დაწყებულ საერთაშორისო კონფერენციაზე – ევრაზიის ენერგო უსაფრთხოება, რომელსაც ენერგეტიკის საერთაშორისო სააგენტო და საქართველოს მთავრობა მასპინძლობდნენ, პრეზიდენტმა სააკაშვილმა ენერგორესურსების ახალი სატრანზიტო მარშრუტების განვითარებას გაუსვა ხაზი.

მან აღნიშნა, რომ ტრანსკასპიური და შავი ზღვის ფსკერზე გამავალი გაზსადენების პროექტების განვითარება რეგიონისა და ევროპის ენერგომატარებლებით უსაფრთხო მომარაგებას შეუწყობს ხელს.

აღნიშნული პროექტების განხორციელების შემთხვევაში ცენტრალური აზიის ენერგომატარებლები დასავლურ ბაზრებზე კავკასია–უკრაინის გავლით და რუსეთის გვერდის ავლით გადაიქაჩება.

უახლესი ამბები
28 აპრ.'17 15:53
Freedom House: საქართველოს რეიტინგი პრესის თავისუფლების ინდექსში გაუარესდა
Freedom House-ის კვლევაში საქართველომ წინა წელთან შედარებით ერთი ქულით ნაკლები მიიღო. 
27 აპრ.'17 18:36
საგარეო საქმეთა მინისტრებმა გერმანულ-ქართული წელი გახსნეს
მიხეილ ჯანელიძე თავის გერმანელ კოლეგას ზიგმარ გაბრიელს ბერლინში ვიზიტის დროს შეხვდა.
27 აპრ.'17 17:44
საქართველო და რუმინეთი სავაჭო და პოლიტიკური ურთიერთობების გაღრმავებაზე შეთანხმდნენ
პრემიერ-მინისტრებმა დიპლომატიური ურთიერთობების 25 წლისთავთან დაკავშირებით დეკლარაცია მიიღეს.
27 აპრ.'17 09:46
ბათუმის მოვლენების ორგანიზების ბრალდებით სასამართლომ ორ პირს პატიმრობა შეუფარდა
11-12 მარტს ბათუმში განვითარებულ მოვლენებთან დაკავშირებით 21 პირია დაკავებული.
26 აპრ.'17 17:34
თბილისი იერუსალიმის პატრიარქის მიერ აფხაზეთზე გაკეთებული განცხადების გამო შეშფოთებულია
საქართველოს ელჩი ისრაელში იერუსალიმის პატრიარქს თეოფილოს III-ს შეხვდა და მისი აფხაზ მომლოცველებთან შეხვედრის საკითხი განიხილა.
26 აპრ.'17 13:54
სეპარატისტული სამხრეთ ოსეთის მთავრობა გადადგა
რეგიონის ახალი ლიდერი ანატოლი ბიბილოვი ახალი მთავრობის ფორმირებას ორ კვირაში გეგმავს.
26 აპრ.'17 13:38
საქართველოს რეიტინგი პრესის თავისუფლების ინდექსში უცვლელი დარჩა
„რეპორტიორები საზღვრებს გარეშე“-ს რეიტინგში საქართველო 27,76 ქულით 180 ქვეყანას შორის 64-ე ადგილზეა
26 აპრ.'17 12:34
საქართველომ ევროპის ენერგეტიკულ გაერთიანებაში შესვლის შესახებ შეთანხმების რატიფიცირება მოახდინა
საქართველოს პარლამენტში შეთანხმების რატიფიცირებას 89 დეპუტატმა ერთხმად დაუჭირა მხარი.
25 აპრ.'17 19:00
საქართველოს თავდაცვის სამინისტრომ 2017-2020 წლების თავდაცვის სტრატეგიული მიმოხილვა გამოაქვეყნა
თავდაცვის სამინისტრო რუსეთს მთავარ საფრთხედ მიიჩნევს და თავდაცვითი შესაძლებლობების გაძლიერებისკენ ისწრაფვის.
25 აპრ.'17 16:59
სოხუმმა ეთნიკური ქართველებისთვის ბინადრობის ნებართვების გაცემა დაიწყო
სეპარატისტული აფხაზეთის ხელისუფლებამ მოქალაქეობის არმქონე პირებისთვის ახალი ხუთწლიანი დოკუმენტები შემოიღო.

სივილ ჯორჯიას შესახებ
Civil.Ge © 2001-2017, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
59